Ebɛɛ 4:1 - Bibeli do fee

¹ Kuwãi Ilaaɔ̃ iyi í ni aa ka lɔ si bi kusĩmiu í wɛɛ baa nnyi. Na nŋu, i ce laakai ku ba inɛ gɔ nŋɛ ŋa a maà na a to wa do ankãanyi nɔ a ba wee aŋa a kaa ba a lɔ bi kusĩmiu.

Ebɛɛ 4:1 Iomraidhean Croise

Mɔnda ŋa 14:16

Ilu bisi í ya ce njoi laalɔi nɔ ku saa, amma nnyɛi í ya maa kaaba araɛi nɔ í ya nɛ saasa.

Mɔnda ŋa 28:14

Ilu inɔ didɔ̃i inɛ iyi waati kãma fei wa ce njoi laalɔ ku ce, amma inɛ iyi í kɔ̀ wa mɔsi á yɛ wahala.

Zeremi 32:40

An dĩ akabuu iyi kù nɛ ku tã do aŋa, n kaa n fũsi ŋa awɔ má. Jiidai an maa n ce nŋa. An jɔ̀ a maa jirimam nɔ a maà jĩim má.

Kuka 14:34

Si bɛi ajɔ ciijii ì ce waati iyi ì bɔ ku cɔ yaasei ilɛu ŋa, iŋɛ mɔ aa yɛ ijuukpãi dulum du ŋɛ ŋai adɔ̃ ciiji, adɔ̃ akã fei ajɔ akã mbɛ, nɔ aa yɛ mii iyi bii n kù wa anini nŋɛ í ya nɛ.

Matie 24:48

Amma bii í jɛ amaacɛ laalɔi, á lasabui ku ni, lafɛ̃ɛm kaa baa ńya má,

Woo bɛ ŋa 3:19

Na nŋu, i kpaasi idɔ nŋɛ i sinda si Ilaaɔ̃ ŋa ku ba ku kpa idei dulum du ŋɛ.

Romu 11:20

Ntɔi, à da ŋai na naanɛ hai dasi nŋa, nɔ awɔ mɔ ì wa agbɛu bɛi na naanɛ ku dasiɛ. Maà tɔɔ fufu, amma ce laakai,

Romu 3:23

domi inɛ fei í ce dulum nɔ à kua amboei Ilaaɔ̃.

Kɔrɛnti 1, 10:12

Na nŋu, inɛ iyi í tamaa nŋu wa leekĩ dim dim ku jɔ̀ ku ce laakaii araɛ, ku ba ku maà ti ku cuku.

Kɔrɛnti 2, 6:1

Awa iyi à waa ce icɛ do Ilaaɔ̃ ajɔ, à waa tɔɔ ŋɛi i maà jɔ̀ didɔ̃ iyi Ilaaɔ̃ í ce nŋɛu ku ce nfe.

Galati 5:4

Iŋɛ iyi ì waa bi i jɛ dee dee si wajui Ilaaɔ̃ na wooda ku jirima, ì fɛɛfɛ ara nŋɛ do Kirisii nɔ ì fũsi didɔ̃i Ilaaɔ̃ awɔ ŋa.

Timɔtee 2, 2:13

Baa bii à jɛ hai nɛ naanɛ ŋa, do nŋu fei, nŋu í jɛ ilu naanɛ, domi kaa yɔkɔ ku kɔ̀si araɛ.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Ebɛɛ 13:7

I ye gigii woo cuai tako nŋɛ ŋa, inɛ ŋa iyi à tako à sisi nŋɛ idei Ilaaɔ̃. I lasabuò aranfãani iyi kuwɛɛ nŋa í naaò wa, nɔ iŋɛ mɔ i sisi naanɛ ku dasi nŋa ŋa.

Ebɛɛ 3:11

Na nŋu, si idɔɔkɔ̃m ǹ fɔ do kugbasi ǹ ni, a kaa lɔ si bi kusĩmi iyi ǹ ce nŋa sɔɔluɛu ajɔ kãma.

Ebɛɛ 4:11

Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Ebɛɛ 4:9

Bɛɛbɛi kusĩmi í wɛɛ má iyi í jɛ ti inɛi Ilaaɔ̃ ŋa bɛi Ilaaɔ̃ takaɛ í sĩmi si ajɔ mɛɛjesiau.

Samuɛli 1, 2:30

Na nŋu, í ni nŋu í tako í cea inɛi kpasɛ̃ɛ do ti baaɛ ŋa kuwã wo í ni aŋai aa jɛ woo weei nŋu ŋa hee do ajɔ fei. Amma bɛbɛi nŋu kaa ce bɛɛbɛ má. Ntɔ ntɔ, inɛ ŋa iyi à waa saalu nŋu aŋai nŋu á saalu. Amma inɛ ŋa iyi a kù waa saalu nŋu, aa yɛ anyɔ.