Ebɛɛ 2:3 - Bibeli do fee

³ Debɛi, bɛirei aa ka ce ka yɔkɔ ka saa ijuukpã bii à waa cɛiò idei faaba iyi í to bɛɛbɛ. Lafɛ̃ɛ takaɛ í tako í sisi idei faabau, nɔ si anyiɛ inɛ ŋa iyi à gbɔɔ à sɔ̃ wa à ni ideu ntɔi.

Ebɛɛ 2:3 Iomraidhean Croise

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 20:6

Ajɔ nŋu bɛi inɛ ŋa iyi à wa itĩi tenkuu aa fɔ a maa ni, cɔ mii iyi í ba inɛ ŋa iyi à waa kaaba ŋau, aŋa iyi à waa tamaa bɛi aa jɛ kpãa ku cɔ nwa mbɛ do faaba nwa ku ba ka fita hai si awɔi ilaalui Asiriu. Bɛirei aa ka ce ka ba faaba bɛbɛi.

Ezai 51:5

Faaba iyi n wa n naaò wa í maai wa. Ara ku nɛ í to wa. Do awɔ gbugbãm nii an kiiti dimi ŋa. Inɛi gũngũm ŋa aa dasi kpãa ku cɔ nŋa sim nɔ gbugbãm nii aa maa kaaba.

Ezai 51:8

Ntɔ ntɔ inɛ bɛ ŋa, tũtũ ŋa aa jɛ ŋai bɛi à ya jɛ ibɔ ŋa do jĩnɛ ŋa iyi à ya ce do ntoi angudã ŋau. Amma dee dee ku jɛm á maa wɛɛi hee do ajɔ fei, nɔ faabam á maa wai si tɔku tɔku ŋa.

Ezai 62:11

Aɔ̃ Lafɛ̃ɛ í na woodai, nɔ í jɔ̀ inɛ ŋa à gbɔɔ hai kɔɔ ihɛ̃ hee ku bɔ kɔɔ ihɔ̃ si andunya fei. Í fɔi í ni, i sɔ̃ Siɔ̃ɔ ilu kusĩau ŋa i ni, woo faabaɛ wa naa. Wa mu isãɛ do ribai icɛɛ wa naaò wa.

Ezekiɛli 17:15

Amma ilaalu titɔ̃u í dedeò ide ku kɔ̀ si gãmɛi ilaalui Babilɔniu. Ŋɔi í bɛ inɛɛ ŋa ilɛi Ezibiti a koo a dɛ acĩ ŋa do sooge ŋa wa nkpɔ nkpɔ. Inɛ iyi í ce bɛɛbɛu á yɔkɔ ku fita si mbɛ? Aawo. Kaa yɔkɔ, domi í fũ akabuu mbɛ.

Ezekiɛli 17:18

Ilaalui Zudaau kù ceò kugbasiɛu icɛ nɔ kù jirima akabuu. Si bɛi í ce bɛɛbɛ, kaa fita si.

Matie 23:33

Iŋɛ inɛ buu ŋai bɛi njo wukuku. I kù nɛ bɛi aa ce i saa ina iyi ci ya kuu ŋa.

Matie 4:17

Hai waati bɛɛbɛi Jesu í sinti ku waazo, í ni, i kpaasi idɔ nŋɛ si na iyi í jɔ̀ waati í maai wa iyi Ilaaɔ̃ á jɛ bommaɛ.

Maaku 1:14

Si anyiɛ ŋɔi à dasi Zãa piisɔ̃ɔ. Nɔ waati bɛɛbɛ Jesu í bɔ ilɛi Galilee wa waazo laabaau jiida iyi wa naa hai bi Ilaaɔ̃.

Luku 1:69

Nɔ í naa nwa woo faaba ilu gbugbã wa si nyaanzei ilaalu Davidi amaacɛɛu,

Luku 24:19

Ŋɔi í bee ŋa í ni, mii í ce. Ŋɔi à ni, idei Jesu inɛi Nazarɛtiu ni. Mɔkɔu walii ilu gbugbãi si icɛ do si ide ku fɔ si wajui Ilaaɔ̃ do si wajui amanɛ ŋa fei.

Laabaau jiida iyi Zãa í kɔ 15:27

Nɔ iŋɛ mɔ aa jɛa inɛ ŋa sɛɛdam ŋa, si na iyi í jɔ̀ awaɛ ŋai à wɛɛ hai waati iyi ǹ sinti icɛm.

Woo bɛ ŋa 2:22

Iŋɛ inɛi Izirɛli ŋa, i sotĩ i gbɔ ideu ŋa. Ilaaɔ̃ í jɔ̀ ì mà ŋa iyi nŋui í bɛ Jesu inɛi Nazarɛtiu wa na maamaake do nyinda ŋa iyi í jɔ̀ Jesu í ce si anini nŋɛ, si bɛi iŋɛ taka nŋɛ ì mà ŋa.

