Ebɛɛ 13:8 - Bibeli do fee

⁸ Jesu Kirisi ci ya kpaasi hai ana do nnyi hee do ajɔ fei.

Ebɛɛ 13:8 Iomraidhean Croise

Kusintii Andunya 21:33

Aburahamu í lɔ jĩi ndii tamarisi Bɛɛseba, nɔ tengi bɛi í ya maa tɔɔ Aɔ̃ Lafɛ̃ɛ, nŋu iyi í wɛɛ do ajɔ fei.

Iri ku kɔ̃ 103:17

Amma jiida ku jɛi Aɔ̃ Lafɛ̃ɛ, í ya maa wɛɛi do inɛ ŋa iyi à waa jirimaɛ do ajɔ fei, nɔ dee dee ku jɛɛ mɔ í ya wai si tɔku nŋa ŋa,

Iri ku kɔ̃ 90:2

Hee i maa ce iri kuta ŋa, nɔ hee i maa taka andunya, awɔ Ilaaɔ̃ ì wɛɛi hai ku kpɛ, nɔ aa maa wɛɛi hee do ajɔ fei.

Iri ku kɔ̃ 90:4

Bi titɛɛ, adɔ̃ dubu í yɛi bɛi ajɔi ana iyi í lɔ tã, walakɔ bɛi saamai idũ.

Kufita 3:14

Nɔ Ilaaɔ̃ í sɔ̃ Moizi í ni, amui ǹ jɛ inɛ iyi í wɛɛ. Sɔ̃ inɛi Izirɛli ŋa i ni, inɛ iyi wa kpe araɛ Amui ǹ wɛɛ, nŋui í bɛm wa bi tu ŋɛ.

Ezai 41:4

Yooi í jɛ icui mii ŋa iyi wa ceu bɛ. Inɛ iyi hai waati iyi ngɔgɔ kù ce titã, í ya fɔ mii iyi á na ku ce. Amu Aɔ̃ Lafɛ̃ɛi. Amui ǹ wa hai bi kusinti nɔ amui an nyi n wa tengi bii mii ŋa aa ce do ankãanyi má.

Ezai 44:6

Aɔ̃ Lafɛ̃ɛ, nŋu iyi í jɛ ilaalui inɛi Izirɛli ŋa nɔ í jɛ woo ya nŋa, nŋu iyi í jɛ Aɔ̃ Lafɛ̃ɛi lele do ilɛ í ni, amui ǹ jɛ sinte nɔ amui ǹ jɛ iri ku kpa. Baai amu baasi, Ilaaɔ̃ mmuɛ gɔ kù wɛɛ má.

Malasi 3:6

Amu Aɔ̃ Lafɛ̃ɛ, n ci ya n kpaasi. Nɔ iŋɛ, dimii Zakɔbu ku jɛ nŋɛu kaa nɛ kɔɔ.

Kɔrɛnti 2, 1:19

Ntɔ ntɔ, Jesu Kirisi amai Ilaaɔ̃, nŋu iyi amu do Silasi do Timɔtee à waazo nŋɛu, kù naa do idɔ minji. Amma í naai do ide ntɔi Ilaaɔ̃,

Kɔrɛnti 2, 1:20

nɔ kuwã ŋa iyi Ilaaɔ̃ í ce fei í kɔ̃ siɛ. Na nŋu na saabuɛi à waa ni, ami, à waa saabuò Ilaaɔ̃.

Ebɛɛ 1:12

Awɔi aa taabu ŋa bɛi jĩnɛ. Aa nɔ a kpaasii bɛi à ya kpaasi ibɔ. Amma awɔ i kaa kpaasi, nɔ kuwɛɛɛ kaa kpa iri.

Zaaki 1:17

Amua jiida do amua kusĩa baa yooma fei hai lelei Aɔ̃i í ya naa. Wa naai hai bi Ilaaɔ̃ Baaba, nŋu iyi í ce inya kumái lele ŋa. Ilaaɔ̃ ci ya kpaasi nɔ ilu kuku kù wa siɛ.

Kuyɛi Zãa 1:11

í ni, kɔ iyi ì waa yɛ si tia, nɔ i samba tiau bi inɛi igbɛ mɛɛjei Jesu ŋa iyi à wa Efɛɛzu, do Simiinu, do Pɛɛgamu, do Tiatii, do Saadi, do Filadɛɛfi, do Laodisee.

Kuyɛi Zãa 1:4

Amui Zãa, ǹ ce ŋɛ fɔɔ, iŋɛ igbɛ mɛɛjei inɛi Jesu ŋa iyi ì wa ilɛi Azii. Ilaaɔ̃, nŋu iyi í wɛɛ, iyi í tako í wɛɛ wo, nɔ wa naa, ku mu nŋɛ didɔ̃ do laakai ku sũ, nŋu do Jesu Kirisi do hunde mɛɛje ŋa iyi à wa si wajui kitãi bommaɛ. Jesu Kirisiu nŋui í jɛ woo jɛ sɛɛda ilu naanɛ, do inɛ sinte iyi í jĩ hai si balɛ, nɔ í jɛ ilaalui ilaalu ŋa. Í bi wa nɔ í faaba wa hai si dulum du wa do njɛɛ.

Kuyɛi Zãa 1:8

Aɔ̃ Lafɛ̃ɛ, ilu gbugbã fei, nŋu iyi í wɛɛ, iyi í tako í wɛɛ wo, nɔ nŋui wa naa í ni, amui ǹ jɛ sinte do iri ku kpa.