Ebɛɛ 4:4 - Bibeli do fee

⁴ Do ntɔi, bii gɔ à fɔ idei ajɔ mɛɛjesiau à ni, Ilaaɔ̃ í kpa irii icɛɛ fei nɔ í sĩmi si ajɔ mɛɛjesia.

Ebɛɛ 4:4 Iomraidhean Croise

Kufita 20:11

Amu takam si afei ajɔ mɛɛfai ǹ taka lele do ilɛ do tenku do mii ŋa iyi à wa si inɔ nŋa ŋa fei nɔ ǹ sĩmi si ajɔ mɛɛjesiau. Na ŋɔi í jɔ̀ ǹ weea ajɔi kusĩmiu nɔ ǹ nyaa ikã.

Kufita 31:17

Ajɔui á jɛ nyinda iyi á wa si aninii awaɛ ŋa hee do ajɔ fei, domi si afei ajɔ mɛɛfai amu Aɔ̃ Lafɛ̃ɛ ǹ takaò lele do ilɛ, amma si ajɔ mɛɛjesiaɛ ǹ jɔ̀ mii iyi ǹ wa n ce fei nɔ ǹ sĩmi.

Wooda ku kɔsi 5:14

Amma ajɔ mɛɛjesiau ajɔi kusĩmii. Ajɔ nŋu bɛi í jɛ ti amu Aɔ̃ Lafɛ̃ɛ nŋɛ. I maà ya ce icɛ kãma ajɔ nŋu bɛ ŋa hai iŋɛ taka nŋɛ hee do ama inɛmɔkɔ nŋɛ ŋa do ama inaabo nŋɛ ŋa hee do woo ce icɛ inɛmɔkɔ nŋɛ ŋa do woo ce icɛ inaabo nŋɛ ŋa, do kɛtɛ nŋɛ ŋa, do gbankɛlɛ nŋɛ ŋa hee ku koo si mɛɛmu nŋɛ ŋa iyi à gbe fei, hee do inɛ njoo ŋa iyi à wa kpasɛ̃ nŋɛ ŋa fei, kãma nŋa kù nɛ ku ce icɛ ajɔ nŋu bɛ, ku ba woo ce icɛ iyi ì nɛ ŋa, aŋa mɔ a sĩmi bɛi iŋɛ taka nŋɛ.

Ebɛɛ 2:6

Amma inɛ gɔ í kɔ bii gɔ í ba Ilaaɔ̃ ide ku fɔ í ni, mii amanɛ í jɛ hee ì waa ce lasabuɛ. Yooi í jɛ amanɛ hee i maa gbɔaa.

Ebɛɛ 4:10

Inɛ iyi í lɔ si bi kusĩmi iyi Ilaaɔ̃ í ce sɔɔluɛu, í kpa irii icɛɛi si bɛi Ilaaɔ̃ mɔ í kpa irii tɛɛ.