Ebɛɛ 7:6 - Bibeli do fee

⁶ Mɛɛkizedɛki í weea Aburahamu iyi Ilaaɔ̃ í cea kuwãu, nɔ baa do iyi Mɛɛkizedɛki kù jɛ dimii Levii, do nŋu fei, Aburahamu í náa ikpɛ̃u.

Ebɛɛ 7:6 Iomraidhean Croise

Kusintii Andunya 12:13

Ǹ wa n tɔɔɛ i ni awɔ wecĩm nii ku ba i faabam nɔ a gbam do inɔ akã na iriɛ.

Kusintii Andunya 12:2

Hai bi tɛɛi an jɔ̀ dimi nla nla gɔ ku fita. An weeɛ nɔ n jɔ̀ i nya iri nɔ do saabuɛ inɛ nkpɔ nkpɔ á baò kuwee.

Woo bɛ ŋa 3:25

Mii iyi walii ŋau à ni Ilaaɔ̃ á ceu, iŋɛi wa cea. Nŋui í jɛ akabuu iyi Ilaaɔ̃ í dĩ do bala nŋɛ ŋa si waati iyi í sɔ̃ Aburahamu í ni, hai si dimiɛi an jɔ̀ inɛi andunya fei ku ba kuwee.

Romu 4:13

Ilaaɔ̃ í cea Aburahamu do dimiɛ ŋa kuwã iyi aŋai aa jɛ tubui andunyau ihɛ̃ fei. Kù jɛ si na iyi í jɔ̀ í jirima wooda, amma si na iyi í jɔ̀ í jɛ dee dee na naanɛ ku dasiɛui.

Romu 9:4

Aŋai à jɛ inɛi Izirɛli ŋa, inɛ ŋa iyi Ilaaɔ̃ í cica a jɛ tɛɛ bɛi amaɛ ŋa, nɔ í nyisi ŋa amboeɛ. Do aŋai í dĩ akabuuɛ ŋa, nɔ í na ŋa wooda do kpãaɛ ku tɔɔ, do idei kuwãɛ.

Galati 3:16

To, Aburahamu do dimiɛi Ilaaɔ̃ í cea kuwã. Bii à ni dimiɛ ŋa, inɛ nkpɔi à fãa. Amma à ni dimiɛi, waatɔ inɛ akãi, nɔ nŋui í jɛ Kirisiu.

Ebɛɛ 11:13

Si naanɛ ku dasii, inɛ ŋau bɛ fei à ku. A kù ba mii iyi Ilaaɔ̃ í ce nŋa kuwãɛu, amma à yɔɔi hai jĩijĩ à coo cenkã. À fɔ iyi aŋa à jɛ inɛ njoo ŋa do hai nɛ ide ŋa si andunyau ihɛ̃.

Ebɛɛ 11:17

Na naanɛ ku dasii, Aburahamu í jɛsi ku ceò Izaaki kuwee si waati iyi Ilaaɔ̃ wa cɔ laakaiɛ. Nŋu iyi Ilaaɔ̃ í cea kuwãu, í tã sɔɔlu ku ceò ama akãɛu kuwee.

Ebɛɛ 7:1

Mɛɛkizedɛkii í jɛ ilaalui Salɛmu do woo weei Ilaaɔ̃ nŋu iyi í re fei. Si waati iyi Aburahamu í jɛ amanlu ŋa igũ wa baa, ŋɔi Mɛɛkizedɛki í bɔ ku kòo nɔ ku weeaa.

Ebɛɛ 7:7

Kù nɛ sika gɔ, inɛ iyi í re nŋui í ya weea kpaasi.