Ebɛɛ 3:5 - Bibeli do fee

⁵ Si icɛ iyi Moizi í cea inɛi Izirɛli ŋa fei, í yɛ bɛi amaacɛ ilu naanɛ si kpasɛ̃i Ilaaɔ̃ ku jɛ nwa sɛɛdai mii iyi á na ku ce.

Ebɛɛ 3:5 Iomraidhean Croise

Neemi 9:14

Ì jɔ̀ Moizi woo ce icɛɛ í na ŋa ajɔi kusĩmi iyi à nya ikã na iriɛ, nɔ ì jɔ̀ í kɔ ŋa si wooda mmu ŋa iyi à gbe.

Iri ku kɔ̃ 105:26

Aɔ̃ Lafɛ̃ɛ í bɛ Moizi woo ce icɛɛu wa do Arɔ̃ɔ iyi í cicau.

Kufita 14:31

Nɔ inɛi Izirɛli ŋa à yɛ yaase bɛi Aɔ̃ Lafɛ̃ɛ í nyaò aŋa hai si awɔi inɛi Ezibiti ŋau do gbugbãɛ. Nŋui í jɔ̀ à waa jirimaɛ nɔ à dasiɛ naanɛ, nŋu do Moizi woo ce icɛɛ.

Kufita 40:16

Ŋɔi Moizi í ce bɛi Aɔ̃ Lafɛ̃ɛ í ni ku ceu fei.

Kuka 12:7

Amma ti Moizi woo ce icɛm, kù jɛ do yaase bɛɛbɛ. Si zamaau fei, nŋui ǹ wa n naanɛ.

Matie 24:45

Í sɔ̃ ŋa má í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Matie 25:21

Ŋɔi lafɛ̃ɛɛ í sɔ̃ɔ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Luku 12:42

Ŋɔi Lafɛ̃ɛ í jɛ í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Luku 24:27

Ŋɔi í sisi nŋa ide iyi à fɔ si kukɔi idei Ilaaɔ̃ fei si gãmɛi nŋu takaɛ. Í sintiɛi hai si tiai Moizi ŋa do ti walii ŋau fei.

Luku 24:44

Ŋɔi í ye ŋa gigi í ni, ide ŋa iyi ǹ sɔ̃ ŋɛu mbɛ si waati iyi ǹ wa inɔ nŋɛ wo. Ǹ tako ǹ sɔ̃ ŋɛ wo ǹ ni mii ŋa iyi à kɔ na irim si tiai woodai Moizi ŋa do si ti walii ŋau do si iri ku kɔ̃i Davidi ŋau kù nɛ bɛi á ce iyi kù ce.

Laabaau jiida iyi Zãa í kɔ 5:39

Iŋɛ ì ya maa cio kukɔi idei Ilaaɔ̃ si na iyi í jɔ̀ ì waa tamaa aa ba siɛ kuwɛɛ hai tã ŋa. Nɔ wee kukɔ ŋau bɛ fei wa jɛa inɛ ŋa sɛɛdam.

Woo bɛ ŋa 28:23

Nɔ à jilɛ ajɔ iyi aa nyi wa bi tɛɛ má. Iyi ajɔu í to inɛ nkpɔi í naa ile bii í wau. Ŋɔi í ce nŋa waazo hai daakɔ hee alɛ í koo í lɛò. Wa sisi nŋa yaasei bommai Ilaaɔ̃ nɔ wa tusɛ nŋa yaasei idei Jesu hai si woodai Moizi do si tiai walii ŋau ku ba a jɛsi.

Woo bɛ ŋa 7:37

Moizi takaɛ í nyi í sɔ̃ inɛi Izirɛli ŋau má í ni, Ilaaɔ̃ á bɛ si ŋɛ walii wa bɛi amu, iyi á jɛ inɛ akã nŋɛ.

Romu 3:21

Amma nsɛi, Ilaaɔ̃ í nyisi wa yaase bɛi nŋu í ya ce amanɛ dee dee, kù jɛ do idei wooda. Woodai Moizi do waliii Ilaaɔ̃ ŋau à jɛ sɛɛdaɛ.

Kɔrɛnti 1, 4:2

Í sĩa inɛ ŋa iyi à nɔ à daa mii ŋau si awɔ a jɛ ilu naanɛ ŋa.

Wooda ku kɔsi 3:24

Aɔ̃ Lafɛ̃ɛm, wee ì sinti ku nyisi amu woo ce icɛɛ kulaɛ do gbugbãɛ. Ntɔ ntɔ iwɛ̃ kãma kù wa lele walakɔ si ilɛ ihɛ̃ iyi á yɔkɔ ku ce icɛ ŋa do mii nla ŋa iyi ì ce.

Wooda ku kɔsi 34:5

Tengi bɛi Moizi woo ce icɛi Aɔ̃ Lafɛ̃ɛu í ku si ilɛi Moabu si bɛi Aɔ̃ Lafɛ̃ɛ í tako í fɔɔ tã wo.

