Ebɛɛ 4:12 - Bibeli do fee

¹² Idei Ilaaɔ̃i í jɛ kuwɛɛ, í nɔ í nɛ gbugbã. Í dɔ̃ anu í re taakuba ilu andɛ minji. Í nɛ gbugbã iyi á yɔkɔ ku lɔò hee lɛlɛi idɔ ku fɛɛfɛ idɔi amanɛ do lasabuɛ, ikɔ̃i ara mɔ do lompi. Nɔ á wusɛ idɔɔbii amanɛ do lasabuɛ.

Ebɛɛ 4:12 Iomraidhean Croise

Iri ku kɔ̃ 110:2

Hai Siɔ̃ɔ, Aɔ̃ Lafɛ̃ɛ á jɔ̀ gbugbãi bommaɛ ku bɔi hee jĩijĩ, nɔ nŋui á jɔ̀ i kãmia mbɛɛ ŋa iyi à kaakoɛ.

Iri ku kɔ̃ 119:130

Yaasei ideɛ ŋa ku mà í ya jɔ̀ inɛ ku wa si inya kumái, nɔ í ya jɔ̀ inɛ ŋa iyi a kù nɛ kumà ŋa a ba kumà.

Iri ku kɔ̃ 139:2

Ì mà waati iyi ǹ wa n buba walakɔ ǹ dede ǹ leekĩ. Ì mà lasabum ŋa baa hai jĩijĩ.

Iri ku kɔ̃ 149:6

Aɔ̃ Lafɛ̃ɛ ku saabu ku ya wa si gɛlɛ nŋa, nɔ taakuba ilu andɛ minji ku dɔ̃ anu gɔ ku wa si awɔ nŋa,

Iri ku kɔ̃ 45:3

Awɔi ì sĩa ì re inɛ fei, nɔ ide didɔ̃i í wa si gɛlɛɛ, na ŋɔi í jɔ̀ Ilaaɔ̃ í weeɛ hee do ajɔ fei.

Mɔnda ŋa 5:4

Amma iri ku kpai ideɛu í ya roi bɛi gondee, nɔ í ya mɛɛ amanɛi bɛi taakuba andɛ minji ku dɔ̃ anu.

Woo lasabu 12:11

Idei ilu bisi ŋa í yɛi bɛi golo ku gbe anu iyi í ya jɔ̀ kɛtɛ ku nɛ dee dee. Ide ŋau aa gɛɛ inɛi bɛi kɛkɛ bii à ya so mɛɛmu ŋau í ya gɛɛ ŋa. Ide ŋau hai bi woo degbe akãi wa naa.

Ezai 11:4

Á cea ilu are ŋa kiiti dee dee. Á cea hai nɛ gbugbã ŋa iyi à wa si ilɛu kiiti si ntɔ. Ideɛ á ya yɛi bɛi golo iyi wa cãò inɛi ilɛ ŋau. Kiitiɛ á kpa inɛ laalɔ.

Ezai 49:2

Í jɔ̀ gɛlɛm í yɛi bɛi taakuba ku dɔ̃ anu, nɔ í biim nii do awɔɛ. Í cem nii bɛi afa ku gbe anu, nɔ í singam nii si inɔ tongoɛ.

Ezai 55:11

bɛɛbɛ mɔi do idem iyi wa fita wa hai si gɛlɛm. Ci ya sinda ku nyi wa bi tom iyi kù ce icɛɛ, nɔ ci ya nyi wa bi tom iyi kù ce idɔɔbim, nɔ ci ya nyi wa bi tom má iyi kù ce mii iyi ǹ bɔɔ do wa.

Zeremi 17:10

Amu Aɔ̃ Lafɛ̃ɛ, amui ǹ ya n wusɛ idɔi amanɛ n yɛ hee lɛlɛɛ. Do yaase bɛɛbɛi ǹ ya n sãaò inɛ fei si bɛi isɛɛnɛɛ í yɛ do si bɛi kookoosuɛ ŋa í to.

Zeremi 23:29

Ntɔ ntɔ, idem í yɛi bɛi ina do bɛi mataaka iyi í ya lɛgɛ kuta. Amu Aɔ̃ Lafɛ̃ɛi ǹ fɔ bɛɛbɛ.

Luku 8:11

Nɔ Jesu í ni, yaasei mɔndau wee. Dimiu, idei Ilaaɔ̃i.

