Ebɛɛ 3:1 - Bibeli do fee

¹ Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Ebɛɛ 3:1 Iomraidhean Croise

Iri ku kɔ̃ 110:4

Aɔ̃ Lafɛ̃ɛ í fɔɔi do kugbasi, nɔ kaa kpaasi ide iyi í fɔu, iyi í ni, awɔi ì jɛ woo wee do ajɔ fei bɛi Mɛɛkizedɛki.

Ezai 1:3

Kɛtɛ í ya mà lafɛ̃ɛɛ, nɔ gbankɛlɛ mɔ í ya mà lafɛ̃ɛɛ iyi í ya náa sɔnda. Amma inɛi Izirɛli ŋa a kù mà nkãma. Zamaam nɔu kù waa gbɔ yaasei nkãma.

Ezai 41:20

Do yaase bɛɛbɛ, inɛ fei á yɛ iyi Aɔ̃ Lafɛ̃ɛi í ce fei ndɛɛ. Nŋu Inɛ Kumái Izirɛliui í taka ŋa. Nɔ inɛ fei á mà. Inɛ fei á ce laakai nɔ ku gbɔ yaaseɛ.

Ezai 5:12

Si jingau nŋɛ ŋa inɛ ŋa à ya cã mɔɔlɔ ŋa do kundigi ŋa do gãgã ŋa, nɔ à ya fã yee ŋa, nɔ à ya mɔ atɛ̃ ŋa hee ku kpa ŋa. Amma a ci ya mà mii iyi Aɔ̃ Lafɛ̃ɛ wa ce, nɔ a ci ya yɛ mii ŋa iyi wa ce.

Ezekiɛli 12:3

Na nŋu, ce sɔɔlu i fita dasã nkpa hai bii ì wau si wajui aŋa fei i nɛ inya mmu. Á yɔkɔ ku jɛ aa mà iyi aŋa à jɛ woo kɔ̀ ide ŋa.

Ezekiɛli 18:28

Bii í yɛ laalɔ ŋa iyi nŋu wa ce nɔ í jɔ̀ɔ fei, ntɔ ntɔ á wɛɛi kaa ku má.

Azee 1:5

Na ŋɔi í ce nsɛi, amu Aɔ̃ Lafɛ̃ɛi lele do ilɛ ǹ ni i lasabu ŋa do yaasei kuce nŋɛ.

Azee 2:15

Nɔ Aɔ̃ Lafɛ̃ɛ í ni má, na nŋu, i jɔ̀ i ce laakai ŋa si mii iyi á na ku ce nnyi do ala fei. Hee i maa lesi kuta si antaii kuta i maò kpasɛ̃m nɔu ŋa,

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Laabaau jiida iyi Zãa í kɔ 20:21

Ŋɔi Jesu í sɔ̃ ŋa má í ni, laakai ku sũ ku wɛɛ nŋɛ. Si bɛi Baaba í bɛm wa, bɛɛbɛ mɔi amu mɔ ǹ bɛ ŋɛ.

Laabaau jiida iyi Zãa í kɔ 20:27

Nɔ í sɔ̃ Tomaa í ni, cɔ awɔm ŋa nɔ i dasi amaawɔɛ si bɛ. Naaò awɔɛ wa má i luò cingaam. Jɔ̀ sika sikau bɛ, dasi naanɛ.

Woo bɛ ŋa 1:15

Ajɔ nŋu gɔ woo dasi Jesu naanɛ ŋau à tɔtɔɔ má. Kukpɔ nŋa í to zakai amanɛ cifa. Ŋɔi Piɛɛ í dede í leekĩ si anini nŋa í ni,

Romu 11:17

Amma nsɛi à cafe amaawɔ gɔ ŋa hai si jĩi ndii olivi, nɔ iŋɛ iyi ì jɛ amaawɔi jĩi ndii sako, iŋɛi à sãsi agbɛ nŋa. Nsɛi wee iŋɛ mɔ ì waa ba inyi iyi wa naa si amaawɔ ŋau hai si icãu.

