Ebɛɛ 3:7 - Bibeli do fee

⁷ Na nŋu, i sotĩ i gbɔ ide iyi Hundei Ilaaɔ̃ í fɔ í ni, bii ì waa gbɔ ide ku fɔi Ilaaɔ̃ nnyi ŋa,

Ebɛɛ 3:7 Iomraidhean Croise

Samuɛli 2, 23:2

hundei Aɔ̃ Lafɛ̃ɛ í ya som ku fɔò ide, nŋui í ya daam ideɛ si gɛlɛ.

Iri ku kɔ̃ 81:11

Amui ǹ jɛ Aɔ̃ Lafɛ̃ɛ nŋɛ, iyi í nya ŋɛ wa hai ilɛi Ezibiti. I cĩ gɛlɛ nŋɛ nɔ n na ŋɛ sɔnda i jɛ ŋa.

Iri ku kɔ̃ 81:13

Na ŋɔi í ce ǹ jɔ̀ ŋa a cica si idɔ nŋa, a ce iyi à lasabu.

Mɔnda ŋa 27:1

Maà maa tɔɔ fufu do mii iyi aa ce ala, domi i kù mà baa mii iyi á ce nnyi.

Woo lasabu 9:10

Nɔ mii iyi ì nɛ ku ce fei, coo do gbugbãɛ, domi icɛ do lasabu ku ce si ngɔgɔ do kumà do bisi kãma kaa wɛɛ bi kuwai iku ŋa tengi bii ì waa bɔ.

Ezai 55:3

I sotĩ i gbɔ nɔ i naa wa bi tom ŋa. I sotĩ i gbɔ idem nɔ i wɛɛ ŋa. An dĩ akabuu do iŋɛ hee do ajɔ fei. An ce nŋɛ jiida ŋa bɛi ǹ tako ǹ cea Davidi kuwãɛu.

Ezai 55:6

I dɛdɛ Aɔ̃ Lafɛ̃ɛ ŋa hai waati iyi nŋu takaɛ á jɔ̀ i yɔɔ ŋa. I kpoo ŋa hai waati iyi í wa amɛɛ.

Matie 17:5

Wa fɔ ideu kù tã mɔm nɔ inya kumá gɔ í naa si ŋa bɛi bukɔɔ. Nɔ à gbɔ ide ku fɔ gɔ hai si inɔɛ í ni, inɛ ihɛ̃i í jɛ amam. Ǹ buu jiida jiida, siɛi inɔ didɔ̃m fei í ya wa. I ya gbɔ ideɛ ŋa.

Matie 22:43

Nɔ Jesu í bee ŋa í ni, bii bɛɛbɛi, bɛirei í ce Davidi wa kpoo Lafɛ̃ɛ waati iyi í fɔ do gbugbãi Hundei Ilaaɔ̃ í ni,

Maaku 12:36

Davidi takaɛ í fɔ do gbugbãi Hundei Ilaaɔ̃ í ni, Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Laabaau jiida iyi Zãa í kɔ 10:16

Nɔ ǹ nɛ angudã gɔ ŋa má iyi a kù wa si arou ihɛ̃. Kù nɛ bɛi an ce iyi n kù naaò ŋa wa. Aa nɔ a gbɔ imum nɔ aŋaò ti tako ŋau fei a jɛ gaa akã, woo degbe mɔ akã.

Laabaau jiida iyi Zãa í kɔ 10:27

Angudãm ŋa à ya gbɔ imum. Ǹ mà ŋa nɔ à ya maa toom.

Laabaau jiida iyi Zãa í kɔ 10:3

Woo degbe arou í ya cĩaai, nɔ angudã ŋau à ya gbɔ imuɛ. Nɔ ku kpe angudãɛ ŋa do iri nŋa akã akã ku fitaò ŋa waduude.

Laabaau jiida iyi Zãa í kɔ 5:25

Ntɔ ntɔ, awaati wa naa nɔ wee í to wa tã, iyi iku ŋa aa gbɔ imui amu Amai Ilaaɔ̃ nɔ si inɔ nŋa inɛ ŋa iyi à gbɔ imum fei aa nɛ kuwɛɛ.

Woo bɛ ŋa 1:16

iŋɛ kpaasim ŋa, Hundei Ilaaɔ̃i í jɔ̀ Davidi í fɔ idei Zudasi wo, nŋu iyi í cuaa inɛ ŋa iyi à mu Jesuu, nɔ ideu kù nɛ bɛi á ce iyi kù ce.

Woo bɛ ŋa 28:25

Si bɛi a kù gbɔsi njɛ, ŋɔi à fita hai bi Pɔlu. Waati iyi à waa bi a nɛ ŋɔi Pɔlu í fɔ ide gɔ í ni, hai tako Hundei Ilaaɔ̃ í nɛ ntɔ waati iyi í jɔ̀ walii Ezai í sɔ̃ bala nŋɛ ŋa ide gɔ.

Woo bɛ ŋa 8:29

Ŋɔi Hundei Ilaaɔ̃ í sɔ̃ Filipu í ni ku bɔ kɔkɔi sarɛtiu.

Ebɛɛ 10:15

Hundei Ilaaɔ̃ mɔ wa jɛ nwa sɛɛdai ideu. Sinte titã í ni,

Ebɛɛ 3:13

Amma si na iyi í jɔ̀ Ilaaɔ̃ í mu nwa ajɔi nnyi, nɔ ala kù jɛ tu wa, í sĩa i ya maa mua njɛ gbugbã ajɔ fei ŋa ku ba inɛ gɔ nŋɛ ku maà jɔ̀ dulum ku dĩ ijuɛ hee ku lele idɔɛ.

Ebɛɛ 3:15

Na ŋɔi í jɔ̀ à ni, bii ì waa gbɔ ide ku fɔi Ilaaɔ̃ nnyi ŋa, i maà lele idɔ nŋɛ bɛi si ajɔ iyi bala nŋɛ ŋa à kɔ̀siɛ.

Ebɛɛ 4:7

Na nŋu, nsɛi Ilaaɔ̃ í jilɛ ajɔ má, nɔ ajɔui nnyi. Ideu í cei bɛi Ilaaɔ̃ í jɔ̀ à na à gbɔɔ hai si gɛlɛi Davidi si anyii adɔ̃ nkpɔ nkpɔ. Ideu í ni, bii ì gbɔ ide ku fɔi Ilaaɔ̃ nnyi ŋa, i maà ti i lele idɔ nŋɛ.

Ebɛɛ 9:8

Bɛɛbɛi Hundei Ilaaɔ̃ wa nyisi wa iyi kpãa iyi wa bɔ inɔ ntɔ iyi í re do kumá iyi í wa leleu a kù cũu titã waati iyi ile sinteu í wɛɛ.

Piɛɛ 2, 1:21

domi idei walii gɔ kù wɛɛ iyi inɛ gɔ í ce do idɔɔbii nŋu takaɛ, amma inɛ ŋa à ya sisi idei Ilaaɔ̃i si bɛi Hundeɛ í nyisi ŋa.

Kuyɛi Zãa 3:20

Wee ǹ wa n leekĩ andɛi ile, nɔ ǹ wa n cã gambo. Inɛ iyi í gbɔ imum nɔ í cĩim, an lɔ bi tɛɛ, nɔ n baa ku jɛ, nɔ awaò ka jɛ ajɔ.