Ebɛɛ 3:6 - Bibeli do fee

⁶ Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Ebɛɛ 3:6 Iomraidhean Croise

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Ezekiɛli 46:10

Amanluu do zamaaɛ ŋa fei aa lɔi ajɔ, nɔ aŋaò ŋa fei aa fita mái ajɔ.

Matie 10:22

Inɛ fei á cé ŋɛi na irim, amma inɛ iyi í temua hee kɔɔ á ba faaba.

Matie 16:18

Amui ǹ wa n sɔ̃ɛ iyi awɔ Piɛɛi, waatɔ kuta. Si antaii kutaui an jilɛ igbɛm, nɔ baa iku takaɛ kaa yɔkɔ ku ganji igbɛu.

Matie 24:13

Amma inɛ iyi í temua hee kɔɔɛ á ba faaba.

Romu 11:22

Debɛi, cɔ jiida ku jɛi Ilaaɔ̃ do kugaabuɛ. Í gaabu si inɛ ŋa iyi à cuku, amma í jɛ inɛ jiida bi tɛɛ. Awɔ de leekĩ dim dim si jiida ku jɛɛ. Bii kù jɛ bɛɛbɛ aa da awɔ takaɛ.

Romu 12:12

I wɛɛò inɔ didɔ̃ ŋa na kpãa ku cɔu. I temua si wahala ŋa. I maà ya gbɛɛji do kutɔɔ ŋa.

Romu 15:13

Nsɛi, Ilaaɔ̃ nŋu iyi wa mu nwa kpãa ku cɔ ku mu nŋɛ inɔ didɔ̃ do laakai ku sũ fei na naanɛ iyi ì dasi ŋa ku ba kpãa ku cɔ nŋɛ ku la si gbugbã iyi Hundei Ilaaɔ̃ í mu nŋɛ.

Romu 5:2

Jesu mɔi í mu nwa kpãa do saabui naanɛ ku dasiu ka sɛkɛɛ si Ilaaɔ̃, nŋu iyi í ce nwa didɔ̃. Na didɔ̃ui à waa leekĩ dim dim nɔ à nɛ inɔ didɔ̃ domi à waa cɔ kpãa iyi aa ka nɛ baa nwa si amboei Ilaaɔ̃.

Kɔrɛnti 1, 3:16

I kù mà ŋa iyi iŋɛi ì jɛ bi kuwai Ilaaɔ̃? I kù mà ŋa iyi Hundeɛ í wa si ŋɛi?

Kɔrɛnti 1, 6:19

Mà i kù mà ŋa iyi ara nŋɛi í jɛ bi kuwai Hundei Ilaaɔ̃ iyi í wa si ŋɛ iyi Ilaaɔ̃ í mu nŋɛ? I kù nɛ ara nŋɛ

Kɔrɛnti 2, 6:16

Bɛirei bi kuwai Ilaaɔ̃ do iwɛ̃ ŋa á ce ku tɔtɔɔ. Awai à jɛ bi kuwai Ilaaɔ̃, nŋu iyi í jɛ icui kuwɛɛ. Nɔ nŋu takaɛ í fɔ í ni, an wɛɛ do aŋa nɔ awaò ŋa ka maa nɛ. An jɛ Lafɛ̃ɛ nŋa nɔ aa jɛ inɛm ŋa.

Galati 6:10

Bɛɛbɛ mɔi waati iyi à ba awɔɛ fei, ka cea inɛ fei jiidaɛ. Nɔ kpaasi woo dasi Jesu naanɛ ŋai à nɛ ka cea ku re.

Galati 6:9

Na nŋu, ka maà gbɛɛji do jiida ku ce, domi bii a kù mɔngɔ aa ka da si awaati iyi í jɔ.

Efɛɛzu 3:12

Naanɛ iyi à dasiɛui í jɔ̀ à nɛ anu akã do nŋu. Na ŋɔi í jɔ̀ à nɛ ara nwa ka bɔ wajui Ilaaɔ̃ do laakai akã.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Tɛsalonika 1, 5:16

I jɔ̀ i ya nɛ inɔ didɔ̃ waati kãma fei ŋa.

Tɛsalonika 2, 2:16

Nɔ Ilaaɔ̃ Baa nwa, nŋu iyi í bi wa, nɔ do saabui didɔ̃ɛ í mu nwa gbugbã iyi kù nɛ kɔɔ do kpãa ku cɔ jiida, nŋu do Lafɛ̃ɛ nwa Jesu Kirisi takaɛ

Timɔtee 1, 3:15

ku ba baa bii í na wa kpɛi, i mà bɛi í jɔ inɛi nyaanzei Ilaaɔ̃ ŋa waatɔ inɛi igbɛɛ ŋa a maa nɛò ara nŋa. Igbɛui í yɛ bɛi sɔbei ntɔu do gbugbãɛ. Ilaaɔ̃i í jɛ icui kuwɛɛ.

