Ebɛɛ 3:12 - Bibeli do fee

¹² Na nŋu, iŋɛ inɛm ŋa, i ce laakai, i maà jɔ̀ inɛ gɔ nŋɛ ku nɛ idɔ laalɔ hai dasi naanɛ, iyi á jɔ̀ ku sinda hai bi Ilaaɔ̃, nŋu iyi í wɛɛ.

Ebɛɛ 3:12 Iomraidhean Croise

Kusintii Andunya 8:21

Ŋɔi Aɔ̃ Lafɛ̃ɛ í gbɔ inunu didɔ̃ nɔ í ni si idɔɛ, n kaa n ceekpe ilɛ na irii amanɛ ŋa má domi lasabui idɔi amanɛ ŋa í jɛ laalɔ hai keeke nŋa. N kaa n kpa irii andunya fei bɛi ǹ ceu bɛ má.

Zɔɔbu 21:14

Aŋai à ya nɔ a maa sɔ̃ Ilaaɔ̃ bɛ wo a maa ni, fa araɛ hai bi tu wa i jɔ̀ wa sɛ̃ɛ. A kù bi ka jɛ kuwɛɛ nwa si bɛi ì biu bɛ.

Zɔɔbu 22:17

À ya maa ni wo, Ilaaɔ̃ ku jɔ̀ wa. Mii Ilaaɔ̃ ilu gbugbã fei á yɔkɔ ku ce nwa.

Iri ku kɔ̃ 18:21

Aɔ̃ Lafɛ̃ɛ í ceem bɛɛbɛi si bɛi dee dee ku jɛm í to. nɔ í sãam ribai dee dee ku jɛm.

Mɔnda ŋa 1:32

Hai mà ŋa iyi à kɔ̀ ku gbɔ idei bisi, aa kui, nɔ nnyɛi ŋa iyi a kù ce njoi ijuukpã, aa nyɔi.

Ezai 59:13

À ce ide ku kɔ̀ bi tɛɛ Aɔ̃ Lafɛ̃ɛ nɔ à zambaɛ. À kɔ̀ ku tooɛ awɔ Aɔ̃ Lafɛ̃ɛ nwa. Ide kulele ŋai à ya ka maa fɔ nɔ à ya ka bɛjɛ mii jiida ŋa. À ya ka ce sɔɔlui ibo ŋa si idɔ nwai nɔ ka maa lasabu si.

Zeremi 11:8

Amma a kù jɛ ku gbɔ, a kù jɛ ku desim itĩ. Aŋa fei idɔ ku lele sãmi nŋai à too si. Na nŋu, ide ŋa iyi à fɔ si akabuuu si gãmɛi inɛ ŋa iyi a kù jirima woodam ŋau fei, ǹ jɔ̀ ide ŋau í ba ŋa.

Zeremi 16:12

Nɔ iŋɛ, ì nyi ì ce laalɔ má ŋa í re bala nŋɛ ŋau. Iŋɛ fei lasabu sãmii idɔ nŋɛ ŋai ì waa too si nɔ i kù waa gbɔ idem ŋa.

Zeremi 17:5

Ide iyi Aɔ̃ Lafɛ̃ɛ í fɔ wee. Í ni, ikpei í jɛ ti inɛ iyi idɔɛ í jĩò amu Aɔ̃ Lafɛ̃ɛ í koo í dasi amanɛ naanɛ, nɔ í so amanɛ ku jɛ gbugbãɛ.

Zeremi 17:9

Nkãma kù wɛɛ iyi í nɛ zamba bɛi idɔi amanɛ, nɔ inɛ kãma kaa yɔkɔ ku jɔ̀ ku ba iri. Nɔ bɛɛbɛ mɔi inɛ kãma kaa yɔkɔ ku mà idɔi amanɛ.

Zeremi 18:12

Amma aa jɛ a ni kpãa ku cɔ gɔ kù wɛɛ má, domi lasabu nŋai aa too si. Aŋa fei idɔ kulele nŋau bɛi aa maa nɛ si.

Zeremi 2:13

Ntɔ ntɔ, hee tuuba minjii zamaam nɔu ihɛ̃ í ce kurara bɛbɛi. À kɔ̀sim, amu iyi ǹ jɛ isɔ̃i inyii kuwɛɛ, nɔ à koo à waa tua ara nŋa lɔgɔ ŋa iyi a kaa yɔkɔ a jilɛ inyi.

Zeremi 3:17

Si waati nŋu bɛ, aa ya kpe ilui Zeruzalɛmui, kitãi bommai Aɔ̃ Lafɛ̃ɛ. Nɔ inɛi ilɛ ŋau fei aa ya tɔtɔɔ wa Zeruzalɛmui do irii Aɔ̃ Lafɛ̃ɛ. Nɔ a kaa ya too si lasabu laalɔ iyi á naa nŋa si idɔ má.

Zeremi 7:24

Nɔ à kɔ̀ ku gbɔ. A kù sotĩ pai. Ikɔ do lasabu laalɔi idɔ nŋa ŋai a too si. Ŋɔi à baa do anyi, a kù wa waju.

