Ebɛɛ 12:2 - Bibeli do fee

² Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 12:2 Iomraidhean Croise

Iri ku kɔ̃ 110:1

Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Iri ku kɔ̃ 138:8

Awɔ Aɔ̃ Lafɛ̃ɛ aa ce iyi bɛi na irim. Awɔ iyi jiida ku jɛɛ kù nɛ kɔɔ, maà fũsi inɛ ŋa iyi ì taka awɔ.

Ezai 31:1

Inɔ kufɔi á jɛ ti inɛ ŋa iyi aa bɔ Ezibiti ku ba a ba sobi. Acĩ ŋai à waa kaaba, nɔ naanɛ nŋa í wa si sarɛti ku ja igũ ŋa si na iyi í jɔ̀ à kpɔ, do si masa ŋa, domi à nɛ gbugbã ntɔ ntɔ. Amma a kù sinda ikpa bi Aɔ̃ Lafɛ̃ɛ Inɛ Kumái Izirɛliu, nɔ a kù bee lasabuɛ.

Ezai 45:22

Iŋɛ iyi ì wa hee kɔɔi andunyau fei, i sinda wa bi tom nɔ i ba faaba ŋa, domi amui ǹ jɛ Aɔ̃ Lafɛ̃ɛ, nɔ Ilaaɔ̃ mmu gɔ kù wɛɛ má.

Ezai 53:3

Inɛ ŋa à dondaɛ nɔ à kɔ̀siɛ nɔ í nɛ dɔ̃ɔnɛi wahala do ara kuro. Awa à dondaɛ nɔ a kù dooaɛ si nkãma, nɔ í baa í yɛ bɛi inɛ gɔ iyi inɛ ŋa a kù bi ku cɔ.

Ezai 8:17

Amu, Aɔ̃ Lafɛ̃ɛi ǹ wa n degbe. Nsɛi titã, í fũsi tɔkui Zakɔbu ŋa awɔ. Amma nŋui amu n daa aram fei si awɔ.

Misee 7:7

Amma amu, ikpa bi Aɔ̃ Lafɛ̃ɛi an sinda, siɛi kpãa ku cɔm í wa, nŋui á jɛɛm nɔ ku faabam.

Zakari 12:10

An jɔ̀ kpasɛ̃i Davidi do inɛi Zeruzalɛmu ŋa a nɛ araare nɔ a ya ce kutɔɔ, nɔ a sinda wa sim a cɔ amu iyi à gũ do jĩnɛi igũ. Aa kpata sim bɛi inɛ iyi ama akã lege legeɛ í ku. Aa kpata do inɔ kufɔ nla nla bɛi inɛ iyi ama yemmaɛ í ku.

Kuka 21:9

Ŋɔi Moizi í ce njo do isɔ nkpa gɔ, nɔ í gũu lele si jĩi gɔ. Hai waati bɛɛbɛu bɛi, inɛ iyi njo í ŋɔɔ fei, nɔ í wu iju í cɔ njo iyi Moizi í gũ leleu, lafɛ̃ɛ í ya ba irii.

Matie 16:21

Hai waati bɛɛbɛi Jesu í sinti ku sɔ̃ mɔcɔɛ ŋa í ni tilasii nŋu ku bɔ Zeruzalɛmu. Tengi bɛi inɛ ngbo ŋa do inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa aa kpã nŋu iju. Aa kpa nŋu, amma si ajɔ mɛɛtasia nŋu á jĩ má hai si balɛ.

Matie 20:28

Nɔ baa amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.

Maaku 14:36

Wa ni, Baam, aa yɔkɔ i ce mii fei. Jɔ̀ wahalau ihɛ̃ ku jĩim. Amma do nŋu fei, ku maà ti ku jɛ ti idɔɔbim, jɔ̀ idɔɔbiɛ ku ce.

Maaku 15:28

Bɛɛbɛi kukɔi idei Ilaaɔ̃ í kɔ̃ iyi í ni, à dooaɛ si inɛ laalɔ ŋa.]

Maaku 16:19

Iyi Lafɛ̃ɛ Jesu í sɔ̃ ŋa ideu í tã, ŋɔi à soo lele í koo í buba si awɔ njɛi Ilaaɔ̃.

Maaku 9:12

Ŋɔi í jɛ nŋa í ni, ntɔi Eliii á tako ku naa ku teese mii fei sãa sãa. Amma kukɔi idei Ilaaɔ̃ í ni má, inɛ ŋa aa kpã Amai Amanɛ iju jiida nɔ a dondaɛ, mà iboi.

Maaku 9:24

Ŋɔi gbakã baai amau í dɔ̃ anu hee lele í ni, ǹ dasi naanɛ. Sobim ku ba n maà n sika si naanɛ ku dasim.

Luku 17:5

Woo bɛ ŋau à sɔ̃ Lafɛ̃ɛ à ni, kɔ̃ɔsi naanɛ ku dasi nwa.

