Ebɛɛ 5:1 - Bibeli do fee

¹ Woo wee nla iyi à ya so hai si inɔi amanɛ ŋa fei, à ya sooi ku cea Ilaaɔ̃ icɛ na iri nŋa ku ba ku ya kooa Ilaaɔ̃ amua nŋa ŋa nɔ ku ce kuwee ŋa na irii dulum du ŋa.

Ebɛɛ 5:1 Iomraidhean Croise

Kuwee 8:2

gbã Arɔ̃ɔ do amaɛ ŋa i bɔò ŋa anui ile bi kukou. Jɔ̀ a naaò jĩnɛi woo wee ŋau wa do ikpo iyi à ya tontoo si woo wee ŋa a nya ŋaò ikã, nɔ i jɔ̀ a naaò kɛtɛ kombo saasaabɔ iyi aa ceò kuwee iyi á kpa idei dulum nɔu wa, do angudã kombo minji, do kɔlɔ iyi í nɛ pɛ̃ɛ hai nɛ levɛ̃ɛ ŋau.

Kuwee 9:7

Nɔ Moizi í sɔ̃ Arɔ̃ɔ má í ni, maai si bi kuweeu wa nɔ i ce kuwee iyi á kpa idei dulum nɔu do kuwee iyi aa jo si ina fei sãa sãau, nɔ i kpa idei dulum dii awɔ takaɛ do ti zamaau fei, nɔ i ce kuwee do mɛɛmu ŋa iyi inɛ ŋau à naaò wau ku ba i kpa idei dulum du ŋa si bɛi Aɔ̃ Lafɛ̃ɛ í tako í fɔu.

Romu 15:17

Na nŋu, na saabui Jesu Kirisi, ǹ nɛ inɔ didɔ̃ si icɛm iyi ǹ wa n cea Ilaaɔ̃.

Kɔrɛnti 1, 15:3

Ide iyi í nɛ amboe í re nŋui ǹ sisi nŋɛ bɛ si bɛi à daam si awɔ. Ideu wee. Kirisi í ku na irii dulum du wa si bɛi kukɔi idei Ilaaɔ̃ wa fɔ.

Ebɛɛ 10:11

Woo wee fei í ya maa ce icɛɛi ajɔ baa yooma fei. Nɔ tuuba nkpɔ nkpɔ kuwee akãu bɛi í ya maa ce nɔ kaa yɔkɔ ku kpa idei dulum.

Ebɛɛ 10:12

Amma kuwee akãi Kirisi í ce na irii dulum. Si anyii nŋu, í koo í buba si awɔ njɛi Ilaaɔ̃ hee do ajɔ fei,

Ebɛɛ 11:4

Na naanɛ ku dasii, Abɛli í cea Ilaaɔ̃ kuwee iyi í nɛ bɛɛrɛ í re ti Kaɛ̃ɛ. Na saabui naanɛ ku dasiɛi Ilaaɔ̃ takaɛ í jɛsi amuaɛ nɔ í kpoo inɛ dee dee. Na naanɛ ku dasiui Abɛli wa ba wa ide ku fɔ hee nsɛi baa do iyi í ku fei.

Ebɛɛ 2:17

Na nŋu, kù nɛ bɛi á ce iyi kù jɔ ifɔɛ ŋa si mii fei ku ba ku na ku jɛ woo wee nla iyi í nɛ araare nɔ ku jɛ ilu naanɛ si icɛi Ilaaɔ̃, nɔ ku sã gbesei dulum dii inɛ ŋa.

Ebɛɛ 7:27

Kù yɛ bɛi woo wee nla iyi ihɔ̃ ŋa, aŋa iyi à nɛ bukaatai kuwee ajɔ fei, sinte na irii dulum dii aŋa taka nŋa, si anyiɛ ti inɛ ŋa iyi à gbe. Inɛ nŋu í ce kuwee akã iyi í to hee do ajɔ fei si waati iyi nŋu takaɛ í na araɛ.

Ebɛɛ 8:3

À jilɛ woo wee nla baa yooma fei ku cea Ilaaɔ̃ amua do kuwee ŋa. Na nŋu, í gbe woo wee nla nwa ku nɛ ngɔgɔ iyi á ceò kuwee.

Ebɛɛ 8:4

Bii í jɛ í wa si andunya kaa jɛ woo wee, domi woo wee ŋa à wɛɛ iyi à waa ce kuwee si bɛi woodai Moizi wa fɔ.

Ebɛɛ 9:9

Iyi bɛi í jɛ nwa yaasei mii iyi wa ce nsɛiu ihɛ̃, domi wa nyisi wa iyi amua ŋa do mɛɛmu ŋa iyi à ya ceaò Ilaaɔ̃ kuwee ŋau kù to ku jɔ̀ idɔi inɛ iyi wa coou ku má mam mam.