Timɔtee 1, 1:12

Ǹ saabu Jesu Kirisi Lafɛ̃ɛ nwa, nŋu iyi í muum gbugbã ǹ ceò icɛm. Ǹ saabuɛ si na iyi í jɔ̀ í kam ilu naanɛ nɔ í cicam si icɛɛ,

Ebɛɛ 1:1

Tako bala nwa ŋa à gbɔ ide ku fɔi Ilaaɔ̃i hai si gɛlɛi waliiɛ ŋa isɛ fɛɛfɛlo si kpãa ikã ikã.

Ebɛɛ 3:2

Bɛi Moizi í tako í jɛ ilu naanɛ si icɛɛ iyi í cea inɛi Izirɛli ŋa fei, bɛɛbɛ mɔi Jesu takaɛ í nɛ naanɛ si wajui Ilaaɔ̃, nŋu iyi í jilɔɔ si icɛu.

Ebɛɛ 3:4

Ntɔi, ile iyi ì yɛ fei amanɛi í maa, amma Ilaaɔ̃i í jɛ inɛ iyi í ma mii fei.

Ebɛɛ 8:5

Woo wee ŋau à waa sìsì icɛi lele. Icɛ nŋa í jɔ icɛi kuwee iyi woo wee nla nwa í ce leleu. Bɛɛbɛ mɔi, waati iyi Moizi í tã sɔɔlu ku ce ilei acɔu, Ilaaɔ̃ í sɔ̃ɔ í ni, jɔ̀ i coo mam mam ku yɛ bɛi ǹ nyisiɛ si antaii iri kutau.

Ebɛɛ 9:24

À mà sãa sãa iyi Kirisi kù lɔ ile kumá iyi amanɛ ŋa à ce. Kù lɔ ile kumá iyi í jɔ bi kuwa ntɔ ntɔi Ilaaɔ̃u, amma í lɔi hee lele takaɛ nɔ nsɛi wa leekĩ si wajui Ilaaɔ̃ na iri nwa.

Zozue 1:15

hee koo to Aɔ̃ Lafɛ̃ɛ nŋɛ ku mua inɛ nŋɛ ŋau mɔ kusĩmi bɛi í mua iŋɛ mɔ, nɔ aŋa mɔ a gba ilɛ iyi Aɔ̃ Lafɛ̃ɛ í mu nŋa bɛi í mua iŋɛ mɔu. Si anyiɛ nɔ i nyi wa i na i buba si ilɛ iyi Moizi í mu nŋɛ kɔkɔi idoi Zuudɛ̃ɛ do ikpa nunui daakɔu.

Zozue 1:2

Moizi woo ce icɛm nɔu í ku. Bɛbɛi, dede i kua idoi Zuudɛ̃ɛu awɔ do zamaau ihɛ̃ fei nɔ i lɔ si ilɛ iyi an na inɛi Izirɛli ŋau ŋa.

Zozue 1:7

Iyi í gbeɛ nŋui í jɛ i nɛ gbugbã nɔ i nɛ wɔɔkɔ ntɔ ntɔ, nɔ i maa jirima wooda iyi Moizi woo ce icɛm nɔu í sɔ̃ɛu fei. Maà sinda do ikpa awɔ njɛ walakɔ do ikpa awɔ canga ku ba mii iyi ì waa ce fei ku maa bɔ waju.

Zozue 8:31

Í maai do yaase bɛi Moizi woo ce icɛi Aɔ̃ Lafɛ̃ɛ í sɔ̃ inɛi Izirɛli ŋau wo. Ide ŋa iyi Moizi í sɔ̃ ŋau í nyi í kɔɔ má si tiai woodaɛ, í ni, bi kuweeu, do kuta ŋa iyi a kù gbei aa maaò ŋa. Nɔ à cea Aɔ̃ Lafɛ̃ɛ kuwee iyi à ya jo si ina fei sãa sãau do kuweei anu akã.

Zozue 8:33

Inɛi Izirɛli ŋau fei, hai inɛ ngbo nŋa ŋa do woo gbã nŋa ŋa do woo kiiti nŋa ŋau à waa leekĩi cingaa do cingaai kpakoi akabuui Aɔ̃ Lafɛ̃ɛ si wajui inɛi Levii woo wee ŋa iyi à waa so kpakoi akabuuu. Hai inɛ njoo ŋa do inɛi Izirɛli ŋau fei à wa bɛ. Inɛ ŋau à kpɛ̃ njɛi à waa munga. Inɛ gɔ ŋa à wa do ikpa cingaai iri kutai Garizimu, inɛ bubu ŋa mɔ do ikpa cingaai iri kutai Ebali. À cei dee dee bɛi Moizi woo ce icɛi Aɔ̃ Lafɛ̃ɛu í tako í na wooda í ni a ce ku ba Aɔ̃ Lafɛ̃ɛ ku weea inɛi Izirɛli ŋau.

Kuyɛi Zãa 15:3

À waa kɔ̃ irii Moizi woo ce icɛi Ilaaɔ̃u do ti ama angudãu à waa ni, Aɔ̃ Lafɛ̃ɛ ilu gbugbã fei, icɛɛ í la nɔ í jɛ maamaake. Awɔi ì jɛ ilaalui ilɛ fei. Kpãaɛ í jɛ ntɔ nɔ í jɛ dee dee.