Ebɛɛ 3:8 - Bibeli do fee

⁸ i maà lele idɔ nŋɛ bɛi si ajɔ iyi bala nŋɛ ŋa à kɔ̀siɛ si waati iyi à cɔ laakaiɛ si gbaau.

Ebɛɛ 3:8 Iomraidhean Croise

Ilaalu 2, 17:14

Amma à ce itĩ ku yika a kù gbɔ ideu bɛi bala nŋa ŋa iyi a kù dasi Aɔ̃ Lafɛ̃ɛ naanɛu.

Bomma 2, 30:8

I maà jɔ̀ itĩ nŋɛ ku yika bɛi bala nŋɛ ŋau. I sũa Aɔ̃ Lafɛ̃ɛ nŋɛ iri ilɛ ŋa mam mam, nɔ i nyi wa i naa i tɔɔɛ ŋa si kpasɛ̃ iyi í cica í jɛ tɛɛ hee do ajɔ fei, ku ba idɔɔkɔ̃ nla nlaɛ ku sũ.

Bomma 2, 36:13

Í lele idɔɛ mam mam, nɔ kù sinda ikpa bi Aɔ̃ Lafɛ̃ɛi inɛi Izirɛli ŋa. Í dedeò ide ku kɔ̀ si gãmɛi ilaalu Nebukanɛsaa mɔm nii, nŋu iyi í jɔ̀ í gbasi do irii Ilaaɔ̃ ku jɛ ilu naanɛ bi tɛɛ.

Neemi 9:16

Amma bala nwa ŋau à na ara nŋa si faau do ide hai jɛ. Nɔ a kù jirima woodaɛ ŋa.

Zɔɔbu 9:4

Gbugbãɛ do bisiɛ í la, nɔ inɛ kãma kaa yɔkɔ ku baa ku ce iyi kù ba ijuukpã.

Iri ku kɔ̃ 106:14

Si gbaau, à ce binɛi mii iyi a kù nɛ, nɔ si inya ngbɛu à dede idɔɔkɔ̃i Ilaaɔ̃.

Iri ku kɔ̃ 78:18

À cɔ laakaii Ilaaɔ̃ si idɔ nŋa, à ni ku na aŋa ijɛ, aŋa a jɛ a yo.

Iri ku kɔ̃ 78:56

Amma à sii Ilaaɔ̃ iyi í wa leleui, à dedeò ide ku kɔ̀ siɛ, a kù jirima woodaɛ ŋa.

Iri ku kɔ̃ 95:8

i maà lele idɔ nŋɛ bɛi bala nŋɛ ŋa à ce Meriba, si ajɔ iyi à kɔ̀sim waati iyi à wa Masa si gbaau.

Kufita 17:7

Nɔ í sɔ tengi bɛ Masa do Meriba, waatɔ laakai ku cɔ do ija ku dɛdɛ. Í sɔ inyau bɛɛbɛi si na iyi í jɔ̀ inɛi Izirɛli ŋa à dɛdɛ ijaɛ nɔ à cɔ laakai Aɔ̃ Lafɛ̃ɛ, à waa ni, Aɔ̃ Lafɛ̃ɛ í wa bi tu wa mbɛ de mà kù wɛɛ.

Kufita 8:15

Ŋɔi woo ce dobu dobu ŋau à sɔ̃ Faraɔ̃ à ni, gbugbãi Ilaaɔ̃i inɛ ŋau à waa ceò. Do nŋu fei, Faraɔ̃ í kɔ̀ wa lele idɔɛ. Kù gbɔ idei Moizi do Arɔ̃ɔ, si bɛi Aɔ̃ Lafɛ̃ɛ í tako í fɔ wo.

Mɔnda ŋa 28:14

Ilu inɔ didɔ̃i inɛ iyi waati kãma fei wa ce njoi laalɔ ku ce, amma inɛ iyi í kɔ̀ wa mɔsi á yɛ wahala.

Mɔnda ŋa 29:1

Inɛ iyi bii à sɔ̃ɔ kuraraɛ ci ya jɛsi, á ce nfei anu akã nɔ kaa dede má.

Zeremi 7:26

Amma a kù gbɔ idem ŋa pai, a kù desi itĩ. À lele idɔ nŋa, nɔ à ce daa laalɔ iyi í re ti bala nŋa ŋa.

Daniɛli 5:20

Amma waati iyi í naa í dedeò faau nɔ í lele idɔɛ hee í baa í nɛ yaako ntɔ ntɔ si idɔɛu, à kɛkɛɛ hai si kitãi bommaɛu nɔ í kua bɛɛrɛɛu mɔ.

Kuka 14:11

Ŋɔi Aɔ̃ Lafɛ̃ɛ í bee Moizi í ni, hee waati yoomai inɛ ŋau ihɛ̃ aa leekĩò ku yaakom. Hee waati yoomai aa dasim naanɛ, baa do maamaake ŋa iyi ǹ ce si anini nŋa ŋau fei.

Matie 13:15

Idɔi inɛ ŋau í baa í le. À dĩ itĩ nŋa ku ba a maà gbɔ ide gɔ, nɔ à bii iju nŋa ku ba a maà yɛ ngɔgɔ, nɔ idɔ nŋa mɔ ku maà mà ngɔgɔ. Bii kù jɛ bɛɛbɛ aa na a sinda wa bi Ilaaɔ̃ nɔ ku jɔ̀ a ba iri.

Woo bɛ ŋa 19:9

Amma inɛ gɔ ŋa à lele idɔ nŋa à kɔ̀ ku dasi naanɛ, nɔ à nyi à waa fɔ ide laalɔ má si kpãai idei Lafɛ̃ɛ si wajui inɛi igbɛ ŋau. Na ŋɔi í jɔ̀ Pɔlu í tɛkɛɛ hai bi tu ŋa, nŋu do inɛ ŋa iyi à waa too kpãai Jesuu. Í ya maa kɔ ŋa si cio ajɔ fei si ile cioi inɛ gɔ iyi à ya kpe Tianusi.

Woo bɛ ŋa 7:36

Moiziu nŋui í nya inɛi Izirɛli ŋa hai ilɛi Ezibiti nɔ í ce nyinda ŋa do maamaake ŋa si ilɛu do si Tenku Nkpau do si gbaa adɔ̃ ciiji.

Kɔrɛnti 1, 10:9

Ka maà ya ka cɔ laakaii Kirisi bɛi í to bɛi gɔgɔ nŋa ŋa à ce, nɔ njo ŋa à kpa si ŋa inɛ nkpɔ.

Wooda ku kɔsi 6:16

I maà ya maa sii Aɔ̃ Lafɛ̃ɛ nŋɛ si bɛi ì tako ì ce ŋa wo waati iyi ì wa Masa ŋa.

Samuɛli 1, 6:6

I maà ti i lele idɔ nŋɛ ŋa bɛi inɛi Ezibiti ŋa do ilaalu nŋa à ce wo. I jɔ̀ i ye gigi ŋa do bɛi Lafɛ̃ɛ nŋau í kpã ŋa iju a bɛi a jɔ̀ inɛi Izirɛli ŋa à nɛ.