Romu 15:27

Do kubii à tɔtɔɔò fiau, amma ntɔ ntɔ gbesei à waa mu si na iyi í jɔ̀ amanii Ilaaɔ̃ iyi Zuifu ŋau à nɛ à kpɔ̃ɔ do dimi mmu ŋa. Bɛɛbɛ mɔi á sĩa dimi mmu ŋau mɔ a sobi ŋa do amanii andunya nŋa.

Romu 15:8

Ǹ wa n sɔ̃ ŋɛi iyi Kirisi nŋui í baa í jɛ woo ce icɛi Zuifu ŋau ku ba ide iyi à wãò bala nŋa ŋau ku kɔ̃, nɔ ku nyisiò iyi Ilaaɔ̃i í jɛ ilu ntɔ.

Romu 9:24

Inɛ ŋau awai. Si inɔ nwa Zuifu ŋa do hai jɛ Zuifu ŋa à wa si. Ilaaɔ̃i í kpe awa fei.

Kɔrɛnti 1, 1:2

à waa ce ŋɛ fɔɔ, iŋɛ inɛi igbɛi Ilaaɔ̃ ŋa iyi ì wa ilui Kɔrɛnti ŋa. À waa ce ŋɛ fɔɔ, iŋɛ iyi Ilaaɔ̃ í kpe ì jɛ tɛɛ ŋa, iŋɛ iyi í cica í jilɛ i maa nɛ anu akã do Jesu Kirisi ŋa. À ce iŋɛ fei fɔɔ hee do inɛ ŋa iyi à wa ilɛ baa yooma fei, inɛ ŋa iyi à waa tɔɔ do irii Lafɛ̃ɛ nwa Jesu Kirisi, nŋu iyi í jɛ Lafɛ̃ɛi awa fei.

Kɔrɛnti 1, 10:17

Si bɛi awa fei pɛ̃ɛ akãui à jɛ, nŋui í jɔ̀ baa do iyi à kpɔ fei à jɛ ara akã, domi awa fei à ba ikpɛ̃ nwa si pɛ̃ɛ akãu.

Kɔrɛnti 1, 9:23

Ǹ wa n ce fei ndɛɛi ku ba kuwee iyi laabaau jiidau í nɛ n ba si ikpɛ̃.

Kɔrɛnti 2, 1:7

À waa naanɛ ŋɛ ntɔ ntɔ domi à mà, si bɛi ì nɛ ikpɛ̃ si ijuukpã nwa ŋa, bɛɛbɛ mɔi Ilaaɔ̃ á tũ idɔ nŋɛ si bɛi wa tũ tu wa.

Kɔrɛnti 2, 9:13

Amuau á dɔ̃a inɛ ŋa si hee ku jɔ̀ a maa saabu Ilaaɔ̃ do yaase bɛi ì waa jirimaɛ ŋa. Ilaaɔ̃ ku jirima nŋɛi wa nyisi iyi ì dasi laabaau jiidai Kirisi naanɛ ŋa. Nɔ aa nyi a saabuɛ má do yaase bɛi ì ce ikpɛ̃i amani nŋɛ do inɔ akã do aŋa hee do inɛ ŋa iyi à gbe fei.

Efɛɛzu 3:6

Asiiu wee. Do saabui laabaau jiidai dimi mmu ŋa do Zuifu ŋau à jɛò woo jɛ tubu ajɔ. Aŋaò ŋa à baa à jɛ ara akã, nɔ aŋa mɔ à nɛ baa nŋa si ide iyi Ilaaɔ̃ í wã nŋu ku ce si Jesu Kirisiu.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Efɛɛzu 4:4

Ara akãi í wɛɛ, Hunde akã mɔi í wɛɛ, nɔ kpãa ku cɔ akã mɔi í wɛɛ si bii Ilaaɔ̃ í kpe ŋɛ.

Filipi 3:14

Bɛɛbɛi ǹ ce ǹ wa n bɔò waju bɛi inɛ iyi wa ce gaasai kusɛi, ku ba n ba riba iyi Ilaaɔ̃ wa kpe wa ka na ka gba lele do saabui Jesu Kirisi.

