Ebɛɛ 6:2 - Bibeli do fee

² do idei ikɔi inyi ku dasi ikã ikã, do idei awɔ ku lea inɛ ŋa si iri, do idei kujĩi iku ŋa, do ide iyi Ilaaɔ̃ á jilɛ hee do ajɔ fei si kiitiu.

Ebɛɛ 6:2 Iomraidhean Croise

Woo lasabu 12:14

domi Ilaaɔ̃ á kiiti wa si mii jiida do laalɔ ŋa iyi à ce fei, hee do iyi à ce si asii fei.

Ezai 26:19

Iŋɛ zamaam ŋa, inɛ nŋɛ ŋa iyi à ku ŋau aa nyi wa si kuwɛɛ má. Ikui inɛm ŋau, aa jĩ má. Na nŋu, iŋɛ iyi ì wa si sãau, aa dede nɔ aa dɔ̃ anu do inɔ didɔ̃ ŋa. Ntɔ ntɔ, Aɔ̃ Lafɛ̃ɛ á jɔ̀ ikpã nŋɛ ku yɛ bɛi inya kumá, nɔ ilɛ á jɔ̀ inɛ ŋa iyi à ku ŋau a ba kuwɛɛ má.

Daniɛli 12:2

Inɛ ŋa mɔ iyi à wa inɔ balɛ, nkpɔ nŋa á jĩ wa. Inɛ gɔ ŋa aa jĩi nɔ a ba kuwɛɛ hai tã. Inɛ gɔ ŋa mɔ aa jĩi nɔ a wa si anyɔ do si laalɔ iyi kù nɛ kɔɔ.

Matie 28:19

Na nŋu, i koo si dimi fei, i ce ŋa mɔcɔm ŋa. Nɔ i dasi ŋa inyi do irii Baaba do ti amu Amau do ti Hundei Ilaaɔ̃.

Matie 3:14

Iyi í to wa í ni Zãa ku dasi nŋu inyi, ŋɔi Zãa wa bi ku kɔ̀, í ni, awɔi ì nɛ kpãa i dasim inyi, nɔ bɛirei í ce ì waa naa bi tom.

Maaku 16:16

Inɛ iyi í dasi naanɛ nɔ í jɔ̀ à dasiɛ inyi á ba faaba, amma inɛ iyi kù dasi naanɛ, Ilaaɔ̃ á yɛ taaleɛ ku kpãa iju.

Maaku 7:4

Bɛɛbɛ mɔi, bii à baa hai aja nɔ a kù wɔɔ a ci ya jɛ. Mii nkpɔ nkpɔi à ya ce má iyi í jɛ dedemba nŋa. Mii ŋau gɔgɔ ŋa wee. Kɔɔfu ku wiɛ do boonyi do cakai isɔ nkpa ŋa do kitã ŋa.

Maaku 7:8

Ŋɔi Jesu í sɔ̃ ŋa má í ni, ì waa jɔ̀ woodai Ilaaɔ̃ ŋa nɔ ì waa too dedembai amanɛ ŋa.

Luku 11:38

Ŋɔi Farisiu í cɔɔ í biti do iyi kù wɔɔ í bɛi wa jɛ.

Luku 12:50

Nɔ inyi ku dasi gɔ í wɛɛ kù nɛ bɛi á ce iyi n kù coo. Nɔ laakaim kaa jɛ akã í gbe hee bii í ce.

Luku 14:14

Bii ì ce bɛɛbɛ aa jɛ ilu inɔ didɔ̃ si na iyi í jɔ̀ inɛ nŋu ŋau a kaa ba ngɔgɔ iyi aa sãɛò gbese. Ilaaɔ̃i á sãɛ gbese si waati iyi inɛ dee dee ŋa aa jĩ hai si balɛ.

Luku 3:16

Nɔ Zãa í sɔ̃ aŋa fei í ni, inyii amu ǹ wa n dasi ŋɛ, amma inɛ gɔ wa naa iyi í rem do gbugbã. N kù to n fũ baa ikũi baataɛ. Nŋui á da nŋɛ si Hundei Ilaaɔ̃ do ina.

