Ebɛɛ 13:5 - Bibeli do fee

⁵ I maà ti i jɔ̀ kubii fia ku mu ŋɛ. I jɔ̀ iyi ì nɛ ku ce nŋɛ zaka, domi Ilaaɔ̃ í ni, n kaa n jɔ̀ɛ pai, n kaa n nɔ n fũsiɛ awɔ baa ajɔ gɔ.

Ebɛɛ 13:5 Iomraidhean Croise

Kusintii Andunya 28:15

Ǹ wɛɛ do awɔ, an nɔ n maa n degbeɛ bii ì waa bɔ fei, nɔ n baaɛ wa si ilɛu ihɛ̃ má. N kaa n fũ siɛ awɔ, an ceɛ bɛi ǹ sɔ̃ɛu fei.

Kusintii Andunya 30:31

Nɔ Labãa í jɛaa í ni, fɛloi an sãɛ. Nɔ Zakɔbu í ni, i kù nɛ nkãma ku sãam. Bii í jɛsi ide iyi an sɔ̃ɛu an yɔkɔ n degbe angudã do iwoɛ ŋau má bɛi ǹ tako ǹ wa n degbe ŋa wo.

Kusintii Andunya 31:5

Iyi à to wa, ŋɔi í sɔ̃ ŋa í ni, ǹ yɛ wajui baa nŋɛ kù waa yɛɛm bɛi í ya tako ku yɛɛm wo. Amma do nŋu fei, Ilaaɔ̃ iyi baam í ya tɔɔu í wɛɛ do amu.

Ilaalu 1, 6:13

An na n wa inɔi inɛi Izirɛli ŋa nɔ n kaa n fũsi ŋa awɔ pai.

Ilaalu 1, 8:57

Aɔ̃ Lafɛ̃ɛ nwa ku wɛɛ do awa bɛi í wɛɛ do bala nwa ŋa tako. Ku maà kɔ̀si wa má nɔ ku maà fũsi wa awɔ,

Bomma 1, 28:20

Ŋɔi Davidi í sɔ̃ Salomɔɔ amaɛu í ni, jɔ̀ i nɛ gbugbã nɔ i dasi wɔɔkɔ i ce icɛɛ. Maà ce njo nɔ i maà jɔ̀ idɔɛ ku dede, domi Aɔ̃ Lafɛ̃ɛm á wɛɛ do awɔ. Kaa kɔ̀siɛ pai, nɔ kaa fũsiɛ awɔ hee icɛi kpasɛ̃ɛu koo tãò.

Iri ku kɔ̃ 10:3

Ilu inɔ kukã í ya maa tɔɔ fufui si laalɔ iyi í bi ku ce. Bii í ba í coo í ya bu Aɔ̃ Lafɛ̃ɛi nɔ ku maa yaakoɛ.

Iri ku kɔ̃ 119:36

Jɔ̀ idɔm ku wa si ideɛ ŋa. Maà jɔ̀ ku wa si amani.

Iri ku kɔ̃ 37:25

Hai waati iyi ǹ wɛɛ awaasũ, hee wee nsɛi ǹ gbo, n kù yɛ bii Aɔ̃ Lafɛ̃ɛ í fũsi inɛ dee dee awɔ, n kù yɛ bii tɔkuɛ ŋa à koo à waa bara à bɛi à waa jɛ.

Iri ku kɔ̃ 37:28

Aɔ̃ Lafɛ̃ɛ í bi mii iyi í tɛ. Ci ya fũsi inɛɛ ŋa awɔ. Í ya maa mu ŋai hee do ajɔ fei. Amma woo ce laalɔ ŋa aa kui.

Kufita 2:21

Iyi Moizi í naa ŋɔi í dasi idɔ nŋu ku gbe bi inɛɛu bɛ, nɔ inɛɛu í muaa ama inaaboɛ iyi à ya kpe Sefora.

Kufita 20:17

I maà ya ce kɔdɛɛi nkãma iyi í jɛ ti kpaasi nŋɛ gɔ, hai kpasɛ̃ɛ do aboɛ do woo ce icɛɛ do kɛtɛɛ do gbankɛlɛɛ.

Mɔnda ŋa 23:4

Maà wahala araɛ na amani. Maà lasabuò mɔm.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 41:17

Ilu are ŋa do hai nɛ gbugbã ŋa à ya maa dɛdɛ inyi, amma a ci ya ba. Agbɛ í ya jɔ̀ amɛ nŋa ku gbɛi. Amu Aɔ̃ Lafɛ̃ɛ an jɛ nŋa. Amu Aɔ̃ Lafɛ̃ɛi Izirɛli, n kaa n fũsi ŋa awɔ.

