Ebɛɛ 12:4 - Bibeli do fee

⁴ Iŋɛ, si kujabu nŋɛ do dulum, i kù jabu i kù to hee si iku titã ŋa,

Ebɛɛ 12:4 Iomraidhean Croise

Matie 24:9

Si waati nŋu, aa dasi ŋɛ si awɔi inɛ ŋa a kpã ŋɛ iju, aa kpa ŋɛ mɔm. Dimi fei á cé ŋɛi na irim.

Kɔrɛnti 1, 10:13

I kù yɛ dimii laakai ku cɔ gɔ ŋa iyi kù jɛ dimi iyi inɛ fei í ya yɛ. Ilaaɔ̃ ilu naanɛ kaa jɔ̀ a cɔ laakai nŋɛ ku re zaka bɛi aa yɔkɔ i temuaò ŋa. Amma si laakai ku cɔ baa yooma fei í ya nyi ku ce bi ku fita má ku ba i yɔkɔ temua ŋa.

Filipi 2:8

í kaye araɛ má nɔ í jirima Ilaaɔ̃ hee í na araɛ í to siò iku si antaii jĩi ku gaau mɔm.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 13:13

Na nŋu, ka bɔ bi titɛɛ angule bɛ, ka jɛsi à donda wa bɛi a dondaɛ,

Kuyɛi Zãa 12:11

Inɛ nwa ŋau à jɔɔ igũ do saabui njɛi ama angudãu do sɛɛdai ntɔu iyi à jɛ. A kù doo kuwɛɛ nŋa nkãma, amma à jɛsi aŋa a ku.

Kuyɛi Zãa 17:6

Nɔ ǹ yɛ abou í mɔ njɛi woo dasi naanɛ ŋa iyi à kpa si na iyi í jɔ̀ à jɛ sɛɛdai Jesu, nɔ iriɛ í sinda bɛi atɛ̃ vɛ̃ɛ í ya sinda irii inɛ. Iyi ǹ yɔɔ, ǹ biti ntɔ ntɔ.

Kuyɛi Zãa 18:24

À nyisi ilui Babilɔni ijuukpã si na iyi í jɔ̀ à yɛ siɛ njɛi walii ŋa do ti woo dasi naanɛ ŋa do njɛi inɛ ŋa iyi à kpa si andunyau ihɛ̃ fei.

Kuyɛi Zãa 2:13

ǹ mà bii ì wa ŋa, Seetam nii wa jɛ bommaɛ do gbugbã. Do nŋu fei, ì waa jirima irim ŋa, nɔ i kù fũsi naanɛ iyi ì dasim awɔ ŋa, baa waati iyi à kpa Antipasi bi tu ŋɛ bi kuwai Seetam bɛ. Antipasiu ilu naanɛ woo jɛ sɛɛdam nii.