Ebɛɛ 4:6 - Bibeli do fee

⁶ Inɛ gɔ ŋa aa na a lɔ si bi kusĩmiu. Amma inɛ sinte ŋa iyi à gbɔ laabaau jiidau a kù lɔ si na ide hai jirima nŋau.

Ebɛɛ 4:6 Iomraidhean Croise

Ezai 65:15

Inɛ ŋa iyi ǹ cica ŋau, iri nŋɛi aa ya so a ceekpeò a ni, Aɔ̃ Lafɛ̃ɛ ku jɔ̀ i ku bɛi wãanɛ, walakɔ bɛi wãanɛ kasa. Amma ti inɛ ngu ŋa iyi à jɛ woo ce icɛm ŋau, an kpe ŋai do iri mmu.

Kuka 14:12

An jɔ̀ bɔ̃ɔ laalɔ gɔ ku naa si ŋai, nɔ ku kpa ŋa fei, si anyiɛ nɔ n jɔ̀ dimi nkpɔ nkpɔ iyi í nɛ gbugbã í re inɛi Izirɛli ŋau ku fita hai bi tɛɛ.

Kuka 14:31

Nɔ ama nŋɛ ŋa iyi ì ni mbɛɛ nŋɛ ŋa aa naa a gba bii à jɛ ŋɛ igũ ŋau, aŋai an jɔ̀ a to si ilɛ iyi iŋɛ ì cé ŋau.

Matie 21:43

Nɔ Jesu í ni má, ǹ wa n sɔ̃ ŋɛi, Ilaaɔ̃ á gba bommaɛ hai bi tu ŋɛ ku na dimi mmu ŋa iyi à waa ce idɔɔbiɛ. [

Woo bɛ ŋa 28:28

Ŋɔi Pɔlu í sɔ̃ ŋa má í ni, na nŋu, i mà ŋa iyi Ilaaɔ̃ í jɔ̀ idei faabaɛ í bɔ bi dimi mmu ŋa. Aŋai aa gbɔɔ. [

Kɔrɛnti 1, 7:29

Inɛm ŋa, iyi ǹ wa n fɔ wee. Waatiu kù sɔ má. Na nŋu, hai nsɛi inɛ iyi í nɛ abo, í sĩa ku yɛ bɛi inɛ iyi kù nɛ abo.

Galati 3:8

Hai tako wo Ilaaɔ̃ í mà iyi nŋu á jɔ̀ dimi mmu ŋa a jɛ dee dee na naanɛ ku dasi nŋa. Ŋɔi í jɔ̀ í sisia Aburahamu laabaau jiidau hai ku kpɛ í ni, hai bi tɛɛi an weea inɛi andunya fei.

Ebɛɛ 4:11

Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Ebɛɛ 4:2

À waazo nwa laabaau jiida si bɛi à cea inɛ ŋa iyi à tako à wa si gbaau. À gbɔ ideu amma kù ce nŋa aranfãani kãma domi si waati iyi à gbɔɔ, a kù dasi naanɛ.

Ebɛɛ 4:9

Bɛɛbɛi kusĩmi í wɛɛ má iyi í jɛ ti inɛi Ilaaɔ̃ ŋa bɛi Ilaaɔ̃ takaɛ í sĩmi si ajɔ mɛɛjesiau.