Ebɛɛ 8:9 - Bibeli do fee

⁹ Kaa yɛ bɛi iyi ǹ dĩ do bala nŋa ŋa, ajɔ iyi ǹ mu awɔ nŋa ǹ fitaò ŋa hai ilɛi Ezibiti. A kù leekĩ do akabuu iyi ǹ dĩ do aŋa. Na nŋu, ǹ ce si ŋa atafii. Ideu bɛi, amu Aɔ̃ Lafɛ̃ɛ ǹ fɔ.

Ebɛɛ 8:9 Iomraidhean Croise

Kusintii Andunya 19:16

Si bɛi kudedei Lɔtu mɔ kù waa jɛ ńya, ŋɔi amaleka ŋau à mu awɔɛ do ti aboɛ do ama inaabo minjiɛ ŋau, à fa ŋa à bɔò ŋa hee alalai iluu domi Aɔ̃ Lafɛ̃ɛ í ce araare nŋa.

Zɔɔbu 8:20

Aawo, Ilaaɔ̃ ci ya kɔ̀si inɛ dee dee pai, nɔ ci ya sobi woo ce laalɔ ŋa.

Iri ku kɔ̃ 105:43

Í jɔ̀ inɛɛ ŋau à fita wai do inɔ didɔ̃. Inɛɛ ŋa iyi í cicau, à fita wai do anu ku dɔ̃ do inɔ didɔ̃ nla nla.

Iri ku kɔ̃ 77:20

Ì waa nɛ si inɔ tenku. Si inɔ inyi nlaui ì ce kpãaɛ. Nɔ inɛ gɔ kù waa yɛ tuubaɛ ŋa.

Iri ku kɔ̃ 78:57

Aŋa mɔ à cei bɛi bala nŋa ŋa. À fɔ inɔi Ilaaɔ̃ bɛi bioo iyi ikũɛ í da.

Kufita 32:8

Inɛ ŋau à yaa anu akã hai si kpãa iyi ǹ nyisi ŋau. À so wura ŋa à ceò ama kɛtɛ nɔ à cea kuwee ŋa à bɛi à gulɛ à waa tɔɔɛ, nɔ à ni aŋa inɛi Izirɛli ŋa, Ilaaɔ̃ Lafɛ̃ɛi aŋa mbɛ, nŋu iyi í nya aŋa wa hai ilɛi Ezibiti.

Kufita 34:10

Aɔ̃ Lafɛ̃ɛ í sɔ̃ Moizi má í ni, an dĩ akabuu do iŋɛ. An ce maamaake gɔ ŋa si wajui inɛɛ ŋau iyi dimiɛ kù ce si ilɛ kãma titã hee má jɛ si dimi gɔ. Aŋa fei aa yɛ icɛi amu Aɔ̃ Lafɛ̃ɛ, nɔ do saabuɛi an ceò mii ku nɛ gbugbã ŋau bɛ fei.

Iri ku kɔ̃ iyi í dɔ̃ í re 8:5

Inaabo yoomai wa baa hai do ikpa gbaa wa gbe si inɛ iyi í biu. ǹ jĩɛ wai hai si abɛi jĩi ndii kubi tengi bii iyeɛ í so asĩɛ nɔ í bíɛ.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Ezai 41:13

Ntɔ ntɔ, amui ǹ jɛ Aɔ̃ Lafɛ̃ɛɛ. Amui ǹ jɛ inɛ iyi í mu awɔ njɛɛ nɔ í sɔ̃ɛ í ni, maà ce njo, ǹ wa n naa ku faabaɛ mbɛ.

Ezai 51:18

Si ama inɛmɔkɔ ŋa iyi ì bí si andunya fei, baa inɛ akã kù waa gbãɛ, nɔ si amu ŋa iyi ì bíi fei, baa akã kù wɛɛ iyi wa sobiɛ.

Ezai 63:9

Si inɔ kufɔ nŋa fei, kù cica inɛ gɔ ku naa ku sobi ŋa, amma nŋu takaɛi í naa í faaba ŋa si kubiɛ do si araareɛ. Nŋu takaɛi í ya ŋa nɔ wa gbɔ nŋa. Nŋui wa mu ŋa waati kãma fei baa hai tako.

Zeremi 31:32

Nɔ akabuuu kaa jɛ dimi bɛi ǹ tako ǹ dĩ do bala nŋa ŋa si waati iyi ǹ mu awɔ nŋa ǹ fitaò ŋa wa ilɛi Ezibitiu. Akabuu inɛ nŋu a kù kɔ̃ɔ baa do iyi ǹ jɛ Lafɛ̃ɛ nŋa fei.

Kukpata 4:16

Aɔ̃ Lafɛ̃ɛ takaɛi í fangaa ŋa, kù bi ku yɛ ŋa má. A ci ya jirima woo wee ŋau, nɔ a kù mà baa bɛɛrɛi mɔkɔ ngbo ŋa.

