Ebɛɛ 7:1 - Bibeli do fee

¹ Mɛɛkizedɛkii í jɛ ilaalui Salɛmu do woo weei Ilaaɔ̃ nŋu iyi í re fei. Si waati iyi Aburahamu í jɛ amanlu ŋa igũ wa baa, ŋɔi Mɛɛkizedɛki í bɔ ku kòo nɔ ku weeaa.

Ebɛɛ 7:1 Iomraidhean Croise

Iri ku kɔ̃ 57:2

Ce araarem Ilaaɔ̃, ce araarem, domi bi tɛɛi an ba bi ku manji jiida. Biim do ikpaɛ ŋa hee wahala ŋau a lɔ.

Iri ku kɔ̃ 76:2

Inɛ ŋa à mà Ilaaɔ̃ si ilɛi Zudaa, nɔ iriɛ í nɛ bɛɛrɛ si ilɛi Izirɛli.

Iri ku kɔ̃ 78:35

À ye gigi iyi nŋui í jɛ kuta bi ku manji nŋa, nŋui í jɛ Ilaaɔ̃ woo ya nŋa iyi í wa lele.

Iri ku kɔ̃ 78:56

Amma à sii Ilaaɔ̃ iyi í wa leleui, à dedeò ide ku kɔ̀ siɛ, a kù jirima woodaɛ ŋa.

Daniɛli 4:2

Idũ ajɔ nŋu gɔ, ǹ wa n sũ si daayim, ŋɔi ǹ ce ala hee í da zigim. Ntɔ ntɔ, lasabu ŋa iyi í naa sim si antaii daayim nɔu, do kuyɛ ŋa iyi ǹ ceu, í jɔ̀ zigim í da jiida jiida.

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Daniɛli 5:21

Waati bɛɛbɛi à leleɛ hai si inɔi amanɛ ŋa, nɔ lasabuɛ í baa í yɛ bɛi ti mɛɛmu ŋa, nɔ í na í koo í nɛ bi kuwaɛi si inɔi sɛnga ŋa. Fɔfɔi à ya naa ku maa ŋɔ bɛi kɛtɛ ŋa, nɔ araɛ í ya le ikpãi hee í koo í to waati iyi í mà iyi Ilaaɔ̃ iyi í wa leleui í jɛ inɛ ngboi bommai amanɛ ŋa, nɔ inɛ iyi í bii í ya jilɛ ku jɛ ilaalu.

Misee 6:6

Amua yoomai an bɔò si wajui Aɔ̃ Lafɛ̃ɛ, waati iyi ǹ bɔ ku tɔɔ nŋu Aɔ̃ Lafɛ̃ɛ iyi í wa hee leleu. Ama kɛtɛi komboi adɔ̃ akã ŋai ǹ nɛ n koo n ceaò kuwee ŋa iyi à ya jo si ina fei sãa sãa?

Maaku 5:7

Ŋɔi í dɔ̃ anu hee lele í ni, mii í wa gãmɛi awaɛ, Jesu, awɔ Amai Ilaaɔ̃. Ilaaɔ̃ í re fei, nɔ ǹ wa n tɔɔɛ do iriɛ, maà wahalam.

Woo bɛ ŋa 16:17

Ŋɔi í too awa do Pɔlu wa la hee lele wa ni, inɛ ŋau ihɛ̃ woo ce icɛi Ilaaɔ̃ ilu gbugbã ŋai. À naa ku nyisi ŋɛ kpãai faabai.

Ebɛɛ 6:20

Tengi bɛi Jesu í cua nwa í lɔ na iri nwa domi í baa í jɛ woo wee nla do ajɔ fei bɛi Mɛɛkizedɛki.

Ebɛɛ 7:2

Mii iyi Aburahamu í ba wa fei, í ce ikpɛ̃ɛ, si mɛɛwa fei í nya akã í na Mɛɛkizedɛki. Yaasei irii Mɛɛkizedɛkiui í jɛ ilaalu iyi í jɛ dee dee. Si anyii nŋu, í jɛ ilaalui Salɛmu, waatɔ ilaalui laakai ku sũ.

Ebɛɛ 7:3

Inɛ gɔ kù mà baaɛ walakɔ iyeɛ walakɔ balaɛ gɔ. A kù ce faajii kubíɛ hee má jɛ faajii ikuɛ. Si bɛɛbɛ í jɔ Amai Ilaaɔ̃, nɔ í jɛ woo wee do ajɔ fei.

Ebɛɛ 7:6

Mɛɛkizedɛki í weea Aburahamu iyi Ilaaɔ̃ í cea kuwãu, nɔ baa do iyi Mɛɛkizedɛki kù jɛ dimii Levii, do nŋu fei, Aburahamu í náa ikpɛ̃u.