Ebɛɛ 5:5 - Bibeli do fee

⁵ Bɛɛbɛ mɔi baa Kirisi takaɛ kù so araɛ lele kù ni nŋu í jɛ woo wee nlau. Ilaaɔ̃i í cicaɛ, nŋu iyi í sɔ̃ɔ í ni, awɔi ì jɛ amam. Hai nnyi ǹ jɛ baaɛ.

Ebɛɛ 5:5 Iomraidhean Croise

Iri ku kɔ̃ 2:7

Ilaaluu í ni, an fɔ ide iyi Aɔ̃ Lafɛ̃ɛ í sɔ̃m. Í ni, awɔi ì jɛ ama inɛmɔkɔm, hai nnyi ǹ jɛ baaɛ.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Laabaau jiida iyi Zãa í kɔ 3:16

Ilaaɔ̃ í bi inɛi andunya ŋa jiida jiida hee í na ŋa Ama akãɛ ku ba inɛ iyi í dasiɛ naanɛ fei ku maà ce nfe, amma kú nɛ kuwɛɛ iyi ci ya tã.

Laabaau jiida iyi Zãa í kɔ 7:18

Inɛ iyi wa fɔ ide do yiikoi irii araɛ bɛɛrɛi nŋu takaɛi wa dɛ. Amma inɛ iyi wa dɛ bɛɛrɛi inɛ iyi í bɔɔ wa, lafɛ̃ɛ ntɔi í ya fɔ, ibo kãma ci ya wa siɛ.

Laabaau jiida iyi Zãa í kɔ 8:54

Ŋɔi Jesu í jɛ nŋa í ni, bii amui ǹ wa n dɛ bɛɛrɛi aram, bɛɛrɛ ngbɛi. Inɛ iyi wa dɛ bɛɛrɛm, nŋui í jɛ Baam iyi iŋɛ ì ni í jɛ Aɔ̃ Lafɛ̃ɛ nŋɛ.

Woo bɛ ŋa 13:33

Í jɔ̀ kuwãu í kɔ̃ si waati nwa. Awa tɔku nŋa ŋa, awai à yɛ kuwãu í kɔ̃ waati iyi í jĩ Jesu hai si balɛ si bɛi à kɔɔ si tiai Iri ku kɔ̃ ŋa iri minjisia à ni, Ilaaɔ̃ í ni, awɔi ì jɛ amam, hai nnyi ǹ jɛ Baaɛ.

Romu 8:3

Mii iyi woodai Moizi kù yɔkɔ ku ce si na iyi í jɔ̀ mɔngɔi amanɛ ŋa í jɔ̀ woodau í kua gbugbã, Ilaaɔ̃ í coo. Dulum iyi í wa si arai amanɛ, í kiitiɛ si waati iyi í jɔ̀ Amai nŋu takaɛ í so ara iyi í jɔ arai dulum dii amanɛ ŋa nɔ í bɔɔ wa.

Ebɛɛ 1:1

Tako bala nwa ŋa à gbɔ ide ku fɔi Ilaaɔ̃i hai si gɛlɛi waliiɛ ŋa isɛ fɛɛfɛlo si kpãa ikã ikã.

Ebɛɛ 1:5

Do ntɔ, Ilaaɔ̃ kù sɔ̃ inɛ akãi amaleka ŋau kù ni, awɔi ì jɛ Amam. Hai nnyi ǹ jɛ baaɛ. Kù nɔ kù jɛ amaleka gɔi wa fãa iyi í ni, an jɛ baaɛ, nɔ nŋu mɔ ku jɛ amam.

Ebɛɛ 2:17

Na nŋu, kù nɛ bɛi á ce iyi kù jɔ ifɔɛ ŋa si mii fei ku ba ku na ku jɛ woo wee nla iyi í nɛ araare nɔ ku jɛ ilu naanɛ si icɛi Ilaaɔ̃, nɔ ku sã gbesei dulum dii inɛ ŋa.

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Ebɛɛ 5:10

si na iyi í jɔ̀ Ilaaɔ̃ í coo woo wee nla bɛi Mɛɛkizedɛki.