Efɛɛzu 1:11 - Bibeli do fee

¹¹ Ntɔ ntɔ, mii fei wa cei si bɛi Ilaaɔ̃ í bi. Na nŋu, à jɛ woo jɛ tubu bi tɛɛ na anu akã nwa do Kirisi, si na iyi í jɔ̀ í cica wa wo si bɛi nŋu takaɛ í dasi idɔ hai tako.

Efɛɛzu 1:11 Iomraidhean Croise

Zɔɔbu 12:13

Bi Ilaaɔ̃i laakai do gbugbã à wa. Nŋui í nɛ ikɔ do bisi.

Zɔɔbu 33:29

Mii iyi Ilaaɔ̃ í ya maa cea amanɛ mbɛ waati kãma fei,

Iri ku kɔ̃ 37:18

Aɔ̃ Lafɛ̃ɛ í mà kuwɛɛi inɛ dee dee ŋa nɔ tubu iyi í jilɛ nŋa á maa wɛɛi hee do ajɔ fei.

Mɔnda ŋa 8:14

Bi tom nii inɛ á ba ikɔ jiida do kumà. Amui ǹ jɛ bisi, nɔ amui ǹ nɛ gbugbã.

Ezai 25:1

Aɔ̃ Lafɛ̃ɛ, awɔi ì jɛ Aɔ̃ Lafɛ̃ɛm. Awɔi an saabu n maa n fɔ jiida ku jɛɛ, nɔ an kɔ̃ iri n cĩɛ, domi ì ce mii jiida nla nla ŋa iyi ì dasi idɔ i ce hai ku kpɛ ŋau, nɔ à wɛɛi si agbɛ nŋa dim dim.

Ezai 28:29

Kuce dimi bɛɛbɛ mɔ wa naai hai bi Aɔ̃ Lafɛ̃ɛi lele do ilɛ. Lasabui mii ŋa iyi í ce í jilɛ í ya mu inɛ biti. Lasabui mii ŋa ku mà ku ceɛ í la hee í caa.

Ezai 5:19

Aŋai à ya maa ni, gbãa gbãai à bi ka yɛ mii iyi Aɔ̃ Lafɛ̃ɛ í nɛ ku ce. Sɔɔlui mii ŋa iyi Inɛ Kumái Izirɛliu í ce í jilɛ, ku coo ńya ńya ku ba ka yɔɔ.

Zeremi 23:18

Amma yoo nŋai awaò à buba à jilɛ ide gɔ. Yoo nŋai í yɛ nɔ í gbɔ ide iyi amu Aɔ̃ Lafɛ̃ɛ ǹ fɔ. Yoo nŋai í ce laakaii idem nɔ í gbɔ yaaseɛ.

Zeremi 32:19

Awɔi ì ya ce sɔɔlui mii nla nla ŋa, nɔ a cei do gbugbã. Ijuɛ í ya maa kãsi mii iyi amanɛ ŋa à waa ce feii, nɔ ì ya cea inɛ feii bɛi isɛɛnɛi lafɛ̃ɛ í yɛ do bɛi daa ŋa iyi lafɛ̃ɛ wa ce í yɛ.

Zakari 6:13

Ntɔ ntɔ nŋui á maa. Á nɛ bɛɛrɛ nɔ kú buba si batai bommaɛ ku maa gbã inɛ ŋa. Woo wee gɔ mɔ á buba si batai bommaɛ, nɔ aŋa minji fei aa maa gbã inɛ ŋa ajɔ do laakai ku sũ.

Woo bɛ ŋa 13:48

Iyi hai jɛ Zuifu ŋau à gbɔ ideu, ŋɔi í dɔ̃ nŋa si, à waa saabu Lafɛ̃ɛ na ideɛu. Nɔ inɛ ŋa iyi Lafɛ̃ɛ í jilɔɔ si a ba kuwɛɛ hai tãu fei à dasi naanɛ.

Woo bɛ ŋa 2:23

Jesuu, Ilaaɔ̃ takaɛi í lasabu hai sinte í jilɔɔ si a daa inɛ ŋa si awɔ. Nɔ iŋɛi ì daa ilu dulum ŋa si awɔ ì jɔ̀ à kpakpaɛ si jĩi ku gaau à kpaa ŋa.

Woo bɛ ŋa 20:27

domi ǹ sisi nŋɛ ide iyi Ilaaɔ̃ í jilɛ fei n kù singa nŋɛ gɔgɔɛ.

Woo bɛ ŋa 20:32

Nsɛi ǹ so ŋɛ ǹ wa n daa Ilaaɔ̃ si awɔ nɔ ǹ wa n da nŋɛ idei didɔ̃ɛ si awɔ. Nŋui á yɔkɔ ku mu nŋɛ gbugbã nɔ ku mu nŋɛ tubu iyi í jilɛa inɛ ŋa iyi í cica a jɛ tɛɛ fei.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Woo bɛ ŋa 4:28

Bɛɛbɛi à ce, nɔ nŋu bɛi í jɔ̀ mii iyi ì jilɛ fei hai tako iyi í jɛ idɔɔbiɛ í kɔ̃.

Romu 11:34

Bɛɛbɛi kukɔi idei Ilaaɔ̃ í ni, yooi í mà lasabui Aɔ̃ Lafɛ̃ɛ. Mà yooi í muaa bisi ajɔ gɔ.