Ezai 42:16

An gbã fɛɛju ŋa n tooò ŋa si kpãa gɔ iyi a kù mà wo. An gbã ŋai n jɔ̀ a too si kpãa ŋa iyi a kù mà wo. Si waju nŋa an kpaasi ilu kuku n jɔ̀ ku baa ku jɛ inya kumá, nɔ ilɛ iyi í nɛ bi ku koosɛ ŋau, an jɔ̀ ku baa ku jɛ kpãa ku munga anu. Nɔ dee dee mii iyi an ce mbɛ. N kaa n jɔ̀ɔ iyi n kù coo.

Zeremi 6:13

Inɛ ŋau, hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii hee ku koo si woo wee ŋa, aŋa fei ilu ibo ŋai.

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Matie 6:19

Í sɔ̃ ŋa má í ni, i maà ti i dɛdɛ amani si andunyau ihɛ̃, bii tũtũ ŋa aa jɔɔ, do bii á mu atɛ, do bii ile ŋa aa lɔ do gbugbã a koo a ce ileɛ.

Matie 6:25

Na nŋu ǹ wa n sɔ̃ ŋɛi, i maà ya jɔ̀ zigi nŋɛ ku maa da do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa. Kuwɛɛi amanɛ í re ijɛ, ara mɔ í re jĩnɛ.

Matie 6:34

Ajɔ fei wahalaɛ í ya tooi. Na nŋu, i maà kpataò ala ŋa, domi ala mɔi á mà tɛɛ.

Maaku 7:22

do sakara, do kɔdɛɛ, do inɔ ku kã, do takii, do daa iyi í lɔ zaka, do igu, do fũnɛi inɛ ku nya, do faau, do idɔ ku le í ya fita.

Luku 3:14

Ŋɔi sooge gɔ ŋa mɔ à beeɛ à ni, awa mɔ ni, bɛirei aa ka ce. Nɔ í sɔ̃ ŋa í ni, i maà ya gba fiai inɛ gɔ do gbugbã ŋa, nɔ i maà ya má inɛ gɔ ide, nɔ i maà ya donda iyi à waa sã nŋɛ.

Luku 8:14

Inɛ gɔ ŋa mɔ à yɛi bɛi inya iyi í nɛ agũ ŋau. Aŋai à gbɔ ideu, amma si bɛi à waa nɛ, zigiida do amani do didɔ̃i andunya ŋai à bii ideu à kpaa, nɔ iso nŋa ŋa kù jĩa.

Romu 1:29

Nɔ laalɔ fei í wɛɛ nŋa, hai inɔ ku kã do kɔdɛɛ do njɛ ku cé do igu do inɛ ku kpa do ija do ibo do bisi laalɔ, hee do irii njɛ ku sɔ.

Kɔrɛnti 1, 5:11

Ǹ ni i maà tɔtɔɔ do inɛ iyi wa kpe araɛ woo dasi Jesu naanɛ nɔ wa ce sakara, walakɔ binɛ, walakɔ iwɛ̃ ku tɔɔ, walakɔ inɛ ku bu, walakɔ í ya mɔ atɛ̃ hee ku kpaa, walakɔ í ya takii inɛ ŋa. Iŋɛò inɛ dimi bɛɛbɛ ŋa i maà ya tɔtɔɔ i jɛ ŋa mɔm.

Kɔrɛnti 1, 6:10

do ile ŋa do ilu binɛ ŋa do woo mɔ atɛ̃ hee ku caa ŋa do woo yaako inɛ ŋa do woo jɛ inɛ takii ŋa a kaa ba tubu si bommai Ilaaɔ̃.

Kɔrɛnti 2, 4:9

Inɛ ŋa à kpã wa iju, amma Ilaaɔ̃ kù kɔ̀si wa. À kɛkɛ wa, amma a kù kpa wa.

Efɛɛzu 5:3

Iŋɛ ti Ilaaɔ̃i í jɛ ŋa. Na nŋu, i maà ya ce baa ngɔgɔ iyi á jɔ̀ inɛ ŋa a sɔ iri nŋɛ a ni ì tɔtɔɔ sɛ̃ɛ hai nɛ yaase ŋa walakɔ a ni ì ce daa laalɔ ŋa walakɔ binɛ.

