Ebɛɛ 3:10 - Bibeli do fee

¹⁰ hee adɔ̃ ciiji. Na ŋɔi í jɔ̀ idɔm í kɔ̃ si ŋa. Nɔ ǹ ni, inɛ ŋau idɔ nŋa í ya sindai ajɔ fei hai bi tom. A kù mà kpãam.

Ebɛɛ 3:10 Iomraidhean Croise

Kusintii Andunya 6:6

Nɔ inɔɛ í na í fɔ do ankãanyi do iyi nŋu í ceò amanɛ ŋa si ilɛ, í roo jiida jiida si idɔɛ.

Iri ku kɔ̃ 147:20

Kù cea dimi mmu kãma bɛɛbɛ. Dimi mmu kãma kù mà woodaɛ ŋa. I saabu Aɔ̃ Lafɛ̃ɛ ŋa.

Iri ku kɔ̃ 67:2

Ilaaɔ̃ ku ce nwa didɔ̃ nɔ ku wee nwa. Ku cɔ wa do jiida ku jɛ. Kusĩmi.

Iri ku kɔ̃ 78:40

Tuuba nkpɔ nkpɔi à dedeò ide ku kɔ̀ si Ilaaɔ̃, nɔ tuuba nkpɔ nkpɔi à fɔ́ inɔɛ si gbaau.

Iri ku kɔ̃ 78:8

A kaa yɛ bɛi bala nŋa ŋa. Aŋa iyi à yika itĩ nɔ à kɔ̀ ku jirima Ilaaɔ̃, idɔ nŋa kù leekĩ suusuu, nɔ lasabu nŋa kù jɛ dee dee.

Iri ku kɔ̃ 95:10

Adɔ̃ ciijii inɛ ŋau à ce mii iyi kù dɔ̃ɔm si, nɔ ǹ ni, inɛ ŋau, inɛ ŋai iyi lasabu nŋa í yaa, a kù waa too kpãam.

Ezai 28:7

Inɛ ŋa iyi à mɔ atɛ̃ vɛ̃ɛ, à ya maa koosɛi, nɔ atɛ̃ ku nɛ gbugbã ŋa, à ya jɔ̀ inɛ ŋa a nyɔi. Woo wee do walii ŋa à waa koosɛi na atɛ̃ ku nɛ gbugbã ŋau. Atɛ̃ vɛ̃ɛu í la si ŋai ntɔ ntɔ, nɔ atɛ̃ ku nɛ gbugbã ŋaui í jɔ̀ à waa nyɔ. À ya nyɔ mɔm nii si kuyɛ nŋau, nɔ a ci ya leekĩ si ide akã.

Ezai 63:10

Amma à jɛ woo kɔ̀ ide ŋa nɔ à fɔ inɔi hunde kumáɛ. Na ŋɔi í jɔ̀ í sinda í ce araɛ mbɛɛ nŋa nɔ nŋu takaɛ í lɔsi ku ba ŋa ja.

Zeremi 4:22

Aɔ̃ Lafɛ̃ɛ í ni, ntɔ ntɔ zamaam nɔu í sũmui, kù màm. Ama nnyɛi ŋai, a kù nɛ bisi. Bisii laalɔ ku cei à nɛ. Amma a kù mà jiida ku ce.

Ozee 4:12

Zamaam nɔu, jĩi iyi í gbe í jɛ iwɛ̃ɛi í ya maa bee ide. Jĩi nɔui í ya jɛaa. Lasabui iwɛ̃ ŋa ku tɔɔi í naa si ŋa nɔ í jɔ̀ à nyɔ. Nŋui í jɛ bɛi sakara iyi à ya maa ce, nɔ à fɛɛfɛ do amu Aɔ̃ Lafɛ̃ɛ nŋa.

Matie 20:24

Ŋɔi mɔcɔ mɛɛwa iyi à gbe ŋau à gbɔ ideu nɔ idɔ nŋa í kɔ̃ si inɛ minji ŋau.

Maaku 3:5

Ŋɔi Jesu wa cɔ aŋa fei do idɔɔkɔ̃, nɔ inɔɛ í fɔ ntɔ ntɔ domi í yɛ idɔ nŋa í le. Ŋɔi í sɔ̃ inɛɛu í ni, tɛ awɔɛ. Nɔ í tɔɔ nɔ awɔu í baa dee dee.

Laabaau jiida iyi Zãa í kɔ 8:45

Amma si na iyi í jɔ̀ amu ǹ ya n sɔ̃ ŋɛ ntɔ, nŋui í jɔ̀ i kù waa dasim naanɛ ŋa.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.

Romu 3:7

Bii ibom í teese í jɔ̀ inɛ ŋa à waa yɛ ntɔi Ilaaɔ̃, nɔ do yaase bɛɛbɛ Ilaaɔ̃ wa baò amboe, na mii í ce á maa yɛ taalem má bɛi ilu dulum.

Efɛɛzu 4:30

I maà fɔ inɔi Hundei Ilaaɔ̃ ŋa, domi Hundeu bɛi í jɛ sɛɛdai Ilaaɔ̃ si ŋɛ hee koo toò ajɔ iyi Ilaaɔ̃ á yá inɛɛ ŋa mam mam.

Ebɛɛ 3:12

Na nŋu, iŋɛ inɛm ŋa, i ce laakai, i maà jɔ̀ inɛ gɔ nŋɛ ku nɛ idɔ laalɔ hai dasi naanɛ, iyi á jɔ̀ ku sinda hai bi Ilaaɔ̃, nŋu iyi í wɛɛ.

Woo kiiti ŋa 10:16

Ŋɔi à fũsi iwɛ̃ ŋa iyi à waa tɔɔ ŋau fei awɔ, à sinda à waa tɔɔ Aɔ̃ Lafɛ̃ɛ. Nɔ Aɔ̃ Lafɛ̃ɛ kù jɔ̀ a kù kpɛ si wahalau.