Ebɛɛ 12:3 - Bibeli do fee

³ I jɔ̀ i lasabu si mii iyi Jesu í ce, si bɛi í temua do mbɛɛtɛ nlau hee í jɛsi ilu dulum ŋa à kpaa. I mu ideu ŋa ku ba i maà kua gbugbã ŋa nɔ i maà mɔngɔ munya ŋa.

Ebɛɛ 12:3 Iomraidhean Croise

Mɔnda ŋa 24:10

Bii ì mɔngɔ temua si wahala ì nyisi gbugbã hai nɛɛi.

Ezai 50:4

Aɔ̃ Lafɛ̃ɛ í kɔm si ide iyi ǹ nɛ ku fɔ ku ba n mà ide ŋa iyi an fɔ n sobiò inɛ iyi í kua gbugbã. Daakɔ fei nŋui í ya jĩim ku ba n de itĩ bɛi mɔcɔ ŋa à ya maa de si lafɛ̃ɛ nŋa itĩ.

Matie 11:19

Nɔ iyi amu Amai Amanɛ ǹ naa, ǹ ya n jɛ nɔ n maa n mɔ, nɔ inɛ ŋa à ni ǹ bi ijɛ nɔ ǹ jɛ woo mɔ atɛ̃, nɔ ǹ jɛ kpaasii woo gba fiai lɛmpoo ŋa do ilu dulum ŋa. Do nŋu fei, à yɛ iyi bisii Ilaaɔ̃ í jɛ dee dee na icɛ ŋa iyi wa ce.

Matie 12:24

Amma iyi Farisi ŋau à gbɔ ideu, à ni, mɔkɔu ihɛ̃ wa lele inɛi inɔɔko ŋai do gbugbãi Bɛɛlizebu ilaalu nŋa.

Matie 15:2

na mii í ce mɔcɔɛ ŋa a kù waa too dedembai bala nwa ŋa. Na mii í ce a ci ya wɔɔ si yaase bɛi bala nwa ŋa à jilɔɔ a bɛi a jɛ.

Matie 21:23

Ŋɔi Jesu í to Zeruzalɛmu nɔ í bɔ bantumai kpasɛ̃i Ilaaɔ̃ má wa kɔ inɛ ŋa si cio. Ŋɔi inɛ ngboi woo weei Ilaaɔ̃ ŋa do inɛ ngboi Zuifu ŋa à naa bi tɛɛ, à beeɛ à ni, mii ŋa iyi ì waa ceu ihɛ̃, yooi í naɛ kpãa iyi ì waa cooò. Do gbugbãi yooi ì waa cooò.

Matie 21:46

Ŋɔi à waa dɛ kpãa bɛi aa ce a muu. Amma à waa ce njoi zamaau si na iyi í jɔ̀ à dasi naanɛ iyi waliii ntɔ ntɔ.

Matie 22:15

Waati bɛɛbɛ Farisi ŋa à koo à tɔtɔɔ à waa busi njɛ a ba a lea Jesu taai ide.

Luku 14:1

Si ajɔi kusĩmi gɔ Jesu í bɔ ku jɛ kpasɛ̃i inɛ ngboi Farisi gɔ. Wee inɛ gɔ ŋa mɔ à wa bɛ, à waa cɔɔ do laakai.

Luku 15:2

Ŋɔi Farisi do woo kɔ inɛ ŋa si wooda ŋa à lɔsi ku gbagba à waa ni, mɔkɔu wa gba inɛ laalɔ ŋa nɔ aŋaò ŋa à tɔtɔɔ à waa jɛ.

Luku 16:14

Wee Farisi ŋa fia ku bi nŋa í caa. Iyi à gbɔ ide ŋa iyi Jesu í fɔu fei ŋɔi à waa yaakoɛ.

Luku 2:34

Simeɔ̃ í wee nŋa nɔ í sɔ̃ Maari iyei Jesuu í ni, Ilaaɔ̃ í cica amau ihɛ̃i ku kɛkɛ inɛ nkpɔ nɔ ku dede inɛ nkpɔ mɔ si inɔi inɛi Izirɛli ŋa. Nŋui Ilaaɔ̃ í bɛ wa ku jɛ bɛi nyinda, amma inɛ ŋa aa kɔ siɛ.

Luku 5:21

Woo kɔ inɛ ŋa si wooda do Farisi ŋa à wasi ku bee ara nŋa ide à waa ni, yooi inɛɛu ihɛ̃ í jɛ iyi wa bu Ilaaɔ̃. Yooi á yɔkɔ ku kpa idei dulum dii inɛ gɔ bii kù jɛ Ilaaɔ̃ nŋu akã.

Laabaau jiida iyi Zãa í kɔ 10:20

Inɛ gɔ ŋa à ni, í nɛ inɛi inɔɔkoi. Sũmui. Na mii í ce ì waa gbɔ ideɛ ŋa mɔm.

