Efɛɛzu 1:12 - Bibeli do fee

¹² Na nŋu, i jɔ̀ ka saabu kulai Ilaaɔ̃, awa Zuifu ŋa iyi à tako à waa cɔ kpãai Kirisi wo.

Efɛɛzu 1:12 Iomraidhean Croise

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Ezai 11:10

Si waati nŋu bɛ tɔkui Izaii á jɛ nyinda bi zamaau nɔ inɛi ilɛ fei á maa dɛdɛɛi. Nɔ amboei Ilaaɔ̃ á wa tengi bii í wa.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 45:23

Nɔ Aɔ̃ Lafɛ̃ɛ í nyi í ni má, ǹ gbasi do irii amu takam, ide iyi í jɛ dee deei í ya fita hai si gɛlɛm. Nɔ ide iyi í fita wa hai si gɛlɛm kaa kpaasi má. Ilugũ fei á gulɛi si wajum, nɔ gɛlɛ fei á ya ce kugbasii do irim.

Ezai 45:25

Do saabui Aɔ̃ Lafɛ̃ɛi tɔkui Izirɛli ŋau fei aa jɛò dee dee, nɔ siɛi inɔ didɔ̃ nŋa fei á wa.

Zeremi 23:6

Si waatiɛi inɛi Zudaa ŋa aa ba faaba, nɔ inɛi Izirɛli ŋa aa jɛ kuwɛɛ nŋai do laakai ku sũ. Iri iyi aa ya kpoo doi í jɛ, Aɔ̃ Lafɛ̃ɛi í jɛ woo kiiti nwa.

Laabaau jiida iyi Zãa í kɔ 14:1

Ŋɔi Jesu í sɔ̃ mɔcɔɛ ŋa í ni, i maà ya jɔ̀ i wɛɛò zigiida ŋa. I dasi Ilaaɔ̃ naanɛ nɔ i dasim naanɛ ŋa.

Efɛɛzu 1:6

ku ba ka saabu didɔ̃ nla nlaɛ iyi í ce nwa si anu akã nwa do Amaɛ, inɛ iyi siɛi kubiɛ fei í wa.

Efɛɛzu 2:7

Í ce bɛɛbɛi ku ba ku nyisi didɔ̃ nla hai nɛ kɔɔɛ si jiida ku jɛɛ iyi í ce nwa do saabui Jesu Kirisi hee do ajɔ fei.

Efɛɛzu 3:21

Í sĩa inɛi igbɛɛ ŋa a jɔ̀ inɛ ŋa a mà bɛɛrɛɛ waati kãma fei hee do ajɔ fei do saabui Jesu Kirisi. Ami.

Tɛsalonika 2, 2:13

Iŋɛ inɛ nwa ŋa, iŋɛ iyi Lafɛ̃ɛ í bi, à nɛ ka ya maa saabu Ilaaɔ̃i waati kãma fei na iri nŋɛ, domi Ilaaɔ̃ í cica ŋɛ hai sinteɛ i baò faaba ŋa do gbugbãi Hundeɛ, do naanɛ nŋɛ iyi ì nɛ si ntɔu ŋa. Hundeui í jɔ̀ ì jɛ inɛ kumá ŋa.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Zaaki 1:18

Si idɔɔbiɛ, í bí wa isɛ gbeejisia do saabui ide ntɔɛ ku ba hai si inɛ ŋa iyi í taka fei ka jɛ bɛi amaajɛ sinte ŋa iyi à jɛ tɛɛ.

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.