Ebɛɛ 4:11 - Bibeli do fee

¹¹ Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Ebɛɛ 4:11 Iomraidhean Croise

Matie 11:12

Hai waati iyi Zãa í sinti ku waazo hee do nsɛi fei bommai Ilaaɔ̃ wa bɔ wajui do gbugbã, nɔ ilu gbugbã ŋai à ya baa.

Matie 7:13

Í sɔ̃ ŋa má í ni, koofa nla do kpãa ku cĩ gɔ í wɛɛ, do minjisia ku mongolo gɔ iyi wa bɔ ala nwa. I lɔ do koofa ku mongolou ŋa, domi koofa nlau do kpãa ku cĩu, bi ikui wa bɔ, nɔ inɛ nkpɔi wa too do bɛ.

Luku 13:24

i ce kookaai i lɔ do andɛ iyi kù cĩu ŋa. Ǹ wa n sɔ̃ ŋɛi, inɛ nkpɔi á maa dɛ kpãa iyi aa lɔò a kaa nɔ a yɔkɔ.

Luku 16:16

Wooda do idei walii ŋau fei à wɛɛ hee do waatii Zãa. Hai waati bɛɛbɛ à waa sisi laabaau jiidai bommai Ilaaɔ̃ nɔ inɛ fei wa ce kookaai ku ba ku lɔ do gbugbã.

Laabaau jiida iyi Zãa í kɔ 6:27

I maà ti i ce icɛi ijɛ iyi í ya sãmi nŋu akã, amma i ce icɛi ijɛ iyi á jɔ̀ i ba kuwɛɛ hai tã ŋa. Nɔ ijɛ nŋu amu Amai Amanɛi an mu nŋɛ, domi amui Ilaaɔ̃ Baaba í na yiikoɛ nɔ í jɔ̀ inɛ ŋa à waa yɔɔ.

Woo bɛ ŋa 26:19

Ŋɔi Pɔlu í ni má, ilaalu Agiripa, na ŋɔi í ce ǹ wa n jirima kuyɛ iyi í naa hai bi Ilaaɔ̃u.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Kolosee 3:6

Mii ŋau bɛ feii í ya fa idɔɔkɔ̃i Ilaaɔ̃ wa si inɛ ŋa iyi à kɔ̀ ku jirima ideɛ.

Titee 1:16

À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Ebɛɛ 3:12

Na nŋu, iŋɛ inɛm ŋa, i ce laakai, i maà jɔ̀ inɛ gɔ nŋɛ ku nɛ idɔ laalɔ hai dasi naanɛ, iyi á jɔ̀ ku sinda hai bi Ilaaɔ̃, nŋu iyi í wɛɛ.

Ebɛɛ 3:18

Si waati iyi Ilaaɔ̃ í fɔ do kugbasi í ni, a kaa lɔ si bi kusĩmi iyi nŋu í ce nŋa sɔɔluɛu, yoo ŋai wa fãa bii kù jɛ inɛ ŋa iyi a kù jirima ideɛ.

Ebɛɛ 4:6

Inɛ gɔ ŋa aa na a lɔ si bi kusĩmiu. Amma inɛ sinte ŋa iyi à gbɔ laabaau jiidau a kù lɔ si na ide hai jirima nŋau.

Ebɛɛ 6:11

Amma à bi inɛ baa yooma nŋɛ fei ku hanya do iju nkpa ku leekĩ si ideu hee kɔɔɛ ku ba mii iyi ì waa cɔ kpãaɛ ŋau ku ce mam mam.

Zozue 7:3

Iyi à koo à cɔ yaasei iluu à baa, à sɔ̃ Zozue à ni, kù to hee sooge ŋau fei a koo si ilui Aiu mɔm. Amanɛ dubu minji walakɔ dubu mɛɛta í to ku kãmia iluu. Akpɔi inɛi ilu ŋau í kere í caa do iyi aa jɔ̀ sooge ŋau fei à gbɛɛji ara nŋa ngbɛ ngbɛ.

Piɛɛ 2, 2:6

Si anyiɛ í nyi í yɛ taalei inɛi Sodomu do Gomɔɔ ŋa mɔ má, nɔ í kpa ŋa do ina. Iyi bɛu bɛi á jɛa inɛ laalɔ ŋa iyi aa na a naa yaase.