Ebɛɛ 13:9 - Bibeli do fee

⁹ I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Ebɛɛ 13:9 Iomraidhean Croise

Iri ku kɔ̃ 112:8

Idɔɛ ci ya dede, nɔ zigiɛ ci ya da. Nɔ í ya yɔɔ iyi nŋu á kãmia mbɛɛi nŋu ŋai.

Matie 24:24

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Matie 24:4

Nɔ Jesu í jɛ nŋa í ni, i ce laakai ŋa inɛ gɔ ku maà na ku dĩ iju nŋɛ,

Luku 5:38

Amma à ya dasi vɛ̃ɛ titɔ̃i si bɔgɔ titɔ̃ ŋa.

Woo bɛ ŋa 20:30

Nɔ baa hai si inɔ nŋɛ inɛ gɔ ŋa aa kpaasi ntɔu ku ba ku jɛ ibo nɔ aa wa inyii itĩi woo dasi Jesu naanɛ ŋau a jɛò mɔcɔ nŋa.

Woo bɛ ŋa 20:32

Nsɛi ǹ so ŋɛ ǹ wa n daa Ilaaɔ̃ si awɔ nɔ ǹ wa n da nŋɛ idei didɔ̃ɛ si awɔ. Nŋui á yɔkɔ ku mu nŋɛ gbugbã nɔ ku mu nŋɛ tubu iyi í jilɛa inɛ ŋa iyi í cica a jɛ tɛɛ fei.

Romu 14:17

Bommai Ilaaɔ̃ kù jɛ idei kujɛ do kumɔ, bii kù jɛ dee dee ku jɛ do laakai ku sũ do inɔ didɔ̃ iyi Hundei Ilaaɔ̃ wa mu nwa.

Romu 14:2

Inɛ ihɛ̃ wa tamaa si iyi nŋu á yɔkɔ ku jɛ ijɛ fei. Inɛ ihɔ̃ mɔ iyi kù nɛ gbugbã si naanɛ ku dasiɛu, ci ya ŋɔ iŋa.

Romu 14:6

Inɛ iyi wa tamaa ajɔ gɔ ŋa à re njɛ do bɛɛrɛ, wa cooi na Lafɛ̃ɛ. Inɛ iyi wa jɛ ijɛ iyi í ba fei, na irii Lafɛ̃ɛi wa jɔɔ, domi í ya saabu Ilaaɔ̃i titã na ijɛu. Inɛ mɔ iyi kù waa jɛ mii fei, na irii Lafɛ̃ɛi kù waa jɛ, í nɔ wa saabuɛ.

Kɔrɛnti 1, 6:13

Ì ya nyi i ni ŋa, ijɛ í wɛɛi na inɔ, nɔ inɔ mɔ í wɛɛi na ijɛ. Ntɔi, amma do nŋu fei Ilaaɔ̃ á na ku kpa irii mii minji ŋau bɛ fei. Amma i ce laakai ŋa, ara kù wɛɛ na abo kaafe ŋa ku sũò. Í wɛɛi na Lafɛ̃ɛ nɔ Lafɛ̃ɛ mɔ í wɛɛi na iriɛ.

Kɔrɛnti 1, 8:8

Kù jɛ ijɛi á bɔò wa bi Ilaaɔ̃. Bii à jɛ, kaa kɔ̃ɔ nwa si ngɔgɔ, bii a kù nɔ a kù jɛ, kaa jɔ̀ ka kua ngɔgɔ.

Kɔrɛnti 2, 1:21

Ilaaɔ̃i í jɔ̀ awaɛ ŋa fei à leekĩ si Kirisi dim dim ajɔ. Nŋui í nɔ í cica wa ikã.

Galati 6:1

Iŋɛ inɛm ŋa, iŋɛ iyi Hundei Ilaaɔ̃ wa nɛò ŋɛ, bii ì mu inɛ gɔ si kurara, i nyisi lafɛ̃ɛ kpãa jiida do daa didɔ̃ ŋa. Nɔ i ce laakai ŋa ku ba iŋɛ mɔ i maà na i dasi kurara bɛɛbɛ.

Efɛɛzu 4:14

Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Kolosee 2:4

Ǹ wa n sɔ̃ ŋɛ ide ŋau ihɛ̃i ku ba inɛ gɔ ku maà dĩ iju nŋɛ do gɛlɛ didɔ̃.

Tɛsalonika 2, 2:17

a mua idɔ nŋɛ gbugbã, nɔ a jɔ̀ i leekĩ dim dim i ceò icɛ jiida do ide jiida fei ŋa.

Tɛsalonika 2, 2:2

i maà jɔ̀ idɔ nŋɛ ku dede ńya ńya bii inɛ gɔ ŋa à ni ajɔi Lafɛ̃ɛ í to wa tã. Nɔ i maà jɔ̀ ku mu ŋɛ biti bii à ce waliiɛ walakɔ waazoɛ, walakɔ baa bii à ni awai à kɔɔ bɛɛbɛ.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Zudu 1:12

Inɛ ŋaui à jɛ sankala si jingau nŋɛu, à waa ba ŋɛ ku jɛ do iju hai nɛ anyɔ, ara nŋai à waa wo ngbɛ ngbɛ. À yɛi bɛi ijĩ iyi í dũ nɔ kaa wɔ si na iyi í jɔ̀ fufu wa taleɛ. À yɛi bɛi jĩi iyi í da koko nɔ kù so, bɛi jĩi iyi à wuu do icãɛ í kú mam mam.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.