Ebɛɛ 4:3 - Bibeli do fee

³ Awa iyi à dasi naanɛ aa ka lɔ si bi kusĩmiu, bi kusĩmi iyi Ilaaɔ̃ í fɔ ideɛ í ni, si idɔɔkɔ̃m ǹ fɔ do kugbasi ǹ ni, a kaa lɔ si bi kusĩmi iyi ǹ ce nŋa sɔɔluɛu. Í fɔ bɛɛbɛ baa do iyi í ce sɔɔlui kusĩmiu tã hai waati iyi í taka andunya.

Ebɛɛ 4:3 Iomraidhean Croise

Kusintii Andunya 1:31

Nɔ Ilaaɔ̃ í cɔ mii iyi nŋu í ce fei, nɔ í yɔɔ iyi í sĩa jiida jiida. Si bɛɛbɛi í ceò alɛò daakɔ nɔ í jɛ ajɔ mɛɛfasia.

Iri ku kɔ̃ 95:11

Na nŋu, si idɔɔkɔ̃m, ǹ fɔ do kugbasi ǹ ni, a kaa lɔ si ilɛ bii ǹ ce nŋa sɔɔlui kusĩmiu.

Kufita 20:11

Amu takam si afei ajɔ mɛɛfai ǹ taka lele do ilɛ do tenku do mii ŋa iyi à wa si inɔ nŋa ŋa fei nɔ ǹ sĩmi si ajɔ mɛɛjesiau. Na ŋɔi í jɔ̀ ǹ weea ajɔi kusĩmiu nɔ ǹ nyaa ikã.

Ezai 28:12

Aɔ̃ Lafɛ̃ɛ í bɛi í tako í sɔ̃ ŋa wo í ni, ihɛ̃ bɛbɛi, kusĩmii. Inɛ iyi í gbɛɛji, i jɔ̀ ku sĩmi ŋa. Tengi ihɛ̃, inya sɛ̃ɛi. Amma a kù bi ku gbɔ.

Zeremi 6:16

Aɔ̃ Lafɛ̃ɛ í fɔ í ni, i bɔ si kpãa ŋau ŋa, i bee kpãa jiidai tako nŋɛ ŋau, nɔ i tooɛ ŋa. Do yaase bɛɛbɛ, aa nɛ laakai ku sũ ŋa. Amma à jɛ à ni, a kaa ka too si.

Ezekiɛli 20:38

Inɛ ŋa iyi à waa ce ide ku kɔ̀ si gãmɛm, nɔ a kù waa jirimam, an fɛɛfɛ ŋai hai si inɔ nŋɛ. An nya ŋai hai si ilɛ bii à wau, amma a kaa nyi si ilɛi Izirɛli má. Do yaase bɛɛbɛ aa mà ŋa iyi amui ǹ jɛ Aɔ̃ Lafɛ̃ɛ.

Matie 13:35

Bɛɛbɛi idei inɛ akãi walii ŋau í ce iyi í ni, do mɔndai an ya n sɔ̃ ŋa ide, nɔ si bantumai an fɔ mii iyi wa manji hai waati iyi ǹ taka andunya.

Matie 25:34

Waati bɛɛbɛ amu ilaaluu an sɔ̃ inɛ ŋa iyi à wa awɔ njɛm n ni, i naa wa ŋa, iŋɛ iyi ì ba kuweei Baam. I naa i buba si bomma iyi à ce nŋɛ sɔɔluɛ hai waatii kusintii andunya.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Ebɛɛ 3:11

Na nŋu, si idɔɔkɔ̃m ǹ fɔ do kugbasi ǹ ni, a kaa lɔ si bi kusĩmi iyi ǹ ce nŋa sɔɔluɛu ajɔ kãma.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Ebɛɛ 9:26

Bii í jɛ Kirisi í lɔ bɛ tuuba nkpɔ nkpɔ wo, á yɛ ijuukpã isɛ fɛɛfɛlo hai sintei andunya. Amma nsɛi, si waatii ankãanyiu ihɛ̃, í na araɛ bɛi kuwee gbakã akã iyi í to ku kpa idei dulum hee do ajɔ fei.

Piɛɛ 1, 1:20

Hai waati iyi a kù taka andunyai Ilaaɔ̃ í cica Kirisiu, amma í nyisi araɛ si waatii ankãanyiu ihɛ̃ na aranfãani nŋɛ.