Ezekiɛli 14:5

Ide iyi an jɛa inɛi Izirɛli ŋau á fɔtɔtɔi lasabu nŋa aŋa iyi à jĩim na kubii iwɛ̃ nŋa ŋau.

Ozee 1:2

Ide sinte ŋa iyi Aɔ̃ Lafɛ̃ɛ í sɔ̃ Ozee í ni ku sɔ̃ zamaai nŋu ŋau wee. Aɔ̃ Lafɛ̃ɛ í sɔ̃ Ozee í ni, koo so inaabo à ce sakara, nɔ abou ku bíɛ amu ŋa iyi aa jɛ amai abo à ce sakara, domi inɛi Izirɛli ŋau à ya dabii a maa tɔɔ iwɛ̃ ŋai bɛi inaabo à ce sakara í ya maa dabii si inɛmɔkɔ ŋa, nɔ à fũsi Aɔ̃ Lafɛ̃ɛ awɔ.

Matie 16:16

Nɔ Simɔɔ Piɛɛ í jɛaa í ni, awɔ Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.

Matie 24:4

Nɔ Jesu í jɛ nŋa í ni, i ce laakai ŋa inɛ gɔ ku maà na ku dĩ iju nŋɛ,

Maaku 13:23

To, iŋɛ, i maa ce laakai ŋa. Na ŋɔi í ce ǹ wa n sɔ̃ ŋɛ fei ndɛɛ do njuma.

Maaku 13:33

I ce laakai ŋa, nɔ i ya maa cɔ kpãa ŋa, si na iyi í jɔ̀ i kù mà waati iyi ajɔu á to wa ŋa.

Maaku 13:9

Amma iŋɛ taka nŋɛ i ce laakai. Aa na a mu ŋɛ a koo a na woo kiiti ŋa, nɔ a tɛ nŋɛ kpɔtɔɔ ile bi kutɔtɔɔ ŋa. Nɔ aa bɔò ŋɛ bi ilaalu ŋa do bi ilu ilɛ ŋa na irim ku ba i jɛ nŋa sɛɛda ŋa.

Luku 21:8

Ŋɔi Jesu í sɔ̃ ŋa í ni, i ce laakai ŋa i maà jɔ̀ inɛ gɔ ku dĩ iju nŋɛ, domi inɛ ŋa iyi aa na a maa naa akã akã a maa ni aŋai à jɛ inɛ iyi Ilaaɔ̃ í cicau aa kpɔ. Nɔ aa nyi a sɔ̃ ŋɛ má a ni, waatiu í maai wa mbɛ. Amma i maà too ŋa ŋa.

Romu 11:21

domi bii Ilaaɔ̃ kù jɔ̀ amaawɔ sinte ŋau, á na ku jɔ̀ awɔ mɔ?

Kɔrɛnti 1, 10:12

Na nŋu, inɛ iyi í tamaa nŋu wa leekĩ dim dim ku jɔ̀ ku ce laakaii araɛ, ku ba ku maà ti ku cuku.

Kolosee 2:8

Nɔ i ya ce laakai ku ba inɛ gɔ ku maà na ku mu ŋɛ do taaɛ do bisii nŋu takaɛ walakɔ do ide ŋa iyi à ya dĩò ijui amanɛ ŋa. Mii nŋu ŋau bɛ wa naai hai si dedembai amanɛ ŋa do mii ndii andunya ŋa, kù jɛ hai bi Kirisi.

Tɛsalonika 1, 1:9

Inɛ ŋa à waa fɔ bɛi ì mu wa ŋa si waati iyi à naa bi tu ŋɛu, do bɛi ì jɔ̀ iwɛ̃ ku tɔɔ ŋa, ì kpaasi idɔ ì sinda si Ilaaɔ̃ ŋa ku ba i ceaa icɛ ŋa, nŋu akã iyi í jɛ Ilaaɔ̃ do ntɔ nɔ nŋui í jɛ icui kuwɛɛ.

Ebɛɛ 10:31

Ideu í to njo nla nla bii amanɛ í dasi awɔi Ilaaɔ̃, nŋu iyi í wɛɛ.

Ebɛɛ 10:38

Nɔ inɛm iyi í jɛ dee dee, á maa wɛɛ do saabui naanɛ ku dasi. Amma bii í nyi do anyi, inɔm kaa dɔ̃ do nŋu má.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Ebɛɛ 12:22

Amma iŋɛ, iri kutai Siɔ̃ɔi ì sɛkɛɛ si ŋa, bii ilui Ilaaɔ̃ nŋu iyi í wɛɛ í wa. Iluu, nŋui í jɛ Zeruzalɛmui lele, tengi bii amaleka ŋa à ya tɔtɔɔ nkpɔ nkpɔ do inɔ didɔ̃.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Ebɛɛ 3:10

hee adɔ̃ ciiji. Na ŋɔi í jɔ̀ idɔm í kɔ̃ si ŋa. Nɔ ǹ ni, inɛ ŋau idɔ nŋa í ya sindai ajɔ fei hai bi tom. A kù mà kpãam.

Ebɛɛ 3:19

Bɛɛbɛ mɔi, à yɛ iyi a kù yɔkɔ a kù lɔ si bi kusĩmiu si na iyi í jɔ̀ a kù dasi naanɛ.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.