Laabaau jiida iyi Zãa í kɔ 5:29

nɔ aa fita wa hai si balɛ. Inɛ ŋa iyi à ce jiidaɛ aa jĩ si kuwɛɛ hai tã. Inɛ ŋa mɔ iyi à ce laalɔ aa jĩ nɔ a kiiti ŋa a yɛ taale nŋa.

Woo bɛ ŋa 10:47

Ŋɔi Piɛɛ í ni, si bɛi inɛ ŋau ihɛ̃ à ba Hundei Ilaaɔ̃ bɛi awa mɔ, yooi á yɔkɔ ku ganji ŋa a dasi ŋa inyi.

Woo bɛ ŋa 13:3

Iyi à ce anu ku dĩ do kutɔɔu à tã, ŋɔi à lea Baanabasi do Sɔlu awɔ si iri, nɔ à jɔ̀ ŋa à nɛ.

Woo bɛ ŋa 16:15

Abou do inɛi kpasɛ̃ɛ ŋa fei à ce inyi ku dasi nɔ í tɔɔ wa í ni, bii ì mà iyi ǹ dasi naanɛ ntɔ ntɔ ŋai i naa wa i naa i ce baa ajɔ minji kpasɛ̃m ŋa. Nɔ í mante wa hee à jɛ́ nɔ à bɔ kpasɛ̃ɛ.

Woo bɛ ŋa 16:33

Ŋɔi idũu bɛ woo degbeu í gbã ŋa í koo í wiɛ kumɛɛ nŋa ŋau. Nɔ nŋu do inɛɛ ŋa fei à ce inyi ku dasi gbakã.

Woo bɛ ŋa 17:18

Si bɛi í ya maa ba ŋa kakɔɔ ku ce ŋɔi woo mà gɔ ŋa iyi à ya kpe Epikuri do Sitosi ŋa à bɔ bi tɛɛ à waa baa kakɔɔ ku ce. Inɛ gɔ ŋa à ni, woo ce ide nkpɔ yoomai ihɛ̃. Nɔ inɛ gɔ ŋa mɔ, iyi à gbɔ wa fɔ idei ikui Jesu do kujĩɛ má à ni, mà iwɛ̃ mmu gɔ ŋai wa fãa ya.

Woo bɛ ŋa 2:38

Ŋɔi Piɛɛ í sɔ̃ ŋa í ni, iŋɛ fei i kpaasi idɔ nŋɛ i jɔ̀ a dasi ŋɛ inyi do irii Jesu Kirisi ku ba Ilaaɔ̃ ku kpa idei dulum du ŋɛ, nɔ aa ba amuai Ilaaɔ̃ má ŋa iyi í jɛ Hundeɛ.

Woo bɛ ŋa 2:41

Ŋɔi à dasi inɛ ŋa iyi à gba idei Piɛɛu inyi. Ajɔ nŋu zaka bɛi amanɛ dubu mɛɛta í kɔ̃ɔsi si inɔi woo dasi Jesu naanɛ ŋau.

Woo bɛ ŋa 23:6

Pɔlu í mà si igbɛu inɛ gɔ ŋa Sadusi ŋai, inɛ gɔ ŋa mɔ Farisi ŋai. Ŋɔi í fɔ ide hee lele si igbɛu í ni, iŋɛ kpaasim ŋa, amu Farisii, inɛ iyi Farisi ŋa à bí. Ì waa kiitim ŋai si na iyi í jɔ̀ ǹ dasi naanɛ iyi iku ŋa aa na a jĩ hai si balɛ.

Woo bɛ ŋa 24:15

Ǹ dasi naanɛ iyi Ilaaɔ̃ á jĩ amanɛ jiida ŋa do amanɛ laalɔ ŋa hai si balɛ, bɛi aŋa mɔ à dasi naanɛ.

Woo bɛ ŋa 24:21

A kù yɛ taalem si nkãma bii kù jɛ si ide akãu ihɛ̃ iyi ǹ fɔ hee lele ǹ ni, nnyi ì waa kiitim ŋai si na iyi í jɔ̀ ǹ dasi naanɛ iyi iku ŋa aa na a jĩ hai si balɛ.

Woo bɛ ŋa 24:25

Amma si bɛi Pɔlu wa sisi nŋa idei dee dee ku jɛ do idei ara ku mu do kiiti iyi wa naa, zigii Felisi í da nɔ í ni, aa yɔkɔ i nɛ titã. Bii ǹ ba faya an kpeɛ má.