Ezekiɛli 16:59

Amu Aɔ̃ Lafɛ̃ɛ ǹ ni, kugbasi iyi ì ceu i kù ceò icɛ. Ì fũ akabuu iyi í wa si gãmɛi awaɛi. Na nŋu, mii iyi ì ce, an sãaɛi.

Ezekiɛli 16:8

Ŋɔi ǹ nyi wa má ǹ lɔ kɔkɔɛ nɔ ǹ ba wee ì to awaati bii à nɛ a nɛ kubiɛ. Ŋɔi ǹ fũ ibɔ nlam ǹ bii basĩɛ nɔ ǹ ceɛ kuwã ǹ dĩ akabuu do awɔ. Si bɛɛbɛi amu Aɔ̃ Lafɛ̃ɛ ǹ fɔ ǹ ni ì baa ì jɛ tom.

Amɔsu 5:22

Waati iyi ì naa ì waa ceem kuwee ŋa iyi à ya jo si ina fei sãa sãa do kuweei iyafũ wa ŋa, n kaa n nɛ si inɔ didɔ̃ kãma, nɔ baa do kuweei anu akã iyi ì ce do mɛɛmu ku nɛ ikpo ŋa fei n kaa n cɔɔ mɔm.

Malasi 2:13

Mii iyi ì waa ce má ŋa wee. Ì waa kpata, ì waa weewea ŋa nɔ ì waa dikã cikãaju si bi kuweei Aɔ̃ Lafɛ̃ɛu ŋa si na iyi í jɔ̀ kù waa cɔ kuwee nŋɛ ŋa nɔ kù waa gba nkãma hai si awɔ nŋɛ ŋa.

Maaku 8:23

Ŋɔi í mu awɔi fɛɛjuu í bɔòɛ alalai iluu. Ŋɔi í daa antɔ si ijuɛ í lesiɛ awɔ í ni, ì waa yɛ ngɔgɔ?

Woo bɛ ŋa 13:11

To, nsɛi, Ilaaɔ̃ á to siɛ awɔ, aa fɛɛju, i kaa yɛ ilu má si zakai ajɔ minjiu ihɛ̃. Bɛ gbakã í fɛɛju, nɔ í nɛ wa dabii wa dɛdɛ inɛ gɔ iyi á mu awɔɛ.

Woo bɛ ŋa 7:36

Moiziu nŋui í nya inɛi Izirɛli ŋa hai ilɛi Ezibiti nɔ í ce nyinda ŋa do maamaake ŋa si ilɛu do si Tenku Nkpau do si gbaa adɔ̃ ciiji.

Woo bɛ ŋa 9:8

Ŋɔi Sɔlu í dede hai ilɛ í cĩ ijuɛ amma kù yɛ ilu. Ŋɔi à mu awɔɛ à bɔòɛ Damasi.

Galati 4:24

Ideu ihɛ̃ í yɛi bɛi mɔnda. Inaabo minji ŋau aŋai à jɛ bɛi akabuu minji. Agaa nŋui í jɛ bɛi akabuu iyi Ilaaɔ̃ í na inɛ ŋa tako wo si geetei Sinai si ilɛi Arabi. Nŋu bɛi í jɛ wooda iyi wa dasi inɛ ŋa aru. Nɔ Agaa í yɛi má bɛi ilui Zeruzalɛmu iyi í wɛɛ nsɛi, domi í wa si aru do inɛɛ ŋa fei.

Wooda ku kɔsi 29:1

Moizi í kpe zamaai inɛi Izirɛli ŋa fei nɔ í ni, waati iyi ì tako ì wa ilɛi Ezibiti ŋa, iŋɛ taka nŋɛ ì yɔɔ do iju nŋɛ bɛi Aɔ̃ Lafɛ̃ɛ í cea Faraɔ̃ ilaalui Ezibiti do akaweɛ ŋa do ilɛɛu fei.

Wooda ku kɔsi 29:12

Do yaase bɛɛbɛ nnyi, á jɔ̀ i jɛ zamaaɛ ŋa nɔ nŋu mɔ ku jɛ Aɔ̃ Lafɛ̃ɛ nŋɛ bɛi í cea iŋɛ taka nŋɛ kuwãɛ, nɔ í cea Aburahamu do Izaaki do Zakɔbu bala nŋɛ ŋau mɔ kuwãɛ do kugbasi.

Wooda ku kɔsi 29:25

Iwɛ̃ ŋai à na à lɔsi ku tɔɔ, à ya maa sɛɛbata nŋa. Iwɛ̃ ŋa iyi à waa tɔɔu, a kù mà ŋa baa hai tako, nɔ Aɔ̃ Lafɛ̃ɛ í ganji ŋa iwɛ̃ ŋa ku tɔɔ.