Romu 8:17

To, si bɛi à jɛ amaɛ ŋa, nŋui í jɔ̀ à nɛ baa si mii iyi í jilɛ nwa. Aa ka nɛ ikpɛ̃ do Kirisi ajɔ, domi bii à baa ijuukpãɛ ku kpɛ̃, bɛɛbɛ mɔi aa ka baa amboeɛ ku kpɛ̃ má.

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Romu 8:29

Ntɔ ntɔ, inɛ ŋa iyi Ilaaɔ̃ í cica hai tako, aŋai í jilɛ ku ba a jɔ Amaɛ. Si bɛɛbɛ Amaɛui á jɛ yemmai ifɔ nkpɔ nkpɔ.

Romu 8:30

Inɛ ŋa iyi í cica í jilɛu, nŋui í kpe ŋa. Inɛ ŋa iyi í kpeu í ce ŋa dee dee. Inɛ ŋa iyi í ce dee deeu í ce nŋa ikpɛ̃i amboeɛ.

Romu 9:11

Amma hee Rebeka ku maa bí ŋa, si waati iyi a kù ce jiida gɔ titã hee má jɛ laalɔ, Ilaaɔ̃ í sɔ̃ Rebeka í ni, inɛ sinteui á ya sũa inɛ ankãanyiu iri ilɛ. Í fɔ bɛɛbɛi ku ba ku nyisi iyi nŋu í ya cica inɛ ŋai bɛi nŋu takai nŋu í bi, nɔ í kpe ŋa si bɛi nŋu takaɛ í jilɛ, kù jɛ na kuce nŋa.

Galati 3:18

Amma bii na wooda ku jirimai à jɛ tubu, kù jɛ na idei kuwã má. Nɔ wee do kuwãi Ilaaɔ̃ í ceaò Aburahamu didɔ̃ɛ.

Efɛɛzu 1:14

Hundeɛu nŋui í yɛ bɛi kaazigii tubu nwa iyi Ilaaɔ̃ í wãò inɛɛ ŋa wo. Nɔ wa sɔ̃ wa kãm kãm iyi aa ka jɛ tubuu si waati iyi Ilaaɔ̃ á ya inɛɛ ŋa mam mam. Na nŋu, ka saabu kulaɛ.

Efɛɛzu 1:18

Ǹ wa n tɔɔɛ má ku jɔ̀ inya kumá ku lɔ si idɔ nŋɛ ku ba i mà yaasei kpãa ku cɔ si bii í kpe ŋɛ, do si bɛi tubu iyi í jilɛa woo dasiɛ naanɛ ŋa í la í to,

Efɛɛzu 1:5

Si kubiɛ í lasabu wo hai ku kpɛ ku ce wa amaɛ ŋa si anu akã nwa do Jesu Kirisi, si bɛi í bi si jiida ku jɛɛ

Efɛɛzu 1:8

Didɔ̃ iyi í ce nwa í caa si bɛi í mu nwa bisi nla nla do laakai jiida.

Efɛɛzu 1:9

Nɔ í jɔ̀ a mà asii iyi nŋu takaɛ í dasi idɔ ku ce hai tako si Kirisi.

Efɛɛzu 3:11

Bɛɛbɛi í ce í jilɛò ide iyi wa ce, í bɛi í takaò andunya, nɔ í kpa iriɛ si Jesu Kirisi Lafɛ̃ɛ nwa.

Wooda ku kɔsi 4:20

Amma iŋɛ, Aɔ̃ Lafɛ̃ɛ í koo í nya ŋɛ í fitaò ŋɛ wai hai ilɛi Ezibiti iyi í yɛ bɛi tengi bii à ya dasi isɔ ina ku yɔ. Í ce bɛɛbɛi ku ba i jɛ zamaaɛ bɛi ì jɛ nnyiu ihɛ̃ ŋa.

Kolosee 1:12

I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Kolosee 3:24

I mà ŋa iyi Lafɛ̃ɛ á sã nŋɛ riba nŋɛ ŋa, iyi í jɛ tubu iyi í jilɛa inɛɛ ŋa, domi Kirisii í jɛ Lafɛ̃ɛ nŋɛ iyi ì waa cea icɛ ŋa.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Titee 3:7

ku ba ka na ka jɛ inɛ dee dee si wajui Ilaaɔ̃ na didɔ̃ɛ nɔ ka jɛò tubui kuwɛɛ hai tã iyi à waa cɔ kpãaɛ.

Ebɛɛ 6:17

Bɛɛbɛi, inɛ ŋa iyi Ilaaɔ̃ í cea kuwãu, í bi ku nyisi ŋa mam mam iyi idei nŋu kù nɛ gɛlɛ ku kɔbia. Na ŋɔi í jɔ̀ í gbasi ku ba a mà iyi ntɔ ntɔ á cooi.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Piɛɛ 1, 1:4

Nɔ í jilɛ nwa tubu iyi kaa bɛjɛ, kaa riisi, nɔ kusĩaɛ kaa tã. Tubuui à jilɛ nŋɛ lele,

Piɛɛ 1, 3:9

I maà ya sãa inɛ laalɔɛ, walakɔ arabu ŋa iyi í buɛ. Í sĩa mɔm i ya jɛaa do kuwee, domi Ilaaɔ̃ í kpe ŋɛi ku ba i ba kuwee ŋa.