Woo bɛ ŋa 4:12

Woo faaba gɔ kù wɛɛ má bii kù jɛ nŋu akã, domi Ilaaɔ̃ kù na irii inɛ gɔ má si andunya iyi aa ka kpe ka baò faaba.

Romu 11:14

Si icɛu bɛi ǹ wa n dɛ kpãa n dedeò igui dimim ŋa, ku ba inɛ gɔ nŋa ŋa a ba faaba.

Romu 2:3

Debɛi, ì waa tamaa mà awɔ aa fita si kiitii Ilaaɔ̃i, awɔ iyi ì waa yɛ taalei inɛ ŋa, nɔ awɔ mɔ ì waa ce dimi bɛɛbɛ má?

Kɔrɛnti 1, 1:21

Ntɔ ntɔ, inɛi andunya ŋa a kù yɔkɔ a kù mà Ilaaɔ̃ do bisii aŋa taka nŋa. Ilaaɔ̃ takaɛi í coo bɛɛbɛ. Amma si bisiɛ mii iyi í sĩaa wee. Inɛ ŋa iyi à dasiɛ naanɛ à ba faaba na idei waazo iyi inɛ gɔ ŋa à waa cɔ bɛi idei sũmu.

Tɛsalonika 1, 5:3

Waati iyi inɛ ŋa à waa ni laakai ku sũ í wɛɛ, zigiida kù wɛɛ má, bɛ gbakã iri ku kpai andunya á boe ŋa bɛi ara kuro í ya ba bãasĩ. A kaa ba bii aa sa a bɔ má.

Timɔtee 1, 1:15

Ide ilu naanɛi iyi í jɔ̀ i yɔ awɔ i gba ŋa mam mam. Ideu wee. Jesu Kirisi í naai si andunya ku faaba ilu dulum ŋa. Amui ǹ re ŋa do dulum,

Titee 2:11

Ǹ ni i ce bɛɛbɛi domi Ilaaɔ̃ í jɔ̀ didɔ̃ɛ í naa si andunya. Didɔ̃u á yɔkɔ ku mua inɛ fei faaba.

Ebɛɛ 1:1

Tako bala nwa ŋa à gbɔ ide ku fɔi Ilaaɔ̃i hai si gɛlɛi waliiɛ ŋa isɛ fɛɛfɛlo si kpãa ikã ikã.

Ebɛɛ 1:14

Debɛi, mii amaleka ŋa à jɛ. Aŋa fei à jɛ hunde ŋa iyi à waa cea Ilaaɔ̃ icɛ. Aŋai í ya bɛ a koo a sobi inɛ ŋa iyi aa ba faaba.

Ebɛɛ 1:2

Amma si waatii ankãanyiu ihɛ̃ awa à gbɔ ide ku fɔi Ilaaɔ̃i hai si gɛlɛi Amaɛ takaɛ. Amaui Ilaaɔ̃ í cica ku jɛ woo jɛ tubui mii fei, nŋu iyi aŋaò à taka andunya.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Ebɛɛ 4:1

Kuwãi Ilaaɔ̃ iyi í ni aa ka lɔ si bi kusĩmiu í wɛɛ baa nnyi. Na nŋu, i ce laakai ku ba inɛ gɔ nŋɛ ŋa a maà na a to wa do ankãanyi nɔ a ba wee aŋa a kaa ba a lɔ bi kusĩmiu.

Ebɛɛ 4:11

Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Ebɛɛ 5:9

Iyi í kɔ̃ í tã nɔ í baa í jɛa inɛ ŋa iyi à waa jirimaɛ fei icui faaba iyi ci ya tã,

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Zãa 1, 1:1

À waa kɔ nŋɛ si idei Jesu, nŋu iyi í wɛɛ hai sintei mii fei. Nŋui í jɛ Ideu, nɔ í jɛ icui kuwɛɛ má. À gbɔ ideɛ, nɔ à yɔɔ do iju nwa, à cɔɔ do laakai, nɔ awɔ nwa í luu.

Zudu 1:17

Amma iŋɛ baakɔɔm ŋa, í sĩa i ye gigii ide iyi woo bɛi Lafɛ̃ɛ nwa Jesu Kirisi ŋau à tako à fɔ wo.

Kuyɛi Zãa 7:10

À dɔ̃ anu à waa ni, faaba nwa wa naai hai bi Ilaaɔ̃ Lafɛ̃ɛ nwa iyi wa buba si kitãi bommau do hai bi ama angudãu.