Efɛɛzu 5:5

I jɔ̀ i mà ŋa kãm kãm iyi woo tɔtɔɔ sɛ̃ɛ hai nɛ yaase do ilu daa sãmi ŋa, kãma nŋa kù nɛ ikpɛ̃ si bommai Ilaaɔ̃ do ti Kirisi. Bɛɛbɛ mɔi hee do ilu binɛ ŋa fei, kãma nŋa kù nɛ ikpɛ̃ si bommai Ilaaɔ̃ do ti Kirisi domi binɛ í yɛi bɛi iwɛ̃ ku tɔɔ.

Wooda ku kɔsi 31:6

I jɔ̀ i ce wɔɔkɔ nɔ i dasi gbugbã ŋa. I maà jɔ̀ njo ku mu ŋɛ, nɔ i maà jɔ̀ zigi nŋɛ ku daò ŋa ŋa, domi Aɔ̃ Lafɛ̃ɛ takaɛi á maa nɛ do iŋɛ, nɔ kaa fũsi ŋɛ awɔ ajɔ kãma.

Wooda ku kɔsi 31:8

Aɔ̃ Lafɛ̃ɛ takaɛi á maa cuaɛ do waju. Nŋui á maa wɛɛ do awɔ nɔ kaa fũsiɛ awɔ ajɔ kãma. Debɛi, maà jɔ̀ njo ku muɛ nɔ i maà jɔ̀ zigiɛ ku da.

Wooda ku kɔsi 4:31

domi Aɔ̃ Lafɛ̃ɛ nŋɛ nŋu iyi í jɛ inɛ iyi í nɛ kubi hee í caa, kaa fũsi ŋɛ awɔ, nɔ kaa kpa ŋɛ, nɔ kaa gbɛjɛ akabuu iyi í dĩ do bala nŋɛ ŋau.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Timɔtee 1, 3:3

Nɔ ku maà jɛ woo mɔ atɛ̃ hee ku kpaa walakɔ woo bi ija, amma ku jɛ ilu suuru iyi wa dɛ laakai ku sũ, nɔ ku maà jɛ woo bi fia yaamɔ.

Zozue 1:5

Si kuwɛɛɛ fei mbɛɛ kãma kaa yɔkɔ ku kɔ̀ ide si wajuɛ, domi an maa n wɛɛ do awɔi bɛi ǹ tako ǹ wɛɛ do Moizi wo. Ajɔ kãma n kaa n fũsiɛ awɔ hee má jɛ n jɔ̀ɛ.

Zozue 7:21

Si inɔi mii ŋa iyi à ba si igũu ǹ yɛ ibɔ kumboo kusĩa gɔ iyi à ce ilɛi Sinaa, do isɔ fũfũ kpɛkɛlɛ cĩɔ minji, do wura iyi kuwoɛ í to bubui kiloo, ŋɔi binɛm í lɔ si ŋa nɔ ǹ so ŋa. Fei ndɛɛ wa singa inɔ isa si aninii inɔ ilei acɔm bɛ nɔ isɔ fũfũu í wa lɛlɛ nŋa.

Piɛɛ 2, 2:14

Iju nŋa fei si abo kaafe ŋai í ya wa, dulum ci ya to ŋa. À ya mu inɛ ŋa iyi a kù waa leekĩ dim dim do taa. Idɔ nŋa í nɛ dɔ̃ɔnɛi binɛ. Ilaaɔ̃ í ceekpe ŋa.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Zudu 1:11

Aa yɛ ijuukpã, domi tuubai Kaɛ̃ɛi à waa too, à dasi ara nŋa kurara ku ba a ba fia bɛi Balamu í ce, nɔ à kɔ̀si Ilaaɔ̃ bɛi Kore í ce nɔ à ce nfei ara nŋa.

Samuɛli 1, 10:7

Waati iyi nyinda ŋau bɛ fei sãa sãa à ce, koo ce mii iyi ì ba fei, domi aa mà iyi ntɔ ntɔi Ilaaɔ̃ í wɛɛ do awɔ.

Samuɛli 1, 12:22

Aɔ̃ Lafɛ̃ɛ kaa kɔ̀si ŋɛ domi do idɔɔbiɛi í so ŋɛ i jɛ titɛɛ ŋa nɔ nŋui á maa mu ŋɛ na iri nlaɛ.