Ebɛɛ 13:4 - Bibeli do fee

⁴ Inɛ baa yooma fei ku mà bɛɛrɛi abɔdɔ̃ nɔ mɔkɔ do abo a leekĩò njɛ dim dim. Ntɔ ntɔ Ilaaɔ̃ á kiiti inɛ ŋa iyi à waa sũò njɛ hai ce abɔdɔ̃ do inɛ ŋa iyi à waa ce sakara.

Ebɛɛ 13:4 Iomraidhean Croise

Kusintii Andunya 2:21

Ŋɔi Aɔ̃ Lafɛ̃ɛ í jɔ̀ inɛɛu í sũ dimii njoo nla gɔ. Si njoou bɛ ŋɔi í nya kũkũi kpakpaa cingaaɛ akã nɔ í bii agbɛu má.

Kusintii Andunya 2:24

Na nŋu inɛmɔkɔ á jɔ̀ iyeò baaɛ, nɔ nŋu do aboɛ a wɛɛ, nɔ aŋa minji fei a baa a jɛ ara akã.

Ilaalu 2, 22:14

Ŋɔi Hilikiya woo weeu do Ahikamu do Akubɔɔ do Safãa do Asaya à bɔ bi Huluda walii inaabou. Abou do mɔkɔɛ Salumu, Zeruzalɛmui à wa do ikpa ice titɔ̃u. Salumuu amai Tikivai, nɔ wa jɛ tɔkui Harasi. Nŋui í jɛ woo mu ibɔi woo wee ŋau. Iyi inɛ ŋau à to bi Huluda, ŋɔi à sɔ̃ɔ ideu.

Zɔɔbu 31:12

Kurarau bɛ í nɛ ku jɛ ina iyi á jo amu takam nii mam mam do mii iyi ǹ nɛ fei.

Ezai 8:3

Si anyiɛ, ŋɔi ǹ tɔtɔɔ sɛ̃ɛ do abo walii iyi í jɛ abom nɔu, nɔ í nɛ asĩ í bí ama inɛmɔkɔ. Nɔ Aɔ̃ Lafɛ̃ɛ í sɔ̃m í ni n sɔɔ Mahɛɛ-Salali-Haasi-Bazi, waatɔ ce ńya i wusɛ nɔ i ko amanii igũu,

Kuwee 15:18

Bii inɛmɔkɔ do inaabo à tɔtɔɔ sɛ̃ɛ, tilasii aŋa minji fei a wɛ, amma aa wɛɛi do riisi hee alɛ koo lɛò.

Kuwee 18:20

Maà sũò aboi kpaasiɛ, domi bɛɛbɛ ku ce á dasiɛ riisi.

Malasi 3:5

An naa si ŋɛi n na n kiiti ŋɛ. An dede si woo ce dobu dobu ŋa do woo ce sakara ŋa, do woo ce kugbasi si ibo ŋa do si inɛ ŋa iyi à waa taa woo ce icɛ ŋa iyi à nɛ a ba isã do jaaɔ̃ ŋa do kɔyɔ ŋa do isɛ mmu ŋa gbugbã, nɔ a kù mà bɛɛrɛm. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Kɔrɛnti 1, 6:18

I saa adɛi abo ŋa. Kurara iyi amanɛ wa ce fei ci ya má si araɛ, amma inɛ iyi wa ce adɛi abo, arai nŋu takaɛi wa dasi kurara.

Kɔrɛnti 1, 6:9

Iŋɛ, i kù mà ŋa iyi woo ce laalɔ ŋa a kaa ba tubu si bommai Ilaaɔ̃? I maà jɔ̀ a dĩ iju nŋɛ. Woo ce adɛi abo yaamɔ do woo tɔɔ iwɛ̃ ŋa do woo ce sakara ŋa do inɛ ŋa iyi à waa sũò inɛmɔkɔ kpaasi ŋa

Kɔrɛnti 1, 7:38

Bɛɛbɛ mɔi inɛ iyi í jɔ̀ à gba ama inaaboɛ abɔdɔ̃ mii jiidai í ce, amma inɛ iyi í kɔ̀ a gba titɛɛ abɔdɔ̃ nŋui í ce í re.

Kɔrɛnti 1, 9:5

A kù nɛ kpãa ka nɛ abo woo dasi Jesu naanɛ iyi á si wa bɛi woo bɛ gɔ ŋa à waa cei? Bɛi ifɔi Lafɛ̃ɛ ŋau do Piɛɛ?

Kɔrɛnti 2, 5:10

Í sĩa ka ce iyi á dɔ̃aa si domi kù nɛ bɛi aa ka ce iyi a kù leekĩ si wajui Kirisi ku kiiti wa awa fei, nɔ ku sãa inɛ fei si bɛi kookoosu iyi í ce si kuwɛɛɛ í to, bii laalɔi, bii í nɔ í jɛ jiida mɔi.