Woo bɛ ŋa 26:8

Bɛirei í ce iŋɛ Zuifu ŋa i ci ya yɔkɔ i dasi naanɛ ŋa iyi Ilaaɔ̃ á jĩ iku ŋa.

Woo bɛ ŋa 4:2

Idɔ nŋa í kɔ̃ si na iyi í jɔ̀ mɔcɔ minji ŋau à waa kɔ inɛ ŋa si cio à waa sɔ̃ ŋa iyi Jesu í jĩ hai si balɛ, waatɔ iku ŋa aa yɔkɔ a nyi wa si kuwɛɛ má.

Woo bɛ ŋa 6:6

Ŋɔi à bɔò ŋa bi woo bɛ ŋau. Nɔ woo bɛ ŋau à ce kutɔɔ à le nŋa awɔ si iri ku ba a sintiò icɛ.

Romu 2:16

Ajɔi kiitii Ilaaɔ̃ si bii Jesu Kirisi á kiiti inɛ ŋa bɛɛbɛi mii ŋau bɛ fei á ce. Á kiiti inɛ ŋa na icɛ iyi à waa ce si asii fei si bɛi laabaau jiida iyi ǹ wa n sisi nŋɛu wa fɔ.

Kɔrɛnti 1, 10:2

Kudũi ijĩu ku too do tenkuu ku kua í yɛi bɛi à dasi ŋa inyi nɔ à baa à jɛ mɔcɔi Moizi ŋa.

Kɔrɛnti 1, 12:13

domi Hunde akãi à da nwa si ku ba awa fei ka jɛ ara akã, hai Zuifu ŋa hee do dimi mmu ŋa, hai aru ŋa hee do inɛ ŋa iyi à nɛ ara nŋa. Nɔ bi Hunde akãui awa fei à waa mɔ.

Kɔrɛnti 2, 5:10

Í sĩa ka ce iyi á dɔ̃aa si domi kù nɛ bɛi aa ka ce iyi a kù leekĩ si wajui Kirisi ku kiiti wa awa fei, nɔ ku sãa inɛ fei si bɛi kookoosu iyi í ce si kuwɛɛɛ í to, bii laalɔi, bii í nɔ í jɛ jiida mɔi.

Filipi 3:21

Do gbugbãɛ iyi á jɔ̀ mii fei ku jirimaɛò nŋui á kpaasiò ara hai nɛ bɛɛrɛ nwau ku jɔ arai nŋu takaɛ iyi í nɛ amboe.

Kolosee 2:12

Ntɔi, si waati iyi à dasi ŋɛ inyi í yɛi bɛi à si ŋɛ do Kirisi. Nɔ à dede ŋɛ do nŋu, si na iyi í jɔ̀ ì naanɛ gbugbãi Ilaaɔ̃ iyi í jũu hai si balɛ ŋa.

Timɔtee 2, 2:18

aŋa iyi à jɔ̀ kpãai ntɔ nɔ à waa kɛkɛ naanɛ ku dasii inɛ nkpɔ domi à ni awaatii kujĩi iku ŋa í lɔ tã.

Ebɛɛ 11:35

Na naanɛ ku dasii, inaabo gɔ ŋa à ba inɛ nŋa ŋa à jĩ wa hai si iku. Inɛ gɔ nŋa ŋa mɔ, baa do iyi à kpã ŋa iju hee à ku, a kù dɛ aŋa a fita si, domi à waa bi aŋa a na a koo a ba kuwɛɛ iyi í jɛ jiida í re.

Ebɛɛ 9:10

Mii ŋau bɛ fei wa fɔ idei kujɛ do kumɔ do ara ku wiɛ dimi ikã ikã. Woodai ara nŋu akãi iyi Ilaaɔ̃ í jilɛ hee titɔ̃ɛ ku maa naa.

Piɛɛ 2, 3:7

Lele do ilɛ iyi í wɛɛ nsɛi, do ide akãu bɛi Ilaaɔ̃ á kpa ŋaò, amma bɛbɛi do inai á jɛ. Wa mu ŋai titã hee koo toò ajɔ iyi á kiiti inɛ ŋa iyi a kù mà bɛɛrɛɛ nɔ ku ce nfe nŋa.