Ebɛɛ 3:3 - Bibeli do fee

³ Inɛ iyi í ma ile í nɛ bɛɛrɛ í re ileu takaɛ. Bɛɛbɛ mɔi Jesu í nɛ amboe nla nla iyi í re ti Moizi.

Ebɛɛ 3:3 Iomraidhean Croise

Zakari 4:9

awɔi Zorobabɛlii í nyɔ icui ileu ihɛ̃, nɔ awɔɛ mɔi á na ku kpa iriɛ. Bii nŋu ŋau bɛ í na í to wa, aa mà ŋa iyi Aɔ̃ Lafɛ̃ɛi lele do ilɛi í bɛm wa bi tu ŋɛ.

Matie 16:18

Amui ǹ wa n sɔ̃ɛ iyi awɔ Piɛɛi, waatɔ kuta. Si antaii kutaui an jilɛ igbɛm, nɔ baa iku takaɛ kaa yɔkɔ ku ganji igbɛu.

Kɔrɛnti 1, 3:9

Ntɔ ntɔ awa à waa ce icɛi do Ilaaɔ̃ ajɔ, nɔ iŋɛ ì yɛ ŋai bɛi ikoi Ilaaɔ̃. Iŋɛi ì yɛ má ŋa bɛi ile iyi Ilaaɔ̃ wa ma.

Kɔrɛnti 2, 3:7

Waati iyi à kɔ woodau akã akã si kuta, amboei Ilaaɔ̃ í má inya. Amboeu í jɔ̀ wajui Moizi wa daana hee inɛi Izirɛli ŋa à mɔngɔ ku kãsiɛ iju. Do nŋu fei, amboeu í na í tã. Bii í jɛ wooda iyi í jɔ̀ inɛ ŋa à kui í naa do dimii amboe bɛɛbɛ,

Kolosee 1:18

Igbɛɛ í yɛi bɛi ara, nɔ nŋu mɔi í jɛ iri. Nŋui í jɛ icui kuwɛɛ, nɔ nŋu mɔi í tako í jĩ hai si balɛ, ku ba ku jɛ sinte si mii fei.

Ebɛɛ 2:9

Do nŋu fei Jesu nŋu iyi à kaye wo, nsɛi à waa yɔɔ do amboe do jirima nla nla na wahala iyi í yɛ í kuò. Ntɔi, didɔ̃i Ilaaɔ̃ í tako í jɔ̀ kù to amaleka ŋa si waati keeke gɔ. Ilaaɔ̃ í ce bɛɛbɛi ku ba ku yɛ wahala ku kuò na irii inɛ fei.

Ebɛɛ 3:4

Ntɔi, ile iyi ì yɛ fei amanɛi í maa, amma Ilaaɔ̃i í jɛ inɛ iyi í ma mii fei.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.