Ebɛɛ 5:2 - Bibeli do fee

² Á yɔkɔ ku ce suuru do inɛ ŋa iyi a kù mà ngɔgɔ do inɛ ŋa iyi à yaa hai si kpãa, si na iyi í jɔ̀ nŋu takaɛ mɔ kù kɔ̃.

Ebɛɛ 5:2 Iomraidhean Croise

Kufita 32:8

Inɛ ŋau à yaa anu akã hai si kpãa iyi ǹ nyisi ŋau. À so wura ŋa à ceò ama kɛtɛ nɔ à cea kuwee ŋa à bɛi à gulɛ à waa tɔɔɛ, nɔ à ni aŋa inɛi Izirɛli ŋa, Ilaaɔ̃ Lafɛ̃ɛi aŋa mbɛ, nŋu iyi í nya aŋa wa hai ilɛi Ezibiti.

Ezai 29:24

Nɔ inɛ ŋa iyi a kù nɛ lasabu jiida wo, aa cɛ ku gbɔ yaasei mii ŋa. Nɔ inɛ ŋa mɔ iyi à ya maa kɔ̀ ide wo, aa jɛsi a kɔ ŋa.

Ezai 30:11

À ya sɔ̃ walii ŋai a maa ni a tɛkɛɛ a jĩò kpãa iyi í tɛ, nɔ a jɔ̀ kpãa iyi í jɛ ntɔ iyi à nɛ a maa toou. À ya ni, i maà sɔ̃ wa idei Aɔ̃ Lafɛ̃ɛ Inɛ Kumái Izirɛliu má ŋa.

Luku 22:32

Amma amu ǹ ce kutɔɔ na iriɛ ku ba naanɛ ku dasiɛ ku maà gaizia. Nɔ awɔ, waati iyi aa kpaasi idɔ má, mua kpaasiɛ ŋa mɔ gbugbã.

Kɔrɛnti 2, 11:30

Bii í jɛ ǹ wa n tɔɔ fufui, an tɔɔi si mii iyi wa nyisi gbugbã hai nɛm fei.

Kɔrɛnti 2, 12:5

An tɔɔ fufu si inɛɛu bɛ. Amma n kaa n tɔɔ fufu si aram, bii kù jɛ si gbugbã hai nɛm.

Galati 4:13

Ì mà sãa sãa ŋa, waati iyi ǹ to Galati n kù wa n nɛ baani. Na ŋɔi í jɔ̀ ǹ ce nŋɛ waazoi laabaau jiidau.

Efɛɛzu 4:18

A kù nɛ laakai jiida. À lele idɔ nŋa nɔ a kù mà nkãma. Nŋui í jɔ̀ a kù nɛ ikpɛ̃ si kuwɛɛ iyi Ilaaɔ̃ wa mu nwa.

Timɔtee 1, 1:13

baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Ebɛɛ 12:13

Nɔ i cea isɛ nŋɛ ŋa kpãa iyi í munga anu ŋa ku ba ilu kutɛ bɔ̃ɔ ŋa a maà tambɔ kutɛ nŋa ŋau má, amma a ba iri.

Ebɛɛ 2:17

Na nŋu, kù nɛ bɛi á ce iyi kù jɔ ifɔɛ ŋa si mii fei ku ba ku na ku jɛ woo wee nla iyi í nɛ araare nɔ ku jɛ ilu naanɛ si icɛi Ilaaɔ̃, nɔ ku sã gbesei dulum dii inɛ ŋa.

Ebɛɛ 2:18

Do yaase bɛɛbɛ á yɔkɔ ku sobi inɛ ŋa iyi à wa si kulɛlɛ, domi nŋu takaɛ í yɛ ijuukpã si kulɛlɛ.

Ebɛɛ 4:15

domi woo wee nla iyi à nɛu á yɔkɔ ku ce araarei gbugbã hai nɛ nwa si na iyi í jɔ̀ à lɛlɛɛ ku ceò laalɔ si mii fei bɛi awa mɔ, amma kù ce dulum.

Ebɛɛ 7:28

Woo wee nla ŋa iyi à waa ce icɛ bɛi woodai Moizi í jilɛ, a kù kɔ̃. Amma woo wee nla iyi Ilaaɔ̃ í jilɛ do idei kugbasiɛ iyi í fɔ si anyii woodau, nŋui í jɛ Amaɛ iyi í kɔ̃ hee do ajɔ fei.

Ebɛɛ 9:7

Amma woo wee nlau nŋu akãi í ya lɔ inɔ minjisiau adɔ̃ do adɔ̃ gbakã akã do njɛi mɛɛmu iyi í ya ceaò Ilaaɔ̃ kuweeu na dulum dii nŋu takaɛ do iyi inɛ ŋa à ce si kumà hai mà nŋa.

Zaaki 5:19

Iŋɛ kpaasim ŋa, bii inɛ gɔ nŋɛ í jĩò ntɔ nɔ kpaasi gɔ í baaɛ wa si kpãai ntɔ,

Piɛɛ 1, 2:25

Tako wo ì yɛ ŋai bɛi angudã ŋa iyi à nyɔ, amma nsɛi ì nyi wa bi woo degbeu ŋa, nŋu iyi wa degbe ŋɛ.

Woo kiiti ŋa 2:17

Amma a kù waa jirima baa woo kiiti nŋa ŋau, domi à ya koo a gulɛ a maa tɔɔ iwɛ̃ ŋa. Do yaase bɛɛbɛi à yaa gbãa gbãa hai si kpãa iyi bala nŋa ŋa à toou. Bala nŋa ŋau ngu ŋa à jirima woodai Aɔ̃ Lafɛ̃ɛ. Amma aŋa a kù ce bɛɛbɛ.