Laabaau jiida iyi Zãa í kɔ 12:48

Inɛ iyi í kɔ̀sim nɔ kù gba idem, í nɛ mii iyi á yɛ taalei lafɛ̃ɛi. Ide ŋa iyi ǹ fɔi á yɛ taalei lafɛ̃ɛ si ajɔi ankãanyiu.

Laabaau jiida iyi Zãa í kɔ 6:51

Amui ǹ jɛ ijɛi kuwɛɛ. Hai lelei Aɔ̃i ǹ kita wa. Nɔ inɛ iyi í ba ijɛu í jɛ fei í nɛ kuwɛɛ hai tã. Ijɛui í jɛ aram. An náai ku ba inɛi andunya ŋa a maa wɛɛò.

Woo bɛ ŋa 2:37

Iyi inɛ ŋau à gbɔ bɛɛbɛ ŋɔi ideu í to si ŋa ntɔ ntɔ, nɔ à bee Piɛɛ do woo bɛ iyi à gbe ŋau à ni, iŋɛ kpaasi nwa ŋa, bɛirei aa ka ce.

Woo bɛ ŋa 4:31

Iyi à ce kutɔɔu à tã ŋɔi inya bii à tɔtɔɔu í yaya. Ŋɔi aŋa fei à kɔ̃ò Hundei Ilaaɔ̃ nɔ à wasi ku waazo idei Ilaaɔ̃ bɛbɛi do wɔɔkɔ.

Woo bɛ ŋa 5:33

Iyi à gbɔ ideu ŋɔi idɔ nŋa í kɔ̃ hee à waa bi a kpa ŋa.

Woo bɛ ŋa 7:38

Moizii í tako í wa bii inɛi Izirɛli ŋau à tɔtɔɔ si gbaau. Nŋui í wa afei bala nwa ŋa do amaleka iyi í baa ide ku fɔ si iri kutai Sinaiu. Nɔ hai bi tɛɛi í gba idei kuwɛɛ í na wa.

Romu 1:16

N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Kɔrɛnti 1, 1:24

Amma bi inɛ ŋa iyi Ilaaɔ̃ í kpe, baa bii à jɛ Zuifu walakɔ dimi mmu ŋa, Kirisii í jɛ gbugbãi Ilaaɔ̃ do bisiɛ.

Kɔrɛnti 2, 2:17

A kù jɛ bɛi inɛ gɔ ŋa iyi à waa sisi idei Ilaaɔ̃ na fia. Amma si na iyi í jɔ̀ Ilaaɔ̃i í bɛ wa wa, nŋui í jɔ̀ à waa fɔ ide dee dee na anu akã iyi à ce do Kirisi, kù jɛ do muafiti.

Kɔrɛnti 2, 4:2

À nyɔ daai anyɔ ŋa iyi inɛ ŋa à ya ce si asii. A kù wɛɛ do baai bisi laalɔ, a kù kpaasi ide ntɔi Ilaaɔ̃ ibo. Amma à jɔ̀ inɛ ŋa à waa mà ntɔu sãa sãa ku ba inɛ fei ku mà si idɔɛ awa ilu ntɔ ŋai si wajui Ilaaɔ̃.

Efɛɛzu 5:13

Amma kookoosuu bɛ bii à fɔɔ á fitai inɛ ŋa a yɔɔ sãa sãa.

Efɛɛzu 5:26

Í nya ŋa ikã nɔ í wɛ ŋa í jɔ̀ à má na saabui ideɛ.

Efɛɛzu 6:17

I gba faabau bɛi fulai isɔ, nɔ idei Ilaaɔ̃ mɔ i gbaa ŋa bɛi taakubai Hundei Ilaaɔ̃.

Tɛsalonika 1, 2:13

À ya ka maa saabu Ilaaɔ̃ ajɔ fei domi si waati iyi à waazo nŋɛ i kù doo ideu si idei amanɛ ŋa, amma ì gbaa ŋai si ti Ilaaɔ̃. Nɔ bɛɛbɛ mɔi í jɛ do ntɔ, nɔ wa ce icɛ si iŋɛ woo dasi Jesu naanɛ ŋa.

