Ebɛɛ 5:3 - Bibeli do fee

³ Na ŋɔi í jɔ̀, kù nɛ bɛi á ce iyi kù ce kuwee na irii dulum dii nŋu takaɛ bɛi wa ce na irii inɛ ŋa.

Ebɛɛ 5:3 Iomraidhean Croise

Kuwee 16:15

Á saka iwo kombo iyi á kpa idei dulum nɔui na irii zamaau, nɔ ku bu njɛu ku kooò inɔ ile iyi í re do kumáu. Á cea njɛui bɛi í tako í cea ti kɛtɛ kombou. Á fãsi njɛu si kpakoi akabuuu do si wajui kpakou.

Kuwee 16:6

Arɔ̃ɔ á na kɛtɛ komboɛi iyi á ceò kuwee iyi á kpa idei dulum dɛɛ do ti inɛi kpasɛ̃ɛ ŋa.

Kuwee 9:7

Nɔ Moizi í sɔ̃ Arɔ̃ɔ má í ni, maai si bi kuweeu wa nɔ i ce kuwee iyi á kpa idei dulum nɔu do kuwee iyi aa jo si ina fei sãa sãau, nɔ i kpa idei dulum dii awɔ takaɛ do ti zamaau fei, nɔ i ce kuwee do mɛɛmu ŋa iyi inɛ ŋau à naaò wau ku ba i kpa idei dulum du ŋa si bɛi Aɔ̃ Lafɛ̃ɛ í tako í fɔu.

Kɔrɛnti 1, 15:3

Ide iyi í nɛ amboe í re nŋui ǹ sisi nŋɛ bɛ si bɛi à daam si awɔ. Ideu wee. Kirisi í ku na irii dulum du wa si bɛi kukɔi idei Ilaaɔ̃ wa fɔ.

Ebɛɛ 10:12

Amma kuwee akãi Kirisi í ce na irii dulum. Si anyii nŋu, í koo í buba si awɔ njɛi Ilaaɔ̃ hee do ajɔ fei,

Ebɛɛ 7:27

Kù yɛ bɛi woo wee nla iyi ihɔ̃ ŋa, aŋa iyi à nɛ bukaatai kuwee ajɔ fei, sinte na irii dulum dii aŋa taka nŋa, si anyiɛ ti inɛ ŋa iyi à gbe. Inɛ nŋu í ce kuwee akã iyi í to hee do ajɔ fei si waati iyi nŋu takaɛ í na araɛ.

Ebɛɛ 9:7

Amma woo wee nlau nŋu akãi í ya lɔ inɔ minjisiau adɔ̃ do adɔ̃ gbakã akã do njɛi mɛɛmu iyi í ya ceaò Ilaaɔ̃ kuweeu na dulum dii nŋu takaɛ do iyi inɛ ŋa à ce si kumà hai mà nŋa.