Ebɛɛ 8:10 - Bibeli do fee

¹⁰ Nɔ ǹ ni má, akabuum wee, iyi an dĩ do dimii inɛi Izirɛli ŋa si anyii ajɔ nŋu. An dasi woodam si lasabu nŋa. An kɔɔ si idɔ nŋa. An jɛ Aɔ̃ Lafɛ̃ɛ nŋa nɔ aa jɛ inɛm ŋa.

Ebɛɛ 8:10 Iomraidhean Croise

Kufita 24:4

Nɔ Moizi í kɔ ide ŋa iyi Aɔ̃ Lafɛ̃ɛ í fɔu fei si tia gɔ. Ŋɔi iju kumáɛ í dede daadaakɔ í ma bi kuwee si isɛi iri kutau, nɔ í gũ kuta maateeji ti dimi maateejii inɛi Izirɛli ŋau.

Kufita 24:7

Si anyiɛ nɔ í so tiai akabuuu nɔ wa cioɛ si wajui zamaau. Nɔ inɛ ŋau à ni, aa ka ce bɛi Aɔ̃ Lafɛ̃ɛ í fɔ fei nɔ aa ka jirima ideɛ.

Kufita 34:1

Aɔ̃ Lafɛ̃ɛ í sɔ̃ Moizi í ni, gbe kuta minji iyi aa yɛ bɛi kuta sinte ŋau, si bɛi an kɔ wooda ŋa iyi à tako à wa si kuta sinte ŋa iyi ì lɛgɛu.

Kufita 34:27

Aɔ̃ Lafɛ̃ɛ í sɔ̃ Moizi má í ni, kɔ wooda ŋau ihɛ̃ má, domi nŋu ŋau bɛi í jɛ icui akabuu iyi ǹ dĩ do inɛi Izirɛli ŋa.

Iri ku kɔ̃ iyi í dɔ̃ í re 2:16

inɛ iyi ǹ biu, titom nii í jɛ, amu mɔ ǹ jɛ titɛɛ. Ntɔi í yɛ bɛi angbãi iyi wa jɛ fɔfɔ ŋa iyi à nɛ koko ŋa.

Zeremi 24:7

An jɔ̀ a mà iyi amui ǹ jɛ Aɔ̃ Lafɛ̃ɛ. Bii à sinda a nyi wa bi titom do idɔ nŋa fei, waati bɛɛbɛ aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Zeremi 31:1

Aɔ̃ Lafɛ̃ɛ í ni, ajɔ wa naa bii an jɛ Lafɛ̃ɛi nyaanzei inɛi Izirɛli ŋau fei, nɔ aŋa mɔ aa jɛ inɛm ŋa.

Zeremi 31:33

Amma akabuu iyi an dĩ do inɛi kpasɛ̃i Izirɛli ŋa si anyii ajɔ nŋu ŋau bɛ wee. An jɔ̀ woodam ku wa si ŋai. Woodau, an kɔɔi si idɔ nŋa. An jɛ Aɔ̃ Lafɛ̃ɛ nŋa, nɔ aŋa mɔ aa jɛ inɛm ŋa.

Zeremi 32:38

Aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Zeremi 32:40

An dĩ akabuu iyi kù nɛ ku tã do aŋa, n kaa n fũsi ŋa awɔ má. Jiidai an maa n ce nŋa. An jɔ̀ a maa jirimam nɔ a maà jĩim má.

Ezekiɛli 37:27

An wa si anini nŋa, n jɛ Ilaaɔ̃ Lafɛ̃ɛ nŋa, nɔ aŋa mɔ a jɛ inɛm ŋa.

Ezekiɛli 39:22

Hai ajɔ nŋu bɛ, inɛi Izirɛli ŋa aa mà iyi amui ǹ jɛ Aɔ̃ Lafɛ̃ɛ.

Ozee 2:23

Ŋɔi Aɔ̃ Lafɛ̃ɛ í ni má, ajɔ nŋu bɛ bukaatai mii iyi lele í bi an naa. Nɔ lele mɔ á na ilɛ bukaatai mii iyi wa cɔ siɛ.

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Zakari 8:8

An jɔ̀ a baa hai bɛ a naa a buba Zeruzalɛmu. Aa jɛ inɛm ŋa nɔ n jɛ Lafɛ̃ɛ nŋa. An maa n mu ŋa si kpãai ntɔ do si dee dee ku jɛm.

Romu 11:27

Iyi ihɛ̃i í jɛ akabuu iyi an dĩ do aŋa si waati iyi an kpa idei dulum du ŋa.

Kɔrɛnti 1, 6:16

Mà i kù mà ŋa inɛ iyi wa tɔtɔɔ do abo à ta icu, aŋaò à baa à jɛ ara akãi? Si kukɔi idei Ilaaɔ̃ à ni, aŋa minjiu fei aa na a jɛ ara akã.

Kɔrɛnti 2, 3:3

Kuce nŋɛ wa nyisi ntɔ ntɔ iyi iŋɛi í jɛ bɛi tia iyi Kirisi í kɔ na icɛ nwa iyi à ce si inɔ nŋɛ. Tiau, kù jɛ do inyii ìlìlìi à kɔɔ, amma do Hundei Ilaaɔ̃i à kɔɔ, nŋu iyi í jɛ icui kuwɛɛ. Kù jɛ si kutai à kɔɔ, si idɔi amanɛ ŋai.

Wooda ku kɔsi 30:6

Aɔ̃ Lafɛ̃ɛ nŋɛ takaɛi á jɔ̀ idɔ nŋɛ do ti tɔku nŋɛ ŋau ku má nɔ i buu do lasabu nŋɛ fei do idɔ nŋɛ fei ku ba i maa wɛɛ ŋa.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Ebɛɛ 11:16

Amma nsɛi à waa dɛ ide iyi í sĩa í re, waatɔ ide iyi í wa lele. Na ŋɔi í ce anyɔ kù waa mu Ilaaɔ̃ a kpoo Lafɛ̃ɛ nŋa domi í ce nŋa sɔɔlui ilu gɔ.

Zaaki 1:18

Si idɔɔbiɛ, í bí wa isɛ gbeejisia do saabui ide ntɔɛ ku ba hai si inɛ ŋa iyi í taka fei ka jɛ bɛi amaajɛ sinte ŋa iyi à jɛ tɛɛ.

Zaaki 1:21

Na nŋu, i nyɔ andi mii iyi í jɛ riisi do laalɔ fei ŋa. Nɔ i gba ide iyi Ilaaɔ̃ wa gbɛ̃ si idɔ nŋɛ ŋa do ara kukaye, domi ideui á yɔkɔ ku faaba ŋɛ.

Piɛɛ 1, 1:23

Í sĩa i ce bɛɛbɛ ŋa si na iyi í jɔ̀ à bí ŋɛi isɛ gbeejisia, nɔ kù jɛ do dimi iyi á ku, amma do dimi iyi kaa kui. Dimiui í jɛ idei Ilaaɔ̃, nŋui í jɛ icui kuwɛɛ nɔ kaa tã.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.