Kolosee 1:12

I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Kolosee 1:22

do nŋu fei, nsɛi Ilaaɔ̃ í jɔ̀ ì dɔ̃ do nŋu ŋa. Í ce nŋu bɛi si waati iyi í jɔ̀ Amaɛu í so arai amanɛ ku ba ku ku, ku ba i naa i leekĩ si wajuɛ ŋa hai nɛ dulum, riisi do taale gɔ ku maà wa si.

Kolosee 3:12

Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Tɛsalonika 1, 2:12

À mu nŋɛ gbugbã, nɔ à tũ idɔ nŋɛ, nɔ à tɔɔ ŋɛ ntɔ ntɔ i jɔ̀ i maa nɛ ŋa si bɛi á sĩaa Ilaaɔ̃ si, nŋu iyi í kpe ŋɛ si bommaɛ do si amboeɛ.

Tɛsalonika 1, 5:27

Ǹ wa n tɔɔ ŋɛ do irii Lafɛ̃ɛ, i cioa inɛ nwa ŋa fei tiau ihɛ̃.

Tɛsalonika 2, 1:11

Na ŋɔi í ce à waa ce kutɔɔ ajɔ fei na iri nŋɛ. À waa tɔɔ Aɔ̃ Lafɛ̃ɛ nwa ku jɔ̀ i jɛ kuwɛɛ nŋɛ dee dee si bɛi í jɔ inɛ ŋa iyi à gbɔ kukpeɛ a ce. Nɔ à waa tɔɔ má gbugbãɛ ku jɔ̀ i ce jiida iyi ì waa dasi idɔ ŋa nɔ ku jɔ̀ kucei naanɛ ku dasi nŋɛ ku kɔ̃.

Tɛsalonika 2, 2:14

Mii iyi Ilaaɔ̃ wa lele mbɛ waati iyi í kpe ŋɛ si laabaau jiidau iyi à sisi nŋɛ, ku ba i nɛ ikpɛ̃ si amboei Lafɛ̃ɛ nwa Jesu Kirisi ŋa.

Timɔtee 1, 6:12

Jabu jiida si kpãai naanɛ ku dasi. Leekĩ dim dim si kpãai kuwɛɛ hai tã si bii Ilaaɔ̃ í kpeɛ. Na kuwɛɛui ì jɛ sɛɛda jiida si wajui inɛ nkpɔ.

Timɔtee 1, 6:2

Aru ŋa iyi à nɛ lafɛ̃ɛ woo dasi Jesu naanɛ ŋa a maà donda ŋa a ni aŋa à jɛ saa na saabui Lafɛ̃ɛ. Amma si na iyi í jɔ̀ inɛ ŋa iyi à waa jɛ aranfãanii icɛ nŋau à jɛ woo dasi Jesu naanɛ ŋa iyi Ilaaɔ̃ í bi, nŋui í jɔ̀ í sĩa a ce nŋa icɛ ku re. Mii iyi í sĩa i waazo nŋa mbɛ nɔ i kɔ ŋa si cioɛ.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Timɔtee 2, 2:7

Lasabu si ide ŋa iyi ǹ wa n fɔu ihɛ̃, nɔ Lafɛ̃ɛ á sobiɛ i bɛi i gbɔò yaasei fei ndɛɛ.

Ebɛɛ 10:19

Na nŋu, iŋɛ inɛm ŋa, aa ka yɔkɔ ka lɔ si inɔ ile iyi í re do kumáu do idɔ ku buba na saabui njɛi Jesu.

Ebɛɛ 10:21

Nɔ à nɛ woo wee nla iyi í jɛ inɛ ngboi kpasɛ̃i Ilaaɔ̃.

Ebɛɛ 10:23

Ka jɔ̀ ka leekĩ dim dim si kpãa ku cɔ iyi à waa jɛ sɛɛdaɛu ihɛ̃, domi Ilaaɔ̃, nŋu iyi í ce kuwã í jɛ ilu naanɛ.

Ebɛɛ 13:22

Iŋɛ inɛm ŋa, ǹ wa n tɔɔ ŋɛ i jɔ̀ i gbɔ idei gbugbã ku mua iyi ǹ kɔ nŋɛ wa si tiau ihɛ̃ do temua, domi kù sɔ.