Ebɛɛ 1:2

Amma si waatii ankãanyiu ihɛ̃ awa à gbɔ ide ku fɔi Ilaaɔ̃i hai si gɛlɛi Amaɛ takaɛ. Amaui Ilaaɔ̃ í cica ku jɛ woo jɛ tubui mii fei, nŋu iyi aŋaò à taka andunya.

Ebɛɛ 10:19

Na nŋu, iŋɛ inɛm ŋa, aa ka yɔkɔ ka lɔ si inɔ ile iyi í re do kumáu do idɔ ku buba na saabui njɛi Jesu.

Ebɛɛ 10:21

Nɔ à nɛ woo wee nla iyi í jɛ inɛ ngboi kpasɛ̃i Ilaaɔ̃.

Ebɛɛ 10:23

Ka jɔ̀ ka leekĩ dim dim si kpãa ku cɔ iyi à waa jɛ sɛɛdaɛu ihɛ̃, domi Ilaaɔ̃, nŋu iyi í ce kuwã í jɛ ilu naanɛ.

Ebɛɛ 10:35

Na nŋu, i maà fũsi naanɛ iyi ì dasi awɔ ŋa, domi ribaɛ í la.

Ebɛɛ 11:1

Inɛ iyi í dasi Jesu naanɛ í mà kãm kãm mii iyi nŋu wa cɔ kpãaɛu nŋu á baa. Í nɔ í mà mii iyi a kù yɛ do iju í wɛɛi do ntɔ.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Ebɛɛ 4:11

Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,

Ebɛɛ 4:16

Kitãi bommai Ilaaɔ̃i í jɛ tengi bii aa ka ba didɔ̃. Na nŋu, ka sɛkɛɛ si kitãu si kutɔɔ nwa do idɔ ku buba, ku ba Ilaaɔ̃ ku ce araare nwa nɔ ku mu nwa didɔ̃ iyi á sobi wa si waati iyi í jɔ.

Ebɛɛ 6:11

Amma à bi inɛ baa yooma nŋɛ fei ku hanya do iju nkpa ku leekĩ si ideu hee kɔɔɛ ku ba mii iyi ì waa cɔ kpãaɛ ŋau ku ce mam mam.

Ebɛɛ 6:18

Na nŋu, idei kuwã do kugbasi, aŋa minjii à wɛɛ iyi kaa kpaasi, nɔ si ide minji ŋau bɛ Ilaaɔ̃ kaa yɔkɔ ku sɔ ibo. Si ide minji ŋau bɛi Ilaaɔ̃ wa mu nwa gbugbã ntɔ ntɔ, awa iyi à waa leekĩ si kpãa ku cɔ iyi í jilɛ nwa nɔ à ba bi ku manji nwa siɛ.

Piɛɛ 1, 1:8

Ì buu baa do iyi i kù yɔɔ ŋa. Ì dasiɛ naanɛ baa do iyi i kù yɔɔ titã ŋa. Ŋɔi í jɔ̀ ì wɛɛò inɔ didɔ̃ nla nla ŋa iyi í nɛ amboe hee í kpeeò ku fɔ do gɛlɛ.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Piɛɛ 1, 4:17

Waati í to kiitiu ku sinti. Inɛi Ilaaɔ̃ ŋai aa sinti ku kiiti. To, bii í sinti hai bi tu wa, bɛirei iri ku kpaɛ á yɛ bi inɛ ŋa iyi à kɔ̀ ku dasi laabaau jiidai Ilaaɔ̃ naanɛ.

Kuyɛi Zãa 2:18

Kirisi í ni má, kɔa amalekai igbɛi inɛm ŋa iyi í wa Tiatii. Kɔaa i ni, Amai Ilaaɔ̃ iyi ijuɛ í yɛ bɛi amɛi ina, nɔ isɛɛ wa daana bɛi isɔ danya iyi à yɔ si ina à wiɛ í ni,

Kuyɛi Zãa 2:25

Amma naanɛ iyi ì nɛ ŋa, i muu dim dim ŋa hee n koo n toò wa.

Kuyɛi Zãa 2:26

Inɛ iyi wa ce iyi ǹ bi hee í jɛò igũ hee kɔɔ, nŋui an mua gbugbã iyi amu takam ǹ ba hai bi Baam. An muaa gbugbãui si antaii dimi fei ku maa gbã ŋa do goloi isɔ ku cã ŋa ku lɛgɛ ŋa bɛi cakai amà.

Kuyɛi Zãa 3:11

An nyi wa kaa kpɛ. Naanɛ iyi ì nɛ ŋa, i muu dim dim ŋa ku ba inɛ gɔ ku maà na ku gba ribai igũ ku jɛ nŋɛ.