Ebɛɛ 2:10 - Bibeli do fee

¹⁰ Do ntɔ, Ilaaɔ̃, nŋu iyi í taka mii fei nɔ wa mu fei ndɛɛ, í yɔɔ iyi í sĩa Jesu ku yɛ ijuukpã ku ba ku jɛ amanɛ iyi í kɔ̃ nɔ ku gbã amanɛ nkpɔ nkpɔ ku naaò ŋa wa si amboeɛ, domi Jesui í jɛ icui faaba nŋa.

Ebɛɛ 2:10 Iomraidhean Croise

Kusintii Andunya 18:25

Kù sĩa i kpa inɛ jiida ŋa do inɛ laalɔ ŋa fei ajɔ, aŋa fei a ba riba dimi akã. Aawo. Kù sĩa i ce bɛɛbɛ. Awɔ iyi ì waa kiiti inɛi ilɛu ihɛ̃ fei, kù sĩa i ce iyi í jɛ dee dee?

Mɔnda ŋa 16:4

Mii iyi Aɔ̃ Lafɛ̃ɛ í ce fei í nɛ mii iyi wa lelei. Nɔ í ce baa inɛ laalɔi na ajɔi wahala.

Ezai 43:21

Zamaa iyi ǹ takau á kɔ̃ irii ku maa saabum.

Ezai 55:4

Nŋui ǹ jɔ̀ í jɛ sɛɛdam bi inɛ ŋa, nɔ nŋui í jɛ ilaalu iyi wa gbã zamaau wo.

Ozee 8:10

Baa do iyi à cea inɛi ilɛ mmu ŋau amua ŋa, an tɔtɔɔ ŋai, nɔ kaa kpɛ mɔm aa ba ijuukpã na aso iyi ilaalu do amai ilaalu ŋau aa kãa nŋa.

Misee 2:13

Misee í ni, inɛ iyi í cĩ kpãau, nŋui wa cua nŋɛ do waju, nŋui á cĩ nŋɛ koofau nɔ i fita ŋa, Aɔ̃ Lafɛ̃ɛ nŋɛ iyi í jɛ ilaalu nŋɛu nŋui á maa gbã ŋɛ.

Luku 13:32

Ŋɔi í jɛ nŋa í ni, i koo i sɔ̃ Herodu, ilu bisi laalɔu bɛ i ni, wee nnyi do ala ǹ wa n lele inɛi inɔɔko ŋa nɔ ǹ jɔ̀ inɛ ŋa à waa ba iri, nɔ si ajɔ mɛɛtasia an koo n tambɔ icɛm.

Luku 2:14

Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Luku 24:26

Kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã, inɛ ŋa a bɛi a yɛ amboeɛ.

Luku 24:46

Nɔ í sɔ̃ ŋa í ni, bɛɛbɛi à kɔɔ à ni amu iyi Ilaaɔ̃ í cica an yɛ ijuukpã. Aa kpam, amma an jĩ hai si balɛ si ajɔ mɛɛtasia.

Laabaau jiida iyi Zãa í kɔ 11:52

Kù nɔ kù jɛ si agbɛi aŋa akãi á ku, amma á kui ku ba kú jɔ̀ amai Ilaaɔ̃ ŋa iyi à wa bii fei a jɛ akã.

Laabaau jiida iyi Zãa í kɔ 19:30

Iyi Jesu í tiɛ atɛ̃ kukãu ŋɔi í ni, ǹ kpa irii icɛm nii mbɛ. Nɔ í kɔmba iriɛ í ku.

Woo bɛ ŋa 3:15

Si bɛɛbɛ ì kpa inɛ iyi í jɛ irii kuwɛɛu ŋa. Amma Ilaaɔ̃ í jũu hai si balɛ, nɔ awa à yɔɔ.

Woo bɛ ŋa 5:31

Ŋɔi Ilaaɔ̃ í soo lele í jilɔɔ awɔ njɛɛ ku jɛ ilaalu do Woo faaba nɔ ku muaò inɛi Izirɛli ŋa kpãa a kpaasi idɔ ku ba ku kpa dulum du ŋa.

Romu 11:36

Ilaaɔ̃i í jɛ irii mii fei, hai bi tɛɛi fei ndɛɛ wa naa. Nɔ mii fei í wɛɛi na iriɛ. Amboe ku jɛ tɛɛ hai nsɛi hee do ajɔ fei. Ami.

Romu 9:23

Inɛ gɔ ŋa mɔ í bi ku nyisi ŋa bɛi amboeɛ í la í to. Aŋai í ce araare nŋa nɔ í ce sɔɔlu nŋa hai ku kpɛ a nɛ ikpɛ̃ si amboeɛ.

Kɔrɛnti 1, 2:7

Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.

