Ebɛɛ 5:8 - Bibeli do fee

⁸ Do iyi í jɛ Amai Ilaaɔ̃ fei, í kɔkɔ ku jirimaɛ si ijuukpã iyi í yɛ.

Ebɛɛ 5:8 Iomraidhean Croise

Ezai 53:5

Wee na irii dulum du wa ŋai à gũu, nɔ na kurara nwa ŋai à mɛɛ ntɔ ntɔ. Ijuukpã iyi í nɛ ku ba wa ka bɛi ka ba laakai ku sũu, siɛi í cuku si, nɔ na saabui kumɛɛɛ ŋau bɛi awa à baò iri.

Matie 3:15

Ŋɔi Jesu í jɛaa í ni, jɔ̀ ku ce bɛɛbɛ titã, domi bɛɛbɛi à nɛ ka ce ka ceò mii iyi Ilaaɔ̃ í bi fei. Nɔ Zãa í jɛ.

Laabaau jiida iyi Zãa í kɔ 10:18

Inɛ kãma kaa yɔkɔ ku nya hundem. Amma amu takam nii an nyaa. Ǹ nɛ gbugbã iyi an na hundem, nɔ ǹ nɛ yiiko iyi an gbaaò má. Bɛɛbɛi Baam í dasim ku ce.

Laabaau jiida iyi Zãa í kɔ 15:10

Bii ì waa jirima woodam ŋa, bɛɛbɛ mɔi aa wa si kubim ŋa, bɛi amu mɔ ǹ jirima woodai Baam nɔ ǹ wa si kubiɛ.

Laabaau jiida iyi Zãa í kɔ 4:34

Nɔ Jesu í sɔ̃ ŋa í ni, ijɛm nŋui í jɛ n ce idɔɔbii inɛ iyi í bɛm wa nɔ n kpa irii icɛɛ iyi í dasim.

Laabaau jiida iyi Zãa í kɔ 6:38

Ǹ kita wai hai lelei Aɔ̃ n na n ceò idɔɔbii inɛ iyi í bɛm wa, kù jɛ idɔɔbii amu takam.

Filipi 2:8

í kaye araɛ má nɔ í jirima Ilaaɔ̃ hee í na araɛ í to siò iku si antaii jĩi ku gaau mɔm.

Ebɛɛ 1:2

Amma si waatii ankãanyiu ihɛ̃ awa à gbɔ ide ku fɔi Ilaaɔ̃i hai si gɛlɛi Amaɛ takaɛ. Amaui Ilaaɔ̃ í cica ku jɛ woo jɛ tubui mii fei, nŋu iyi aŋaò à taka andunya.

Ebɛɛ 1:5

Do ntɔ, Ilaaɔ̃ kù sɔ̃ inɛ akãi amaleka ŋau kù ni, awɔi ì jɛ Amam. Hai nnyi ǹ jɛ baaɛ. Kù nɔ kù jɛ amaleka gɔi wa fãa iyi í ni, an jɛ baaɛ, nɔ nŋu mɔ ku jɛ amam.

Ebɛɛ 1:8

Amma Amaɛi wa fãa iyi í ni, awɔi ì jɛ Ilaaɔ̃. Ǹ jilɛ bommaɛ hee do ajɔ fei. Dee dee ku jɛi í jɛ akpai bommaɛ.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.