Ebɛɛ 2:11 - Bibeli do fee

¹¹ Jesu iyi í wɛ inɛ ŋa hai si dulum du ŋa, nŋu do inɛ ŋa iyi í wɛ ŋau à jɛ amai baa akã. Na nŋu, kù ce anyɔi ku kpe ŋa ifɔɛ ŋa

Ebɛɛ 2:11 Iomraidhean Croise

Matie 25:40

Amu ilaaluu an jɛ nŋa n ni, ntɔ ntɔ, bii ì cea inɛ akãi inɛm ŋa iyi à kere à re ŋau ihɛ̃ bɛɛbɛ ŋa, amui ì cea ŋa.

Matie 28:10

Nɔ Jesu í sɔ̃ ŋa í ni, i maà jɔ̀ njo ku mu ŋɛ. I koo i sɔ̃ kpaasim ŋa a bɔ Galilee, bɛi aa yɛm.

Maaku 3:34

Nɔ í cɔ inɛ ŋa iyi à buba à kaakoɛu nɔ í ni, inɛ ihɛ̃ ŋai à jɛ iyem do ifɔm ŋa.

Maaku 8:38

Nɔ Jesu í ni má, inɛi nsɛi ŋa ilu dulum ŋai iyi a kù leekĩò Ilaaɔ̃ nŋu akã. Na nŋu, inɛ iyi wa ce anyɔi amu Amai Amanɛ, walakɔ wa ce anyɔi idem si waju nŋa, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa an nyi wai do amboei Baam do ti amaleka ŋa ajɔ.

Luku 9:26

Nɔ í ni má, inɛ iyi wa ce anyɔi amu Amai Amanɛ, walakɔ wa ce anyɔi idem, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa, an nyi wai do amboem do ti Baam do ti amaleka ŋa ajɔ.

Laabaau jiida iyi Zãa í kɔ 17:19

Na iri nŋai ǹ so aram ǹ naɛ ku ba aŋa mɔ a jɛ titɛɛ mam mam.

Laabaau jiida iyi Zãa í kɔ 17:21

Ǹ wa n tɔɔɛi aŋa fei a jɛ akã. Si bɛi awɔ Baaba ì wa sim, nɔ amu mɔ ǹ wa siɛ, jɔ̀ a jɛ akã si wa ku ba inɛi andunya ŋa a dasi naanɛ iyi awɔi ì bɛm wa.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Woo bɛ ŋa 17:26

Hai si inɛ akã iyi í tako í takaui dimi iyi wa tɛ si andunyau ihɛ̃ fei í fita. Hai takoi í jilɛ waati nŋa do tengi bii aa maa wa.

Woo bɛ ŋa 17:28

domi na iriɛi à nɛ kuwɛɛ, nɔ nŋui í jɔ̀ ara nwa wa nɛ. Woo kɔ tia nŋɛ gɔ ŋa à ni, awa mɔ amaɛ ŋai.

Romu 8:29

Ntɔ ntɔ, inɛ ŋa iyi Ilaaɔ̃ í cica hai tako, aŋai í jilɛ ku ba a jɔ Amaɛ. Si bɛɛbɛ Amaɛui á jɛ yemmai ifɔ nkpɔ nkpɔ.

Galati 4:4

Amma iyi waati iyi Ilaaɔ̃ í jilɛu í na í to, ŋɔi í bɛ Amaɛ wa. Inaaboi í búu, nɔ si woodai Zuifu ŋai wa nɛ

Ebɛɛ 10:10

Si bɛi Jesu Kirisi í ce idɔɔbii Ilaaɔ̃, na ŋɔi í jɔ̀ aa ka yɔkɔ ka má hai si dulum du wa ŋa na saabui kuweei araɛ iyi í ce gbakã akã hee do ajɔ fei.

Ebɛɛ 10:14

Á yɔkɔ ku maa bubaɛ si na iyi í jɔ̀ kuwee akãui í jɔ̀ inɛ ŋa iyi Ilaaɔ̃ í ce inɛɛ ŋa à má mam mam hee do ajɔ fei.

Ebɛɛ 11:16

Amma nsɛi à waa dɛ ide iyi í sĩa í re, waatɔ ide iyi í wa lele. Na ŋɔi í ce anyɔ kù waa mu Ilaaɔ̃ a kpoo Lafɛ̃ɛ nŋa domi í ce nŋa sɔɔlui ilu gɔ.

Ebɛɛ 13:12

Na ŋɔi í jɔ̀ Jesu mɔ, waati iyi í bi ku jɔ̀ inɛ ŋa a má do njɛi nŋu takaɛ, Ilaaɔ̃ í jɔ̀ à kpaa angule.

Ebɛɛ 2:14

Si bɛi amu ŋau à nɛ ara do njɛ, Jesu takaɛ í na í so ara bɛi aŋa mɔ. Í ce bɛɛbɛi ku ba na saabui ikuɛ ku kpa gbugbãi Seetam, nŋu iyi í nɛ gbugbãi iku wo,

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.