Kɔrɛnti 1, 8:6

bi tu wa Ilaaɔ̃ akãi í wɛɛ. Nŋui í jɛ Baaba nɔ nŋui í taka mii fei. Na iriɛi awa à nɔ à wɛɛ. Lafɛ̃ɛ akã mɔi í nɔ í wɛɛ. Nŋui í jɛ Jesu Kirisi, nɔ mii fei í wɛɛi na iriɛ. Do saabuɛi à nɛò kuwɛɛ.

Kɔrɛnti 2, 3:18

Fuugɛsɛu kù wa si waju nwa má nɔ à ya ka maa yɛ amboei Lafɛ̃ɛi bɛi si digi, nɔ amboeɛ iyi à waa cɔu, nŋui wa kpaasi wa ku ba ka jɔɔ, nɔ í ya maa kɔ̃ɔsii waati kãma fei si wa. Icɛu bɛ, Hundei Lafɛ̃ɛi wa coo.

Kɔrɛnti 2, 4:17

Ijuukpã keeke iyi à waa yɛ si nsɛiu ihɛ̃ wa ce nwa sɔɔlui amboe iyi ci ya tãi iyi í la í re ijuukpãu.

Kɔrɛnti 2, 5:18

Mii ŋau ihɛ̃ fei icɛi Ilaaɔ̃i, nŋu iyi í jɔ̀ à dɔ̃ do nŋu na saabui Kirisi, nɔ í bɛ wa ku ba awa mɔ ka jɔ̀ inɛ ŋa a dɔ̃ do nŋu.

Kɔrɛnti 2, 6:18

An jɛ baa nŋɛ, nɔ iŋɛ mɔ aa jɛ ama inɛmɔkɔ do ama inaabom ŋa. Mii iyi Ilaaɔ̃ ilu gbugbã fei í fɔ mbɛ.

Galati 3:26

Do yaase bɛɛbɛi iŋɛ fei ì jɛ amai Ilaaɔ̃ ŋa na naanɛ iyi ì dasi Jesu Kirisi ŋa.

Efɛɛzu 2:7

Í ce bɛɛbɛi ku ba ku nyisi didɔ̃ nla hai nɛ kɔɔɛ si jiida ku jɛɛ iyi í ce nwa do saabui Jesu Kirisi hee do ajɔ fei.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Kolosee 3:4

Kirisii í jɛ kuwɛɛ nŋɛ do ntɔ, nɔ ajɔ iyi á faata wa, do iŋɛi ajɔ, nɔ aa ba ikpɛ̃ nŋɛ si amboeɛ.

Timɔtee 2, 2:10

Ŋɔi í jɔ̀ ǹ wa n temuaò fei ndɛɛ na irii inɛ ŋa iyi Ilaaɔ̃ í cicau, ku ba aŋa mɔ a ba faaba do saabui Jesu Kirisi, nɔ a nɛ ikpɛ̃ si amboeɛ iyi ci ya tã.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 6:20

Tengi bɛi Jesu í cua nwa í lɔ na iri nwa domi í baa í jɛ woo wee nla do ajɔ fei bɛi Mɛɛkizedɛki.

Ebɛɛ 7:26

Na nŋu, Jesu í jɛ woo wee nla iyi à nɛ bukaataɛ. Kuwɛɛi nŋu do ti ilu dulum ŋa kù jɛ dimi akã. Í má, kù ce dulum ajɔ kãma nɔ riisi kãma kù wa siɛ. À soo í nɛ hee lelei Ilaaɔ̃.

Ebɛɛ 7:28

Woo wee nla ŋa iyi à waa ce icɛ bɛi woodai Moizi í jilɛ, a kù kɔ̃. Amma woo wee nla iyi Ilaaɔ̃ í jilɛ do idei kugbasiɛ iyi í fɔ si anyii woodau, nŋui í jɛ Amaɛ iyi í kɔ̃ hee do ajɔ fei.

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Piɛɛ 1, 5:1

Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Kuyɛi Zãa 4:11

awɔ Ilaaɔ̃ Lafɛ̃ɛ nwa, awɔi ì to i nɛ amboe do bɛɛrɛ do gbugbã, domi awɔi ì taka mii fei. Si idɔɔbiɛi ì taka ŋa nɔ à wɛɛ.

Kuyɛi Zãa 7:9

Si anyii nŋu, nɔ ǹ cɔ ilu má nɔ ǹ yɛ zamaa nla nla iyi inɛ gɔ kaa yɔkɔ ku ka. À fita wa hai ilɛ fei do si dimi fei do si fee ikã ikã fei. Aŋa fei à waa leekĩ si wajui kitãu do ama angudãu, à waa dasi jĩnɛ fũfũ nɔ à waa mu wuai kpakpa si awɔ nŋa.