Ajɔ nŋu gɔ Elizee í too do ilui Sunɛmu. Nɔ abo ilu fia gɔ í wa bɛ í manteɛ í ni ku naa ku jɛ. Hai ajɔ nŋu, waati iyi wa lɔ bɛ fei í ya yaa idei aboui koo jɛ.
Mii iyi ì nɛ i cei í jɛ, i kpɛ̃ sɔndaɛ do inɛ iyi ari wa kpa, nɔ ilu are ŋa mɔ iyi a kù nɛ bi kuwa, i gbã ŋa i baaò ŋa wa kpasɛ̃ɛ. Inɛ mɔ iyi ì yɛ í wɛɛ basĩ, i bii anyiɛ, nɔ inɛ mɔ iyi iŋɛò ì jɛ ara akã, maà saa.
I ya cea inɛ njoo iyi í wa bi tu ŋɛ bɛi aa cea ilu ide iyi í wa bi tu ŋɛ, i buu bɛi ì bi iŋɛ taka nŋɛ, domi iŋɛ mɔ ì tako ì jɛ inɛ njoo ŋa wo si ilɛi Ezibiti. Amui ǹ jɛ Aɔ̃ Lafɛ̃ɛ nŋɛ.
Bommau tu ŋɛi si na iyi í jɔ̀ si waati iyi ari wa kpam, ì muum ijɛ ǹ jɛ ŋa. Nɔ si waati iyi agbɛ wa kpam má, ì muum inyi ǹ mɔ ŋa. Nɔ si waati iyi ǹ jɛ inɛ njoo ì gbam si kpasɛ̃ nŋɛ ŋa.
Waati iyi ǹ jɛ inɛ njoo i kù gbam si kpasɛ̃ nŋɛ ŋa. Nɔ si waati iyi ǹ wɛɛ basĩ i kù bii anyim ŋa. Iyi ǹ wa n ce bɔ̃ɔ walakɔ iyi ǹ wa ile piisɔ̃ɔ, i ci ya naa ku cɔm ŋa mɔm.
Abou do inɛi kpasɛ̃ɛ ŋa fei à ce inyi ku dasi nɔ í tɔɔ wa í ni, bii ì mà iyi ǹ dasi naanɛ ntɔ ntɔ ŋai i naa wa i naa i ce baa ajɔ minji kpasɛ̃m ŋa. Nɔ í mante wa hee à jɛ́ nɔ à bɔ kpasɛ̃ɛ.
Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.
nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.