Galati 5:19

Inɛ fei í mà daai amanɛ sãa sãa. Daa ŋaui à jɛ sɛ̃ɛ ku tɔtɔɔ hai nɛ yaase, do daa sãmi do daa bɛɛtɛkɛ,

Galati 5:21

do kɔdɛɛ, do atɛ̃ ku kpa inɛ, do ijɛ ku bi, do mii iyi í jɔ bɛɛbɛ fei. Ǹ wa n sɔ̃ ŋɛ bɛi ǹ tako ǹ fɔ ǹ ni, inɛ ŋa iyi à waa ce dimi bɛɛbɛ a kaa ba tubu kãma si bommai Ilaaɔ̃.

Efɛɛzu 5:5

I jɔ̀ i mà ŋa kãm kãm iyi woo tɔtɔɔ sɛ̃ɛ hai nɛ yaase do ilu daa sãmi ŋa, kãma nŋa kù nɛ ikpɛ̃ si bommai Ilaaɔ̃ do ti Kirisi. Bɛɛbɛ mɔi hee do ilu binɛ ŋa fei, kãma nŋa kù nɛ ikpɛ̃ si bommai Ilaaɔ̃ do ti Kirisi domi binɛ í yɛi bɛi iwɛ̃ ku tɔɔ.

Wooda ku kɔsi 22:22

Bii à mu inɛ gɔ tengi bii wa sũò aboi kpaasiɛ gɔ, aŋa minji fei aa kpa ŋai, waatɔ inɛ iyi wa sũò abou do abou takaɛ fei. Do yaase bɛɛbɛi aa nyaò laalɔu bɛ hai si aninii inɛi Izirɛli ŋa.

Tɛsalonika 1, 4:6

Si ideu ihɛ̃, inɛ gɔ ku maà raraa kpaasiɛ walakɔ ku jɔɔ takii, domi Aɔ̃ Lafɛ̃ɛ á kpã woo ce mii bɛɛbɛ ŋa fei iju. À nɔ à sɔ̃ ŋɛ à kɔnkɔn du ŋɛ tã à ni i ce laakai ŋa.

Timɔtee 1, 3:12

Í sĩa woo ce icɛi igbɛ ŋau a jɛ ilu abo akã lege lege nɔ a jɛ inɛ ŋa iyi à nɔ ama nŋa ŋa do inɛi kpasɛ̃ nŋa ŋa mam mam.

Timɔtee 1, 3:2

Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.

Timɔtee 1, 3:4

Nɔ ku jɛ inɛ gɔ iyi í nɔ kpasɛ̃ɛ mam mam, nɔ amaɛ ŋa à ya jirimaɛ nɔ à mà bɛɛrɛi inɛ ŋa.

Timɔtee 1, 4:3

Amanɛ dimi bɛɛbɛ ŋai à ya ni kù sĩa inɛ ŋa a so njɛ. Nɔ à ya nyi a ni má ijɛ gɔ ŋa à wɛɛ iyi kù sĩa inɛ ŋa a jɔɔ, baa do iyi ijɛ ŋau Ilaaɔ̃ í taka ŋai ku ba woo dasiɛ naanɛ ŋa iyi à mà ntɔu a ya jɔɔ do saabu.

Timɔtee 1, 5:14

Na nŋu ŋau bɛi í jɔ̀ ǹ bi jaaɔ̃ saatara ŋa a so mɔkɔ a bí ama, nɔ a dasi kpasɛ̃ nŋa iju jiida, ku ba a maà na a mua mbɛɛ nwa ŋa kpãa a fɔ laalɔ nwa.

Titee 1:6

Inɛ iyi á jɛ inɛ ngboi igbɛu í gbe ku jɛ inɛ iyi kù nɛ taale gɔ, iyi í nɛ abo akã lege lege nɔ amaɛ ŋa à jɛ woo dasi Jesu naanɛ ŋa. Ku maà jɛ a maa sɔ iri nŋa do daa bututu nɔ a maà jɛ amu ŋa iyi a ci ya jirima inɛ.

Ebɛɛ 12:16

I ce laakai ŋa ku ba inɛ gɔ ku maà ce sakara, nɔ inɛ gɔ ku maà na ku kɔ̀ ku mà bɛɛrɛi mii jiida ŋa. Bɛɛbɛi Esau í ce waati iyi í so yemma ku jɛɛ í taa na ijɛ jɛɛ akã.

Kuyɛi Zãa 22:15

Amma anyii iluui woo ce laalɔ ŋa aa wa do woo ce dobu dobu ŋa do woo ce sakara ŋa do woo kpa inɛ ŋa do woo tɔɔ iwɛ̃ ŋa do inɛ ŋa iyi à bi ibo nɔ à ya maa sɔ ibou fei.