Ebɛɛ 8:4 - Bibeli do fee

⁴ Bii í jɛ í wa si andunya kaa jɛ woo wee, domi woo wee ŋa à wɛɛ iyi à waa ce kuwee si bɛi woodai Moizi wa fɔ.

Ebɛɛ 8:4 Iomraidhean Croise

Kuka 18:5

Iŋɛ taka nŋɛi aa ya ce icɛi ile kumáu do bi kuweeu. Do yaase bɛi aa ya maa ce ŋa mbɛ ku ba idɔɔkɔ̃m ku maà na ku dede si inɛi Izirɛli ŋau má.

Ebɛɛ 10:11

Woo wee fei í ya maa ce icɛɛi ajɔ baa yooma fei. Nɔ tuuba nkpɔ nkpɔ kuwee akãu bɛi í ya maa ce nɔ kaa yɔkɔ ku kpa idei dulum.

Ebɛɛ 11:4

Na naanɛ ku dasii, Abɛli í cea Ilaaɔ̃ kuwee iyi í nɛ bɛɛrɛ í re ti Kaɛ̃ɛ. Na saabui naanɛ ku dasiɛi Ilaaɔ̃ takaɛ í jɛsi amuaɛ nɔ í kpoo inɛ dee dee. Na naanɛ ku dasiui Abɛli wa ba wa ide ku fɔ hee nsɛi baa do iyi í ku fei.

Ebɛɛ 5:1

Woo wee nla iyi à ya so hai si inɔi amanɛ ŋa fei, à ya sooi ku cea Ilaaɔ̃ icɛ na iri nŋa ku ba ku ya kooa Ilaaɔ̃ amua nŋa ŋa nɔ ku ce kuwee ŋa na irii dulum du ŋa.

Ebɛɛ 7:27

Kù yɛ bɛi woo wee nla iyi ihɔ̃ ŋa, aŋa iyi à nɛ bukaatai kuwee ajɔ fei, sinte na irii dulum dii aŋa taka nŋa, si anyiɛ ti inɛ ŋa iyi à gbe. Inɛ nŋu í ce kuwee akã iyi í to hee do ajɔ fei si waati iyi nŋu takaɛ í na araɛ.

Ebɛɛ 8:3

À jilɛ woo wee nla baa yooma fei ku cea Ilaaɔ̃ amua do kuwee ŋa. Na nŋu, í gbe woo wee nla nwa ku nɛ ngɔgɔ iyi á ceò kuwee.

Ebɛɛ 9:9

Iyi bɛi í jɛ nwa yaasei mii iyi wa ce nsɛiu ihɛ̃, domi wa nyisi wa iyi amua ŋa do mɛɛmu ŋa iyi à ya ceaò Ilaaɔ̃ kuwee ŋau kù to ku jɔ̀ idɔi inɛ iyi wa coou ku má mam mam.