Tɛsalonika 1, 5:23

Nɔ Ilaaɔ̃ takaɛ, nŋu iyi í jɛ icui laakai ku sũ, ku nya ŋɛ i jɛ titɛɛ mam mam ŋa, nɔ ku degbe hunde nŋɛ do laakai nŋɛ do ara nŋɛ, taale gɔ ku maà wa si, hee ku toò ajɔ iyi Lafɛ̃ɛ nwa Jesu Kirisi á nyi wa.

Ebɛɛ 13:7

I ye gigii woo cuai tako nŋɛ ŋa, inɛ ŋa iyi à tako à sisi nŋɛ idei Ilaaɔ̃. I lasabuò aranfãani iyi kuwɛɛ nŋa í naaò wa, nɔ iŋɛ mɔ i sisi naanɛ ku dasi nŋa ŋa.

Ebɛɛ 6:5

nɔ à yɔɔ iyi idei Ilaaɔ̃ í sĩa, nɔ à mà gbugbãi kuwɛɛi ala,

Zaaki 1:18

Si idɔɔbiɛ, í bí wa isɛ gbeejisia do saabui ide ntɔɛ ku ba hai si inɛ ŋa iyi í taka fei ka jɛ bɛi amaajɛ sinte ŋa iyi à jɛ tɛɛ.

Piɛɛ 1, 1:23

Í sĩa i ce bɛɛbɛ ŋa si na iyi í jɔ̀ à bí ŋɛi isɛ gbeejisia, nɔ kù jɛ do dimi iyi á ku, amma do dimi iyi kaa kui. Dimiui í jɛ idei Ilaaɔ̃, nŋui í jɛ icui kuwɛɛ nɔ kaa tã.

Kuyɛi Zãa 1:16

Wa mu leleaɔ̃ mɛɛje si awɔ njɛɛ, nɔ taakuba andɛ didɔ̃ minji wa fita hai si gɛlɛɛ nɔ wajuɛ wa daana bɛi nunui dasã.

Kuyɛi Zãa 19:15

Taakuba didɔ̃ gɔ wa fita wa hai si gɛlɛɛ iyi á jɛò dimii andunya ŋa igũ. Si anyiɛ nɔ ku gbã ŋa do goloi isɔ. Á fɔ̃ inyii isoi jĩi ndii rezɛ̃ɛ ku nyisiò idɔɔkɔ̃ nlai Ilaaɔ̃ ilu gbugbã fei iyi á naa si inɛi andunya ŋa.

Kuyɛi Zãa 19:21

Nɔ masau í kpa woo ce igũ nŋa ŋa do taakuba iyi wa fita wa hai si gɛlɛɛ. Nɔ yɛi fei í jɛ iŋa nŋa í yo.

Kuyɛi Zãa 2:16

Na nŋu, i kpaasi idɔ ŋa. Bii kù jɛ bɛɛbɛ, an naa si ŋɛ bii í kɔ̃ɔsi nɔ n ce igũ do inɛ ŋau do taakuba iyi wa fita hai si gɛlɛm.

Kuyɛi Zãa 2:23

Si anyiɛ an kpa inɛi anyiɛ ŋa. Waati bɛɛbɛ igbɛi inɛi Jesu ŋa fei aa mà iyi ǹ mà idɔi inɛ ŋa do lasabu nŋa. An sãa inɛ fei si bɛi kookoosuɛ í to.

Kuyɛi Zãa 20:4

Ŋɔi ǹ yɛ kitãi bomma gɔ ŋa nɔ inɛ ŋa à waa buba si. À na inɛ ŋa iyi à waa buba si ŋau yiiko a kiiti inɛ ŋa. Nɔ ǹ yɛ inɛ ŋa iyi à bu iri nŋa na idei Ilaaɔ̃ do si na iyi í jɔ̀ à jɛ sɛɛdai Jesu. Aŋai a kù tɔɔ mɛɛmuu hee má jɛ mii iyi à gbeu, nɔ a kù jɛ aŋa a nɛ nyindaɛ si ikpo nŋa walakɔ si awɔ nŋa. À dede hai si balɛ nɔ à jɛ bomma do Kirisi ajɔ adɔ̃ dubu.

Woo kiiti ŋa 3:16

Ŋɔi Ehudu í ce taakuba andɛ minji gɔ, kusɔɛ í to agbãawɔ akã, nɔ í sɔkɛɛ si kpakaɛ í singaɛ si lɛlɛi jĩnɛɛ ŋa do ikpa gonta njɛɛ.