Luku 23:11

Ŋɔi Herodu í jɔ̀ à daa si ibɔ kusĩa gɔ nɔ nŋu do soogeɛ ŋa à waa yaakoɛ nɔ à wasi ku buu. Si anyii nŋu nɔ í jɔ̀ à nyiòɛ bi Pilati má.

Luku 24:26

Kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã, inɛ ŋa a bɛi a yɛ amboeɛ.

Laabaau jiida iyi Zãa í kɔ 1:29

Iju kumáɛ ŋɔi Zãa í yɛ Jesu wa naa siɛ, ŋɔi í sɔ̃ inɛ ŋa í ni, i cɔɔ ŋa. Inɛ ihɛ̃i í jɛ ama angudãi Ilaaɔ̃ iyi á nya dulum dii inɛi andunya ŋa ku nɛò.

Laabaau jiida iyi Zãa í kɔ 12:24

Ntɔ ntɔ ǹ wa n sɔ̃ ŋɛi, bii ijui iya kù cuku si ilɛ kù ku, nŋu akãi á maa wɛɛ. Amma bii í ku á bí iju nkpɔ nkpɔ.

Laabaau jiida iyi Zãa í kɔ 12:32

Waati iyi aa som hai ilɛ a kɔam lele, waati bɛɛbɛi an fa inɛ fei wa bi tom.

Laabaau jiida iyi Zãa í kɔ 13:3

Jesu takaɛ í mà iyi Ilaaɔ̃ Baaba í daa nŋu mii fei si awɔ, í nɔ í mà iyi nŋu í naai hai bi Ilaaɔ̃ nɔ nŋu wa nyi bɛ má.

Laabaau jiida iyi Zãa í kɔ 6:40

Idɔɔbii Baam nii í jɛ inɛ iyi í yɛ amu Ama nɔ í dasim naanɛ fei ku nɛ kuwɛɛ hai tã, an nɔ n jĩ lafɛ̃ɛ hai si balɛ si ajɔi ankãanyi.

Laabaau jiida iyi Zãa í kɔ 8:56

Aburahamu, bala nŋɛu, í wɛɛò inɔ didɔ̃ nla nla si bɛi á na ku yɛ kunaam. Í nɔ í yɔɔ. Iyi í yɔɔ nɔ inɔɛ í dɔ̃.

Woo bɛ ŋa 2:36

Na ŋɔi í jɔ̀ í sĩa iŋɛ inɛi Izirɛli ŋa fei i mà iyi ihɛ̃ ŋa sãa sãa. Jesu iyi ì kpakpa si jĩi nɔu bɛ ŋa, nŋui Aɔ̃ í ce Lafɛ̃ɛ do Kirisi.

Woo bɛ ŋa 3:15

Si bɛɛbɛ ì kpa inɛ iyi í jɛ irii kuwɛɛu ŋa. Amma Ilaaɔ̃ í jũu hai si balɛ, nɔ awa à yɔɔ.

Woo bɛ ŋa 5:31

Ŋɔi Ilaaɔ̃ í soo lele í jilɔɔ awɔ njɛɛ ku jɛ ilaalu do Woo faaba nɔ ku muaò inɛi Izirɛli ŋa kpãa a kpaasi idɔ ku ba ku kpa dulum du ŋa.

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Kɔrɛnti 1, 1:18

Ntɔ ntɔ, idei ikui Kirisi si antaii jĩi ku gaau í yɛi bɛi ide hai nɛ yaase bi inɛ ŋa iyi à wa si kpãai nfe ku ce. Amma bi awa iyi à wa si kpãai faabau, gbugbãi Ilaaɔ̃i.

Kɔrɛnti 1, 1:23

Amma awa, waazoi Kirisi iyi à kpakpa si antaii jĩi ku gaauui à waa ce. Ideu bɛi í jɛ bɛi kuta bi ku koosɛ bi Zuifu ŋa nɔ í jɛ má bɛi idei sũmu bi dimi mmu ŋa.

Efɛɛzu 2:16

Do saabui ikuɛ si antaii jĩi ku gaauui í kpaò mbɛɛtɛ iyi à waa muò njɛ wo, nɔ í tɔtɔɔ dimi minji ŋau akã í jɔ̀ à dɔ̃ do Ilaaɔ̃. Aŋa fei à baa à jɛ ara akã ajɔ.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Filipi 1:6

Ǹ wa n mà kãm kãm, Ilaaɔ̃ iyi í sinti icɛ jiidau ihɛ̃ si ŋɛ á maa cooi hee koo kpaò iriɛ si ajɔi kunyii Jesu Kirisi wa.

Filipi 3:20

Amma awa, lelei Aɔ̃i í jɛ ilu nwa. Hai bɛi à waa degbe woo faaba nwa Lafɛ̃ɛ Jesu Kirisi ku nyi wa.