Laabaau jiida iyi Zãa í kɔ 18:22

Iyi Jesu í fɔ bɛɛbɛ, ŋɔi inɛ akãi woo degbe kpasɛ̃i Ilaaɔ̃ ŋau í sambalaɛ í ni, woo wee nlaui ì waa jɛaa ide nfe nfe bɛɛbɛ?

Laabaau jiida iyi Zãa í kɔ 5:16

Ŋɔi í jɔ̀ inɛ ŋau à waa kpã Jesu iju si na iyi í jɔ̀ í ce dimii mii nɔu bɛ si ajɔi kusĩmi.

Laabaau jiida iyi Zãa í kɔ 7:12

Ŋɔi si zamaau inɛ ŋa à wasi ku fɔ ideɛ do gundu. Inɛ gɔ ŋa à waa ni, inɛ jiidai. Nɔ inɛ gɔ ŋa mɔ à waa ni, iboi, wa dĩ ijui inɛ ŋai.

Laabaau jiida iyi Zãa í kɔ 8:13

Ŋɔi Farisi ŋau à sɔ̃ɔ à ni, nsɛi ì waa jɛa araɛ sɛɛda. Sɛɛdaɛ kù jɛ ntɔ.

Laabaau jiida iyi Zãa í kɔ 8:52

Ŋɔi Zuifu ŋau à sɔ̃ɔ à ni, bɛbɛi à mà iyi ntɔ ntɔ ì nɛ inɛi inɔɔkoi, domi Aburahamu í ku nɔ walii ŋau mɔ à ku, nɔ awɔ ì ni inɛ iyi wa jirima ideɛ kaa ku pai.

Laabaau jiida iyi Zãa í kɔ 8:59

Ŋɔi à tasi kuta à waa bi a taa, amma Jesu í manji í fita hai kpasɛ̃i Ilaaɔ̃u í nɛ.

Laabaau jiida iyi Zãa í kɔ 9:40

Ŋɔi Farisi gɔ ŋa iyi à wa bɛu à gbɔ ideu ŋɔi à beeɛ à ni, awa mɔ fɛɛju ŋai?

Kɔrɛnti 1, 15:58

Na nŋu, iŋɛ baakɔɔm ŋa, i leekĩ dim dim i maà tɛkɛɛ ŋa. I ce kookaai si icɛi Lafɛ̃ɛ do ajɔ fei si na iyi í jɔ̀ ì mà ŋa icɛ iyi ì waa cea Lafɛ̃ɛ kaa ce nfe ŋa.

Kɔrɛnti 2, 4:1

Ilaaɔ̃i í da nwa icɛu si awɔ na jiida ku jɛɛ. Nŋui í jɔ̀ a kù mɔngɔ munya.

Kɔrɛnti 2, 4:16

Nŋui í jɔ̀ a kaa ka mɔngɔ munya. Baa bii ara nwa wa gbo, hunde nwa í ya maa wɛɛ titɔ̃i do ajɔ fei.

Galati 6:9

Na nŋu, ka maà gbɛɛji do jiida ku ce, domi bii a kù mɔngɔ aa ka da si awaati iyi í jɔ.

Wooda ku kɔsi 20:3

ku ni, iŋɛ inɛi Izirɛli ŋau i sotĩ i gbɔ ŋa, iŋɛ do mbɛɛ nŋɛ ŋau aa ce igũ nnyi ŋa, i maà jɔ̀ zigi nŋɛ ku da ŋa, i jɔ̀ idɔ nŋɛ akã, nɔ i maà ce njo ŋa i maa yaya si waju nŋa ŋa.

Tɛsalonika 2, 3:13

Amma iŋɛ inɛ nwa ŋa, i maà ya gbɛɛji do jiida ku ce.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 12:5

nɔ ì gbɛjɛ idei gbugbã iyi à mu nŋɛ waati iyi à kɔ à ni, amam, bii Aɔ̃ Lafɛ̃ɛ wa kpãɛ iju, ikɔi wa naɛ, maà ce si atafii. Inɔɛ ku maà fɔ bii wa fɔ siɛ ide,

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Piɛɛ 1, 2:23

Iyi à buu, kù sã nŋa arabu. Iyi à kpãa iju, kù ceekpe ŋa, amma í leekĩ do Ilaaɔ̃ iyi í ya kiiti dee dee.

Kuyɛi Zãa 2:3

Ì waa temua ŋa, nɔ ì yɛ ijuukpã na irim ŋa, i kù nɔ i kù gbɛɛji ŋa.

Samuɛli 1, 12:24

Amma iŋɛ mɔ i jɔ̀ i mà bɛɛrɛi Aɔ̃ Lafɛ̃ɛ nɔ i tɔɔɛ do ntɔ do idɔ nŋɛ fei ŋa, domi ì yɛ mii nla nla ŋa iyi í ce si waju nŋɛ.