Ebɛɛ 3:16 - Bibeli do fee

¹⁶ Yoo ŋai à gbɔ ide ku fɔi Ilaaɔ̃ nɔ à kɔ̀siɛ bii kù jɛ inɛ ŋa iyi Moizi í gbã hai ilɛi Ezibitiu fei.

Ebɛɛ 3:16 Iomraidhean Croise

Iri ku kɔ̃ 78:17

Amma si gbaau à mɔsi do dulum ku ce. À waa ce ide ku kɔ̀ do Ilaaɔ̃ nŋu iyi í wa lelei Aɔ̃u.

Iri ku kɔ̃ 78:40

Tuuba nkpɔ nkpɔi à dedeò ide ku kɔ̀ si Ilaaɔ̃, nɔ tuuba nkpɔ nkpɔi à fɔ́ inɔɛ si gbaau.

Zeremi 32:29

Inɛi Kaladee ŋa iyi aa naa si iluu aa lɔ wai, nɔ aa dasi iluu inai a joo do ile ŋa iyi si antai nŋa à ya cea iwɛ̃ iyi à ya kpe Baaliu kuwee do tuae, nɔ à ya nyi a cea iwɛ̃ mmu gɔ ŋa kuwee do atɛ̃ vɛ̃ɛ má a dedeò idɔɔkɔ̃m.

Zeremi 44:3

na laalɔ iyi à ce à dedeò idɔɔkɔ̃m. Iwɛ̃ ŋai à ya maa tɔɔ nɔ a maa ce nŋa kuweei tuae ku dɔ̃ inunu iyi à ya jo si ina. Iwɛ̃ ŋau bɛ, aŋa taka nŋa a kù mà ŋa hee má jɛ bala nŋa ŋa.

Zeremi 44:8

Nɔ mii iyi ì waa ce ŋaui á dede idɔɔkɔ̃m. Tuae ku dɔ̃ inunu iyi ì waa joa iwɛ̃ ŋa si ilɛi Ezibiti bii ì naa ì buba ŋau bɛi á jɔ̀ a nya ŋɛ hai bi titom i baa i jɛ dɔ̃anyi nɔ i kaa nɛ bɛɛrɛ bi inɛi ilɛ ŋau ihɛ̃ fei ŋa.

Kuka 14:11

Ŋɔi Aɔ̃ Lafɛ̃ɛ í bee Moizi í ni, hee waati yoomai inɛ ŋau ihɛ̃ aa leekĩò ku yaakom. Hee waati yoomai aa dasim naanɛ, baa do maamaake ŋa iyi ǹ ce si anini nŋa ŋau fei.

Kuka 14:2

Inɛi Izirɛli ŋau fei à wasi ku gbagba si Moizi do Arɔ̃ɔ à waa ni, aa, baa bii í jɛ à ku nwa ilɛi Ezibiti, walakɔ si gbaau mɔ wo á daama.

Kuka 14:24

Amma si bɛi Kalɛbu woo ce icɛm nɔu lasabu mmu gɔ í naa siɛ, nɔ í too kpãam dee dee, an jɔ̀ ku lɔ si ilɛ iyi nŋu takaɛ í koo í cɔu. Nɔ tɔkuɛ ŋai aa nɛ ilɛu.

Kuka 14:30

I kaa to si ilɛ iyi ǹ ce nŋɛ kuwã do kugbasi ǹ ni aa koo i buba siu má ŋa, í gbe Kalɛbu amai Yɛfune do Zozue amai Nunu.

Kuka 14:38

Si inɔi inɛ ŋa iyi Moizi í bɛ a koo a cɔ yaasei ilɛu wa, Zozue do Kalɛbu aŋa akãi à gbe si hunde.

Kuka 14:4

Ŋɔi aŋa fei à wasi ku ni, ka so inɛ gɔ ku jɛ inɛ ngbo nwa, nɔ ka nyi ilɛi Ezibiti.

Kuka 26:65

domi Aɔ̃ Lafɛ̃ɛ í ni aŋa fei aa kui si gbaau, í gbe Kalɛbu amai Yɛfune do Zozue amai Nunu.

Wooda ku kɔsi 1:38

Zozue amai Nunu woo ce icɛɛu njɛi á lɔ si. Teese i muaa gbugbã, domi nŋui á lɔò inɛi Izirɛli ŋau si ilɛu ku jɔ̀ ku jɛ tu ŋa.

Zudu 1:5

Nɔ baa bii ì mà fei ndɛɛ sãa sãa ŋa, do nŋu fei, ǹ wa n bi n ye ŋɛ gigi iyi si inɔi inɛi Izirɛli ŋa iyi Aɔ̃ Lafɛ̃ɛ í nya hai ilɛi Ezibiti, inɛ ŋa iyi a kù na a kù waa dasiɛ naanɛ í ce nfe nŋa.