Timɔtee 2, 4:8

Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Ebɛɛ 1:13

Ilaaɔ̃ kù nɔ kù sɔ̃ amalekaɛ gɔ kù ni, buba do ikpa awɔ njɛm ihɛ̃ hee n ce mbɛɛɛ ŋa bi ku lesi isɛɛ.

Ebɛɛ 1:3

Amboe iyi Ilaaɔ̃ í nɛ fei, si Amaɛi à yɔɔ. Amau í jɔ Ilaaɔ̃ takaɛ dee dee, í nɔ wa mu mii fei do gbugbãi ideɛ. Waati iyi í ce icɛ iyi á kpa idei dulum dii inɛ ŋa í tã, ŋɔi í koo í buba lele si awɔ njɛi Ilaaɔ̃ ilu gbugbã fei.

Ebɛɛ 10:14

Á yɔkɔ ku maa bubaɛ si na iyi í jɔ̀ kuwee akãui í jɔ̀ inɛ ŋa iyi Ilaaɔ̃ í ce inɛɛ ŋa à má mam mam hee do ajɔ fei.

Ebɛɛ 10:33

Waati gɔ ŋa à ya maa bu ŋɛ nɔ à kpã ŋɛ iju si bantuma, nɔ si waati gɔ ŋa mɔ ì ya maa mua inɛ gɔ ŋa iyi à waa yɛ dimii wahalau bɛ gbugbã ŋa.

Ebɛɛ 11:36

À yaako inɛ gɔ ŋa nɔ à tɛ nŋa kpɔtɔɔ. À dĩ inɛ gɔ ŋa do sesee à dasi ŋa piisɔ̃ɔ.

Ebɛɛ 12:3

I jɔ̀ i lasabu si mii iyi Jesu í ce, si bɛi í temua do mbɛɛtɛ nlau hee í jɛsi ilu dulum ŋa à kpaa. I mu ideu ŋa ku ba i maà kua gbugbã ŋa nɔ i maà mɔngɔ munya ŋa.

Ebɛɛ 13:13

Na nŋu, ka bɔ bi titɛɛ angule bɛ, ka jɛsi à donda wa bɛi a dondaɛ,

Ebɛɛ 5:9

Iyi í kɔ̃ í tã nɔ í baa í jɛa inɛ ŋa iyi à waa jirimaɛ fei icui faaba iyi ci ya tã,

Ebɛɛ 8:1

Nsɛi, irii ideu wee. Awa à nɛ woo wee nla dimi bɛɛbɛ, inɛ iyi wa buba lele si awɔ njɛi kitãi bommai Ilaaɔ̃ ilu gbugbã fei.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Zaaki 2:1

Kpaasim ŋa, iŋɛ iyi ì dasi Lafɛ̃ɛ nwa Jesu Kirisi naanɛ, nŋu iyi í jɛ ilu amboe, i maà ya maa cɔ bɛi inɛ ŋa à reò njɛ do bɛɛrɛ ŋa.

Piɛɛ 1, 1:11

Hundei Kirisiu í wa si ŋa nɔ í sɔ̃ ŋa do njuma iyi Kirisi á ba ijuukpã, nɔ si anyiɛ á ba amboe. Nɔ à ce himma ku ba a mà waatiu do kpãa iyi wa fãau.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.

Zudu 1:21

Nɔ i leekĩ si kubii Ilaaɔ̃ ŋa, i maa degbeò ajɔ iyi Lafɛ̃ɛ nwa Jesu Kirisi á mu nŋɛ kuwɛɛ hai tã na araare nŋɛ iyi wa ce.

Kuyɛi Zãa 1:11

í ni, kɔ iyi ì waa yɛ si tia, nɔ i samba tiau bi inɛi igbɛ mɛɛjei Jesu ŋa iyi à wa Efɛɛzu, do Simiinu, do Pɛɛgamu, do Tiatii, do Saadi, do Filadɛɛfi, do Laodisee.

Kuyɛi Zãa 1:17

Iyi ǹ yɔɔ, ǹ cuku si isɛɛ bɛi iku. Nɔ í lesim awɔ njɛɛ í ni, maà ce njo, amui ǹ jɛ sinte do iri ku kpa.

Kuyɛi Zãa 1:8

Aɔ̃ Lafɛ̃ɛ, ilu gbugbã fei, nŋu iyi í wɛɛ, iyi í tako í wɛɛ wo, nɔ nŋui wa naa í ni, amui ǹ jɛ sinte do iri ku kpa.

Kuyɛi Zãa 2:8

Kirisi í ni má, kɔa amalekai igbɛi inɛm ŋa iyi í wa Simiinu. Kɔaa i ni, inɛ iyi í jɛ sinte do iri ku kpa, iyi í tako í ku wo nɔ í dede má si kuwɛɛ í ni,