Ebɛɛ 9:2 - Bibeli do fee

² Ntɔi à gũ ilei acɔ. Inɔ sinteui à ya kpe ile kumá. Bɛi fitila í wa do taabu do pɛ̃ɛ iyi à ya jilɛa Ilaaɔ̃.

Ebɛɛ 9:2 Iomraidhean Croise

Kufita 25:23

Nɔ Aɔ̃ Lafɛ̃ɛ í sɔ̃ Moizi má í ni, aa ce taabui do jĩi ndii akasia, kusɔɛ á jɛi agbãawɔ minji, kucĩɛ mɔ agbãawɔ akã nɔ kugbokaɛ mɔ á jɛi agbãawɔ akã do bubu.

Kufita 25:30

Si antaii taabu bɛi aa ya jilɛɛm pɛ̃ɛ ŋau. Jɔ̀ ku ya maa wɛɛ si wajum hee do ajɔ fei.

Kufita 25:31

Nɔ Aɔ̃ Lafɛ̃ɛ í sɔ̃ Moizi má í ni, i ce bi ku lesi fitila do wura alala iyi à cã. Kutɛɛ do akpaɛ do amaawɔɛ ŋa do si tengi bii fitila ŋau aa wa, aa cooi do boodai kokoi jĩi ŋa, nɔ fei ndɛɛ fei akãi á jɛ.

Kufita 26:1

Ŋɔi Aɔ̃ Lafɛ̃ɛ í sɔ̃ Moizi má í ni, wɔ̃ acɔ mɛɛwa do ikũ ku nɛ gbugbã ŋa. Ikũ ku nɛ gbugbã ŋau ikũ boogu do nkpa do boogu iyi à yɔgɛɛ do nkpai. Nɔ i ce booda iyi í jɔ amaleka ŋa iyi à ya kpe serubɛ̃ɛ si acɔ ŋau jiida jiida. Nɔ do acɔ ŋau bɛi aa ceò ilei acɔu.

Kufita 26:33

Aa dasi acɔui si abɛi isɔ ŋa iyi à yɛ bɛi lɛlɛawɔ ŋau. Acɔui á fɛɛfɛ ile iyi í má do iyi í re do kumáu. Do anyii acɔu bɛi aa jilɛ kpako bii aa dasi kuta minji si bii à kɔ woodau,

Kufita 26:35

Taabuu do bi ku lesi fitilau si ile kumáui á wa. Bii ì lɔ inɔ ileu taabuu á wai do ikpa awɔ njɛ, bi ku lesi fitilau mɔ do ikpa awɔ canga.

Kufita 29:1

Aɔ̃ Lafɛ̃ɛ í sɔ̃ Moizi má í ni, yaase bɛi aa jilɛ woo wee ŋa na icɛm wee. Mu kɛtɛ kombo saasaabɔ gɔ do angudã kombo minji iyi kãma nŋa kù nɛ leebu gɔ.

Kufita 29:35

Aa cea Arɔ̃ɔ do amaɛ ŋai dee dee si bɛi ǹ sɔ̃ɛ. Zakai ajɔ mɛɛjei aa ce a bɛi a lɔ si icɛu.

Kufita 40:2

ajɔ sintei cukpa sinte aa jɔ̀ a gũ ile bi kukoui.

Kufita 40:4

Nɔ aa so taabuu i naaò wai i naa i jilɔɔ, nɔ i naaò bi ku lesi fitilau wa nɔ i lesi fitila ŋau.

Matie 12:4

Í lɔ kpasɛ̃i Ilaaɔ̃ nɔ í so pɛ̃ɛ iyi à jilɛa Ilaaɔ̃ í jɛ, nŋu do inɛɛ ŋa. Nɔ wee a kù nɛ kpãai pɛ̃ɛu ku jɛ, í gbe woo weei Ilaaɔ̃ ŋa aŋa akã.

Matie 5:15

A ci ya má fitila a biiɛ do caka. Amma à ya kɔaɛi tengi bii á má inya, inɛi kpasɛ̃ fei ku yɛò ilu.

Ebɛɛ 9:25

Si bɛi í lɔ bɛ, kù jɛ a ni í nɛ bukaatai koo ce kuweei araɛ tuuba nkpɔ nkpɔ. Woo wee nlau, inɛ nŋu í ya lɔi adɔ̃ do adɔ̃ si inɔ ile iyi í re do kumáu do njɛi mɛɛmu gɔ.