Ebɛɛ 8:8 - Bibeli do fee

⁸ Amma Ilaaɔ̃ í yɛ taalei inɛɛ ŋa waati iyi í ni, amu Aɔ̃ Lafɛ̃ɛ ǹ ni, ajɔ wa naa iyi an dĩ akabuu titɔ̃ do dimii inɛi Izirɛli do inɛi Zudaa ŋa.

Ebɛɛ 8:8 Iomraidhean Croise

Ezai 55:3

I sotĩ i gbɔ nɔ i naa wa bi tom ŋa. I sotĩ i gbɔ idem nɔ i wɛɛ ŋa. An dĩ akabuu do iŋɛ hee do ajɔ fei. An ce nŋɛ jiida ŋa bɛi ǹ tako ǹ cea Davidi kuwãɛu.

Zeremi 23:5

Ŋɔi Aɔ̃ Lafɛ̃ɛ í ni, ajɔ wa naa si bii an jɔ̀ inɛ dee dee gɔ ku fita si tuubai Davidi bɛi ijui dimi ku gbɛ̃ iyi í fita. Nŋui á jɛ ilaalu nɔ á maa mu ilɛui do laakai jiida. Nŋui á ce mii iyi í tɛ do iyi í jɛ dee dee si ilɛu.

Zeremi 23:7

Ŋɔi Aɔ̃ Lafɛ̃ɛ í ni má, ajɔ wa naa iyi inɛ ŋa a kaa ya ce kugbasi má do irii Aɔ̃ Lafɛ̃ɛ nŋu iyi í wɛɛ, nŋu iyi í nya inɛi Izirɛli ŋa wa hai ilɛi Ezibiti.

Zeremi 30:3

Nɔ Aɔ̃ Lafɛ̃ɛ í nyi í ni má, ajɔ wa naa si bii an jɔ̀ inɛi Izirɛli do inɛi Zudaa inɛm ŋa iyi à wa ilɛ mmu ŋau a baa si ilɛ iyi ǹ tako ǹ muaa bala nŋa ŋau. Nɔ aa nyi a nɔɔ mái hee do ajɔ fei.

Zeremi 31:27

Nɔ Aɔ̃ Lafɛ̃ɛ í ni má, ajɔ wa naa si bii an jɔ̀ zamaai amanɛ ŋa do mɛɛmu ŋa a fangaa si bommai Izirɛli do Zudaa bɛi à ya fã ngboi mii ku gbɛ̃ si ilɛ.

Zeremi 31:38

Aɔ̃ Lafɛ̃ɛ í nyi í fɔ má í ni ajɔ ŋa à waa naa bii aa teese a maa nŋu Aɔ̃ Lafɛ̃ɛ iluu má. Aa maai hai bi ile kugbokai Hananeɛliu hee ku bɔ anu koofa iyi í wa bi gontau.

Zeremi 32:40

An dĩ akabuu iyi kù nɛ ku tã do aŋa, n kaa n fũsi ŋa awɔ má. Jiidai an maa n ce nŋa. An jɔ̀ a maa jirimam nɔ a maà jĩim má.

Ezekiɛli 37:26

An dĩ akabuu do aŋa. Akabuuui á jɔ̀ a maa wɛɛò laakai ku sũ hee do ajɔ fei. An jɔ̀ a kpɔ nɔ n ce bi kuwa kumám bi tu ŋa do ajɔ fei.

Maaku 14:24

Ŋɔi í sɔ̃ ŋa í ni, iyi ihɛ̃i í jɛ njɛm. Nŋui í jɛ nyindai akabuu iyi Ilaaɔ̃ í dĩ do amanɛ ŋa. An nikãɛ na irii dulum dii inɛ nkpɔ.

Luku 17:22

Nɔ í sɔ̃ mɔcɔ ŋau í ni, awaati wa naa iyi amu Amai Amanɛ an nyi wa do amboem. Hee ajɔu ku maa to wa awaati wa naa iyi aa bi i yɛm ŋa baa ajɔ akã, amma i kaa yɛm ŋa.

Luku 22:20

Iyi à jɛ à tã ŋɔi í so kɔɔfu má í na ŋa í ni, kɔɔfuu ihɛ̃i í jɛ nyindai akabuu titɔ̃ iyi Ilaaɔ̃ í dĩ do njɛm iyi á nikã na iri nŋɛ si ikum.]

Luku 5:38

Amma à ya dasi vɛ̃ɛ titɔ̃i si bɔgɔ titɔ̃ ŋa.

Kɔrɛnti 1, 11:25

Bɛɛbɛ mɔi, iyi à jɛ à tã, í so kɔɔfu í ni, kɔɔfuu ihɛ̃i í jɛ akabuu titɔ̃i Ilaaɔ̃ iyi í dĩ do njɛm. Waati iyi ì waa mɔ do kɔɔfuu ŋa fei, i ya coo i maa yeò gigim ŋa.

Kɔrɛnti 2, 3:6

domi nŋui í mu nwa gbugbã ka jɛò amaacɛɛ ŋa ka sisia inɛ ŋa akabuu titɔ̃. Akabuuu kù waa ce icɛ do wooda iyi à kɔu, bii kù jɛ do Hundei Ilaaɔ̃. Wooda iyi à kɔu í ya jɔ̀ inɛ ku kui, amma Hundei Ilaaɔ̃ í ya na kuwɛɛi.

Wooda ku kɔsi 29:14

nɔ kù jɛ inɛ ŋa iyi à tɔtɔɔ nnyi si wajui Aɔ̃ Lafɛ̃ɛ nwau ihɛ̃ aŋa akãi í kã. Amma í kã hee do tɔku nwa ŋa iyi a kù bí wa titã.

Ebɛɛ 12:24

Ì sɛkɛɛ si Jesu do njɛɛ iyi í nikãu ŋa. Jesui í jɛ woo teese kpãa ku ba Ilaaɔ̃ ku dĩ akabuu titɔ̃ do amanɛ ŋa. Njɛɛui wa ba wa ide ku fɔ, nɔ ideɛ í dɔ̃ ku gbɔ í re ti Abɛli.

Ebɛɛ 7:22

Bɛɛbɛi Jesu í jɛ nwa bɛi akaasii akabuu iyi í sĩa í re.

Ebɛɛ 8:13

Idei akabuu titɔ̃ iyi Ilaaɔ̃ wa fɔui í jɔ̀ ti takou í ce ngbo. Wee mii iyi wa gbo wa fei, wa bɔ ku kpa irii.

Ebɛɛ 8:6

Do yaase bɛi icɛi Jesu í reò tu ŋa, bɛɛbɛi akabuu iyi í teese si gãmɛi Ilaaɔ̃ do amanɛ ŋa í nɛ bɛɛrɛ í re. Kuwã iyi í re do bɛɛrɛui í jɛ icui akabuuu.

Ebɛɛ 9:15

Na ŋɔi í jɔ̀ Kirisi í jɛ woo teese kpãa ku ba Ilaaɔ̃ ku dĩ akabuu titɔ̃ do inɛ ŋa iyi í kpe nɔ inɛ ŋau a jɛ tubu iyi ci ya tã iyi í ce nŋa kuwãɛu. Aa yɔkɔ a jɛ tubuui na iku iyi Kirisi í ku, ku yaò inɛ ŋa hai si kurara nŋa iyi à ce si waatii akabuu nwou.