Ebɛɛ 5:4 - Bibeli do fee

⁴ Inɛ gɔ kaa yɔkɔ ku so araɛ ku ni nŋu í jɛ woo wee nlau, bii kù jɛ Ilaaɔ̃i í kpoo bɛi í kpe Arɔ̃ɔ wo.

Ebɛɛ 5:4 Iomraidhean Croise

Bomma 1, 23:13

Amai Amuramu ŋai Arɔ̃ɔ do Moizi. Ŋɔi à cica Arɔ̃ɔ nŋu do amaɛ ŋa à jilɛ ŋa ikã hee do ajɔ fei a ya maa ce icɛ si ile iyi í re do kumáu. Aŋai aa ya cea Aɔ̃ Lafɛ̃ɛ kuwee do tuae nɔ a maa ceaa icɛ nɔ a ya weea zamaaɛu do ajɔ fei do irii Aɔ̃ Lafɛ̃ɛ.

Bomma 2, 26:18

Inɛmɔkɔ ilu wɔɔkɔ ŋai. A kù jɛa ilaalu Oziasi, nɔ à sɔ̃ɔ à ni, Oziasi, i kù nɛ kpãai i naa i joa Aɔ̃ Lafɛ̃ɛ tuae. Woo wee ŋa iyi à jɛ tɔkui Arɔ̃ɔ ŋaui à nɛ kpãai a coo. Aŋai à nya ikã a ya coo. Fita hai inɔ ile kumáu, domi dulum nii ì waa ce. Nɔ kaa nɛɛ bɛɛrɛ si wajui Aɔ̃ Lafɛ̃ɛ.

Ɛsidarasi 7:5

Buki mɔ amai Abisuai, Abisua mɔ amai Fineɛzii, Fineɛzi mɔ amai Eleazaai, Eleazaa mɔ amai Arɔ̃ɔ woo wee nlaui.

Kufita 28:1

Ŋɔi Aɔ̃ Lafɛ̃ɛ í sɔ̃ Moizi má í ni, kpe Arɔ̃ɔ igbãɛu ku naa bi tɛɛ, nŋu do Nadabu do Abihu do Eleazaa do Itamaa amaɛ ŋau. Cica inɛ nŋu ŋau ikã hai si inɔi inɛi Izirɛli ŋau ku ba a ceem icɛi woo wee ŋa.

Kuwee 8:2

gbã Arɔ̃ɔ do amaɛ ŋa i bɔò ŋa anui ile bi kukou. Jɔ̀ a naaò jĩnɛi woo wee ŋau wa do ikpo iyi à ya tontoo si woo wee ŋa a nya ŋaò ikã, nɔ i jɔ̀ a naaò kɛtɛ kombo saasaabɔ iyi aa ceò kuwee iyi á kpa idei dulum nɔu wa, do angudã kombo minji, do kɔlɔ iyi í nɛ pɛ̃ɛ hai nɛ levɛ̃ɛ ŋau.

Kuka 16:10

Í jɔ̀ ì maai siɛ wa ŋa awɔ Kore do kpaasiɛ ŋa fei iŋɛ inɛi Levii ŋau nɔ ì nyi ì waa bi iŋɛ i jɛ woo wee ŋau má ŋa.

Kuka 16:35

Ŋɔi Aɔ̃ Lafɛ̃ɛ í jɔ̀ ina í dede í na í jo amanɛ cĩɔ minji do ciitaa ŋa iyi à kooa tuae ŋau njaawɛ.

Kuka 16:5

nɔ í sɔ̃ Kore do inɛi anyiɛ ŋau í ni, ala daakɔ Aɔ̃ Lafɛ̃ɛ á jɔ̀ ka mà inɛ iyi í nya ikã í jɛ titɛɛ, nɔ á jɔ̀ lafɛ̃ɛ ku maai siɛ, inɛ iyi í cica á jɔ̀ lafɛ̃ɛ ku naa bi tɛɛ.

Kuka 16:7

ala daakɔ i dasi ina nɔ i fãsi tuae si wajui Aɔ̃ Lafɛ̃ɛ ŋa, inɛ iyi Aɔ̃ Lafɛ̃ɛ á cica lafɛ̃ɛi á jɛ titɛɛ. Iŋɛ inɛi Levii ŋau iŋɛ mɔm nii ì ce ì waa lɔ si ŋa.

Kuka 18:7

Amma awɔ Arɔ̃ɔ, awɔ do amaɛ ŋa i ya ce icɛi kuwee ŋau bi ku ce kuweeu do ile iyi í re do kumáu iyi í wa do anyii acɔ iyi í fɛɛfɛ ile iyi í re do kumáu do iyi í máu. Amui ǹ ce nŋɛ amuai icɛu bɛ. Bii inɛ mmu gɔ í maai wa bɛ, aa kpaai.

Kuka 3:3

Inɛ mɛɛ ŋau bɛ fei, à tontoo nŋa ikpo si iri nŋa ŋai a jɛ woo wee ŋa, nɔ à lɔsi icɛu ku ce.

Laabaau jiida iyi Zãa í kɔ 3:27

Ŋɔi Zãa í sɔ̃ ŋa í ni, inɛ gɔ kaa yɔkɔ ku ba ngɔgɔ bii kù jɛ Ilaaɔ̃i í muaa.