Ebɛɛ 13:1 - Bibeli do fee

¹ I ya temua si kpaasi woo dasi naanɛ ŋa ku bi.

Ebɛɛ 13:1 Iomraidhean Croise

Iri ku kɔ̃ 133:1

Iri ku kɔ̃i kutɔɔ ku bɔ ku ce. Iriu ihɛ̃ ti Davidii. Í sĩa nɔ í jɛ inɔ didɔ̃, bii nyaanze akã ŋa à wa inya akã.

Laabaau jiida iyi Zãa í kɔ 15:17

Iyi ǹ wa n dasi ŋɛi í jɛ i bi njɛ ŋa.

Woo bɛ ŋa 2:1

Iyi ajɔi jingaui Pantekotu í to, ŋɔi woo dasi Jesu naanɛ ŋau fei à tɔtɔɔ inya akã.

Woo bɛ ŋa 4:32

Akpɔi woo dasi Jesu naanɛ ŋau í kɔ̃ɔsi nɔ aŋa fei à nɛ anu akã. Inɛ gɔ ci ya ni mii iyi nŋu í nɛ ti nŋu akãi amma mii iyi à nɛ fei ti aŋa feii.

Galati 5:13

Iŋɛ inɛm ŋa, à kpe ŋɛi i na i nɛ ara nŋɛ. Do nŋu fei, i maà jɔ̀ ara ku nɛ nŋɛ ku mua daai iŋɛ taka nŋɛ kpãa i ceò idɔɔbii ara nŋɛ. Amma i ya maa sobi njɛ do kubi ŋa,

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Efɛɛzu 4:3

I ce kookaai i ya mu anu akã iyi Hundei Ilaaɔ̃ wa mu nŋɛ na saabui laakai ku sũ iyi í tɔtɔɔ ŋɛ.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Tɛsalonika 2, 1:3

Iŋɛ inɛ nwa ŋa, í sĩa ka ya maa saabu Ilaaɔ̃ waati kãma fei na iri nŋɛ. I jɔ̀ ka maa ce bɛɛbɛ domi naanɛ ku dasi nŋɛ wa kɔ̃ɔsi ntɔ ntɔ, nɔ kubi iyi ì nɛ iŋɛ duusɔ̃ɔ í la wa kɔ̃ɔsii.

Ebɛɛ 10:24

Ka ce laakaii njɛ ku ba ka ya mua njɛ gbugbã iyi á jɔ̀ ka bi inɛ ŋa nɔ ka maa ce icɛ jiida.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 2:17

I jirima inɛ fei ŋa, i bi kpaasi woo dasi Jesu naanɛ nŋɛ ŋa, i mà bɛɛrɛi Ilaaɔ̃, nɔ i jirima ilaalu nlau ŋa.

Piɛɛ 1, 3:8

Si anyii fei ndɛɛ i jɔ̀ iŋɛ fei i nɛ lasabu akã do kubi akã ŋa. I bi njɛ bɛi nyaanze akã ŋa, i ce araarei njɛ do ara ku kaye ŋa.

Piɛɛ 1, 4:8

Iyi í re fei ndɛɛ, nŋui í jɛ i ce kookaai i bi njɛ ŋa, domi kubi í ya bii kurara nkpɔ.

Piɛɛ 2, 1:7

nɔ si bɛɛrɛi Ilaaɔ̃ ku mà i kɔ̃ɔsi jiida ku cea njɛ, nɔ si jiida ku cea njɛ i kɔ̃ɔsi kubi.

Zãa 1, 3:23

Woodaɛu wee. Ka dasi Amaɛ Jesu Kirisi naanɛ, nɔ ka bi njɛ si bɛi í jilɛ nwa.

Zãa 1, 4:20

Bii inɛ gɔ í ni nŋu í bi Ilaaɔ̃ nɔ í cé kpaasiɛ, ilu iboi, domi inɛ iyi kù bi kpaasiɛ iyi wa yɛ, kaa yɔkɔ ku bi Ilaaɔ̃ iyi kù waa yɛ.

Kuyɛi Zãa 2:4

Amma iyi ǹ yɛ si ŋɛ wee, i kù bim bɛi tako má ŋa.