Ebɛɛ 2:2 - Bibeli do fee

² domi baa ide iyi amaleka ŋa à naaò wa í nɛ gbugbã hee inɛ iyi kù saaluɛ walakɔ kù jirimaɛ fei í ba ijuukpã iyi í jɔ.

Ebɛɛ 2:2 Iomraidhean Croise

Iri ku kɔ̃ 68:17

Awɔ iri kuta iyi ì nɛ afe nkpɔ nkpɔ iyi í gboka, na mii í jɔ̀ ì waa ce igu do iri kuta bii Ilaaɔ̃ í bi nŋu ku wau. Ntɔ ntɔ, bɛi Aɔ̃ Lafɛ̃ɛ í ce bi kuwaɛ hee do ajɔ fei.

Kuka 11:33

Amma hai inɛ ŋau à sinte iŋau ku ŋɔ gbakã, idɔɔkɔ̃i Aɔ̃ Lafɛ̃ɛ í dede nɔ í jɔ̀ ijuukpã nla nla í naa si ŋa.

Kuka 21:6

Ŋɔi Aɔ̃ Lafɛ̃ɛ í jɔ̀ njo ku nɛ acĩ ŋau à naa si inɛ ŋau. Njo ŋau à ya maa ŋɔ inɛi Izirɛli ŋaui, nɔ inɛ nkpɔ nkpɔ í ku si inɔ nŋa.

Kuka 25:9

Amanɛ dubu kɔnfia do mɛɛi (24.000) í ku si ijuukpãu waati bɛɛbɛ.

Woo bɛ ŋa 7:53

Iŋɛ iyi do saabui amaleka ŋau, Ilaaɔ̃ í na ŋɛ woodaɛ, i kù too si woodau ŋa.

Galati 3:19

Debɛi, na mii í ce Ilaaɔ̃ í na wooda. Í naai ku ba kookoosu iyi kù jɛ tɛɛ ku fita gbugbãa. Nɔ woodau wa ce icɛɛi hee dimii Aburahamuu koo tóo wa. Dimiɛui à cea kuwãɛu. Woodau amaleka ŋai Ilaaɔ̃ í jɔ̀ à na Moizi, nŋu iyi í wa si gãmɛi Ilaaɔ̃ do amanɛ ŋa, nɔ nŋu mɔ ku sɔ̃ inɛ ŋau.

Wooda ku kɔsi 17:12

Bii í jɛ ilu faau gɔ í kɔ̀ ku ceò idei woo weei ile kumái Aɔ̃ Lafɛ̃ɛu icɛ, walakɔ bii í kɔ̀ ku saalu idei woo kiitiu, aa kpa lafɛ̃ɛi. Do yaase bɛɛbɛi aa nyaò laalɔ ku ce hai si inɛi Izirɛli ŋa.

Wooda ku kɔsi 17:2

Á yɔkɔ ku jɛ ajɔ gɔ si akãi ilu ŋa iyi Aɔ̃ Lafɛ̃ɛ í mu nŋɛu, inɛmɔkɔ walakɔ inaabo gɔ í cea Aɔ̃ Lafɛ̃ɛ mii iyi kù dɔ̃aa si nɔ í bɛjɛ akabuu iyi í wa si gãmɛi aŋaò,

Wooda ku kɔsi 17:5

aa gbã inɛ laalɔu ŋai, bii inɛmɔkɔi walakɔ bii inaabo mɔi, i bɔòɛ anu koofai iluu nɔ i taa kuta i kpaa ŋa.

Wooda ku kɔsi 27:26

Ikpei á jɛ ti inɛ iyi kù jirima idei woodai Aɔ̃ Lafɛ̃ɛ ŋau ihɛ̃ nɔ kù ceò ŋa icɛ. Nɔ zamaau fei á jɛi ku ni, ami.

Wooda ku kɔsi 32:2

Ikɔm ŋau à waa cãi bɛi inyi í ya maa cã si amaajɛ ŋa. Ikɔm ŋau à fangaai bii fei bɛi ikpã si fɔfɔ ŋa.

Ebɛɛ 1:1

Tako bala nwa ŋa à gbɔ ide ku fɔi Ilaaɔ̃i hai si gɛlɛi waliiɛ ŋa isɛ fɛɛfɛlo si kpãa ikã ikã.

Ebɛɛ 10:28

Inɛ baa yooma iyi í kua woodai Moizi fei, bii amanɛ minji mɛɛta í jɛ sɛɛdaɛ à ya kpaai, a ci ya ce araareɛ.

Ebɛɛ 10:35

Na nŋu, i maà fũsi naanɛ iyi ì dasi awɔ ŋa, domi ribaɛ í la.

Ebɛɛ 11:26

Í gbasi a yaako nŋu bɛi aa na a yaako Kirisi. Wa lasabu iyi dimii yaako bɛɛbɛ ku yɛ í nɛ bɛɛrɛ í re amanii Ezibiti, domi amanii alai wa lele.

Ebɛɛ 11:6

Nɔ wee inɛ gɔ kù wɛɛ iyi kuceɛ á dɔ̃a Ilaaɔ̃ si bii kù jɛ do naanɛ ku dasi. Ntɔi, inɛ iyi wa sɛkɛɛ si Ilaaɔ̃ í nɛ ku dasi naanɛ iyi Ilaaɔ̃ í wɛɛ nɔ inɛ ŋa iyi à waa dɛdɛɛ í ya sã nŋa ribaɛ.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Piɛɛ 2, 1:19

Bɛɛbɛ mɔi naanɛ nwa í kɔ̃ɔsi si idei walii ŋau. I jɔ̀ i de siɛ itĩ ŋa, domi í yɛi bɛi fitila iyi wa má inya si ilu kuku hee iju koo máò nɔ Jesu, nŋu iyi í yɛ bɛi leleaɔ̃i daakɔ, ku má inya si idɔ nŋɛ.

Zudu 1:5

Nɔ baa bii ì mà fei ndɛɛ sãa sãa ŋa, do nŋu fei, ǹ wa n bi n ye ŋɛ gigi iyi si inɔi inɛi Izirɛli ŋa iyi Aɔ̃ Lafɛ̃ɛ í nya hai ilɛi Ezibiti, inɛ ŋa iyi a kù na a kù waa dasiɛ naanɛ í ce nfe nŋa.