Ebɛɛ 9:4 - Bibeli do fee

⁴ Bɛi bi kuwee iyi à ce do wura í wa, si antaiɛi à ya jo tuae. Bɛ mɔi kpakoi akabuui Ilaaɔ̃ í wa iyi à bii do wura. Si inɔ kpakoui, cakai wura í wa, bii à dasi mana. Nɔ si inɔ kpakou mɔi goloi Arɔ̃ɔ iyi Ilaaɔ̃ í jɔ̀ í da koko wo í wa, do kuta ku munga anu si bii à kɔ wooda.

Ebɛɛ 9:4 Iomraidhean Croise

Ilaalu 1, 7:50

Nɔ à ce dangala ŋa do kasɛ ŋa do kɔɔfu ŋa do ama jɛɛ ŋa do ama caka ŋau fei do wura. Bi ku bɔsi gamboi ile iyi í má í reu do ti gamboi ile kumáu, à ce ŋai do wura.

Ilaalu 1, 8:21

Nɔ si inɔ ileu ǹ jɔ̀ inya bii kpakoi akabuui Aɔ̃ Lafɛ̃ɛu í wa, akabuu iyi í dĩ do bala nwa ŋa waati iyi í nya ŋa wa hai ilɛi Ezibiti.

Ilaalu 1, 8:9

Nkãma kù wa inɔ kpakou í gbe kuta minji ŋa iyi Moizi í dasi hai Ɔrɛbu waati iyi Aɔ̃ Lafɛ̃ɛ í dĩ akabuuɛ do inɛi Izirɛli ŋa waati iyi à fita hai ilɛi Ezibitiu.

Bomma 2, 5:10

Nkãma kù wa inɔ kpakou í gbe kuta minji ŋa iyi Moizi í dasi hai Ɔrɛbu waati iyi Aɔ̃ Lafɛ̃ɛ í dĩ akabuuɛ do inɛi Izirɛli ŋa waati iyi à fita hai ilɛi Ezibitiu.

Kufita 26:33

Aa dasi acɔui si abɛi isɔ ŋa iyi à yɛ bɛi lɛlɛawɔ ŋau. Acɔui á fɛɛfɛ ile iyi í má do iyi í re do kumáu. Do anyii acɔu bɛi aa jilɛ kpako bii aa dasi kuta minji si bii à kɔ woodau,

Kufita 31:18

Waati iyi Aɔ̃ Lafɛ̃ɛ í ba Moizi ide ku fɔ si antaii iri kutai Sinaiu í tãi, í náa kuta minji ŋau si bii nŋu takaɛ í kɔ wooda ŋau wa.

Kufita 32:15

Ŋɔi Moizi í kita wa hai antaii iri kutau má, wa mu kuta minji gɔ ŋa. Kuta ŋau cingaa do cingaa fei woodai Ilaaɔ̃ ŋai à kɔsi.

Kufita 34:29

Ŋɔi Moizi wa kita wa hai iri kutai Sinai wa muò kuta minji ŋa si bii à kɔ idei akabuu, nɔ kù mà mà wajui nŋu wa daana si bɛi nŋu do Ilaaɔ̃ à fɔ ide wa.

Kufita 37:25

Nɔ à ce bi kuwee si bii aa ya jo tuae do jĩi ndii akasia. Kusɔɛ do kucĩɛ fei wa mungai, gonta akã fei agbãawɔ akãi í jɛ, kugbokaɛ mɔ agbãawɔ minji. Nɔ à cea gonta mɛɛ ŋau ngo ŋa.

Kufita 39:35

do kpakoi akabuuu do jĩi ŋa iyi aa maa soo dou, do ama ambiiɛ.

Kufita 40:3

Nɔ aa jilɛ kpakoi akabuuui do jĩnɛɛ ŋa do anyii acɔ iyi wa fɛɛfɛ ile iyi í re do kumáu do ile kumáu.

Kuwee 16:12

Á so jĩnɛ iyi í wa bi kuweeui, nɔ ku bu ina iyi í wa bii à ya ce kuwee si wajui amu Aɔ̃ Lafɛ̃ɛu ku dasi hee ku kɔ̃, nɔ ku bu tuae fùfù ku dɔ̃ inunu awɔ kutu minji, nɔ ku kooò fei ndɛɛ si inɔi ile iyi í re do kumáu.

Kuka 17:10

i fa ara nŋɛ hai bi zamaau bɛ ŋa, domi an kpa ŋai anu akã. Ŋɔi Moizi do Arɔ̃ɔ à sɛɛbata hee ilɛ,

Kuka 17:5

Iyi bɛi á maa ye inɛi Izirɛli ŋa gigi a ba a mà iyi inɛ mmu kãma iyi kù jɛ tɔkui Arɔ̃ɔ kù nɛ kpãai koo jo tuae si wajui Aɔ̃ Lafɛ̃ɛ. Inɛ iyi í nɔ í coo fei, dimii mii iyi í ba Kore do inɛi anyiɛ ŋau, dimi nŋui á ba lafɛ̃ɛ mɔ, si bɛi Aɔ̃ Lafɛ̃ɛ í tako í jilɔɔ si Arɔ̃ɔ wo na saabui Moizi.

Kuka 17:8

Ŋɔi Moizi do Arɔ̃ɔ à bɔ anui ile bi kukou,

Wooda ku kɔsi 9:11

Si kɔɔi ajɔ ciiji do idũ ciijiui Aɔ̃ Lafɛ̃ɛ í nam kuta minji ŋa si bii í kɔ idei akabuuu.

Wooda ku kɔsi 9:9

Waati iyi ǹ gũ iri kutau ǹ bɔ kuta si bii Aɔ̃ Lafɛ̃ɛ í dĩ akabuuɛ do iŋɛu ku gba wa, ajɔ ciiji do idũ ciijii ǹ ce si iri kutau iyi n kù jɛ sɔnda kãma hee má jɛ n mɔ inyi

Kuyɛi Zãa 11:19

Ŋɔi à cĩ kpasɛ̃i Ilaaɔ̃ iyi í wa lele nɔ à yɛ kpakoi akabuuɛ si inɔɛ. Nɔ ijĩ wa ŋɔ, nɔ à waa gbɔ iba ŋa do kulai ijĩ. Nɔ ilɛ wa yaya, nɔ kutai ijĩ ŋa à waa cuku wa do gbugbã.

Kuyɛi Zãa 8:3

Si anyii nŋu, amaleka mmu gɔ í naa í leekĩ kɔkɔi bi kuweeu, wa mu fatai wura bii à ya jo tuae. À náa tuae nkpɔ nkpɔ ku tɔtɔɔò kutɔɔi woo dasi naanɛ ŋa ku ba ku joo si antaii bi kuweei wura iyi í wa si wajui kitãi bommai Ilaaɔ̃u.