Ebɛɛ 2:11

Jesu iyi í wɛ inɛ ŋa hai si dulum du ŋa, nŋu do inɛ ŋa iyi í wɛ ŋau à jɛ amai baa akã. Na nŋu, kù ce anyɔi ku kpe ŋa ifɔɛ ŋa

Ebɛɛ 2:17

Na nŋu, kù nɛ bɛi á ce iyi kù jɔ ifɔɛ ŋa si mii fei ku ba ku na ku jɛ woo wee nla iyi í nɛ araare nɔ ku jɛ ilu naanɛ si icɛi Ilaaɔ̃, nɔ ku sã gbesei dulum dii inɛ ŋa.

Ebɛɛ 3:12

Na nŋu, iŋɛ inɛm ŋa, i ce laakai, i maà jɔ̀ inɛ gɔ nŋɛ ku nɛ idɔ laalɔ hai dasi naanɛ, iyi á jɔ̀ ku sinda hai bi Ilaaɔ̃, nŋu iyi í wɛɛ.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Ebɛɛ 6:20

Tengi bɛi Jesu í cua nwa í lɔ na iri nwa domi í baa í jɛ woo wee nla do ajɔ fei bɛi Mɛɛkizedɛki.

Ebɛɛ 7:26

Na nŋu, Jesu í jɛ woo wee nla iyi à nɛ bukaataɛ. Kuwɛɛi nŋu do ti ilu dulum ŋa kù jɛ dimi akã. Í má, kù ce dulum ajɔ kãma nɔ riisi kãma kù wa siɛ. À soo í nɛ hee lelei Ilaaɔ̃.

Ebɛɛ 7:28

Woo wee nla ŋa iyi à waa ce icɛ bɛi woodai Moizi í jilɛ, a kù kɔ̃. Amma woo wee nla iyi Ilaaɔ̃ í jilɛ do idei kugbasiɛ iyi í fɔ si anyii woodau, nŋui í jɛ Amaɛ iyi í kɔ̃ hee do ajɔ fei.

Ebɛɛ 9:11

Amma waati iyi Kirisi í naa, í jɛ woo wee nla iyi í naaò mii jiidai ala wa nnyi. Nŋui í lɔ ile gɔ iyi í la í re nɔ í sĩa í re. Kù jɛ amanɛ ŋai à coo, waatɔ kù wa si andunya iyi à taka.

Ebɛɛ 9:15

Na ŋɔi í jɔ̀ Kirisi í jɛ woo teese kpãa ku ba Ilaaɔ̃ ku dĩ akabuu titɔ̃ do inɛ ŋa iyi í kpe nɔ inɛ ŋau a jɛ tubu iyi ci ya tã iyi í ce nŋa kuwãɛu. Aa yɔkɔ a jɛ tubuui na iku iyi Kirisi í ku, ku yaò inɛ ŋa hai si kurara nŋa iyi à ce si waatii akabuu nwou.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Piɛɛ 1, 3:5

Inaaboi tako ŋa iyi bɛi í jɛ booda nŋa aŋa iyi à mà bɛɛrɛi Ilaaɔ̃ nɔ à dasiɛ naanɛ nɔ à ya sũa mɔkɔ nŋa ŋa iri ilɛ.

Piɛɛ 1, 5:1

Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Zudu 1:1

Amu Zudu woo ce icɛi Jesu Kirisi, amu iyi ǹ jɛ ifɔi Zaaki, amui ǹ wa n kɔ nŋɛ tiau ihɛ̃ wa, iŋɛ iyi Ilaaɔ̃ Baaba í kpe. Í bi ŋɛ, nɔ wa degbe ŋɛ i jɛ ti Jesu Kirisi ŋa.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.

Kuyɛi Zãa 18:20

Iŋɛ inɛi lele ŋa, i jɔ̀ inɔ nŋɛ ku dɔ̃. Iŋɛ woo dasi naanɛ ŋa mɔ do woo bɛ ŋa do walii ŋa, i jɔ̀ inɔ nŋɛ ku dɔ̃, si na iyi í jɔ̀ Ilaaɔ̃ í kiiti iluu í sã nŋɛ gbese.