Ebɛɛ 8:3 - Bibeli do fee

³ À jilɛ woo wee nla baa yooma fei ku cea Ilaaɔ̃ amua do kuwee ŋa. Na nŋu, í gbe woo wee nla nwa ku nɛ ngɔgɔ iyi á ceò kuwee.

Ebɛɛ 8:3 Iomraidhean Croise

Laabaau jiida iyi Zãa í kɔ 6:51

Amui ǹ jɛ ijɛi kuwɛɛ. Hai lelei Aɔ̃i ǹ kita wa. Nɔ inɛ iyi í ba ijɛu í jɛ fei í nɛ kuwɛɛ hai tã. Ijɛui í jɛ aram. An náai ku ba inɛi andunya ŋa a maa wɛɛò.

Romu 4:25

Ilaaɔ̃i í jɔ̀ à kpa Jesu wo na irii dulum du wa nɔ í jũu má ku ba ku ce wa inɛ dee dee ŋa.

Romu 5:6

Si waati iyi a kù nɛ gbugbã, Kirisi í ku na irii inɛ ŋa iyi a kù mà bɛɛrɛi Ilaaɔ̃. Í kui si waati iyi Ilaaɔ̃ í jilɛu.

Romu 5:8

Amma Ilaaɔ̃ í nyisi wa kubi nlaɛ domi waati iyi à jɛ ilu dulum ŋa Kirisi í ku na iri nwa.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Ebɛɛ 2:17

Na nŋu, kù nɛ bɛi á ce iyi kù jɔ ifɔɛ ŋa si mii fei ku ba ku na ku jɛ woo wee nla iyi í nɛ araare nɔ ku jɛ ilu naanɛ si icɛi Ilaaɔ̃, nɔ ku sã gbesei dulum dii inɛ ŋa.

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Ebɛɛ 5:1

Woo wee nla iyi à ya so hai si inɔi amanɛ ŋa fei, à ya sooi ku cea Ilaaɔ̃ icɛ na iri nŋa ku ba ku ya kooa Ilaaɔ̃ amua nŋa ŋa nɔ ku ce kuwee ŋa na irii dulum du ŋa.

Ebɛɛ 7:27

Kù yɛ bɛi woo wee nla iyi ihɔ̃ ŋa, aŋa iyi à nɛ bukaatai kuwee ajɔ fei, sinte na irii dulum dii aŋa taka nŋa, si anyiɛ ti inɛ ŋa iyi à gbe. Inɛ nŋu í ce kuwee akã iyi í to hee do ajɔ fei si waati iyi nŋu takaɛ í na araɛ.

Ebɛɛ 8:4

Bii í jɛ í wa si andunya kaa jɛ woo wee, domi woo wee ŋa à wɛɛ iyi à waa ce kuwee si bɛi woodai Moizi wa fɔ.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.