Ebɛɛ 12:1 - Bibeli do fee

¹ Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.

Ebɛɛ 12:1 Iomraidhean Croise

Zɔɔbu 8:10

Aŋa aa yɔkɔ a kɔɛ nɔ a sɔ̃ɛ mii iyi à mà si lasabu nŋa.

Iri ku kɔ̃ 18:23

Woodaɛ ŋa si wajum nii à ya wa, nɔ n ci ya n jĩò ideɛ.

Ezai 60:8

Inɛ ŋau bɛ, yoo ŋai. Aa ni bɛi kudũi ijĩ iyi wa nɛi, walakɔ bɛi ankasiidi ŋa iyi à fo à koo à waa lɔ inɔ ile nŋa.

Ezekiɛli 38:16

Aa faata si inɛi Izirɛli inɛm ŋau wa ŋai. Aa bii si ŋa ŋai bɛi kudũi ijĩ í ya bii ilɛ. Iyi bɛ á na ku cei si awaati ŋa iyi wa naa do waju. An jɔ̀ i naa si ilɛi inɛm ŋa igũ ku ba inɛ ŋa a mà iyi amui ǹ jɛ Aɔ̃ Lafɛ̃ɛ.

Ezekiɛli 38:9

Awɔ do soogeɛ ŋa, do inɛi anyiɛ ŋa, aa faata si ŋa ŋai bɛi fufu nla. Aa bii si ilɛ nŋau ŋai bɛi kudũi ijĩ.

Matie 10:22

Inɛ fei á cé ŋɛi na irim, amma inɛ iyi í temua hee kɔɔ á ba faaba.

Matie 24:13

Amma inɛ iyi í temua hee kɔɔɛ á ba faaba.

Maaku 10:50

Ŋɔi fɛɛjuu í nyɔ kumbooɛ í dede gbakã í koo bi Jesu.

Luku 12:15

Nɔ í sɔ̃ ŋa í ni, i ya ce laakai ŋa ntɔ ntɔ do kɔdɛɛ fei, domi amanii amanɛ si í jɛ icui kuwɛɛɛ, baa bii bɛirei amaniu í la í to.

Luku 16:28

koo sɔ̃ ifɔ miiu ŋa iyi ǹ nɛ bɛu ku ni a ce laakai ku ba a maà na a naa si inya kugaabuu ihɛ̃.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Laabaau jiida iyi Zãa í kɔ 3:32

Wa jɛ sɛɛdai mii iyi í yɛ do iyi í gbɔ. Amma inɛ kãma kù waa jɛsi sɛɛdaɛ.

Laabaau jiida iyi Zãa í kɔ 4:39

Inɛi Samari nkpɔ nkpɔi í dasi Jesu naanɛ si inɔ iluu bɛ si na iyi í jɔ̀ abou í tako í sɔ̃ ŋa í ni Jesu í sɔ̃ nŋu mii iyi nŋu í ce wo fei.

Laabaau jiida iyi Zãa í kɔ 4:44

domi nŋu takaɛ í fɔ wo í ni, walii ci ya nɛ bɛɛrɛ si iluɛ.

Romu 12:12

I wɛɛò inɔ didɔ̃ ŋa na kpãa ku cɔu. I temua si wahala ŋa. I maà ya gbɛɛji do kutɔɔ ŋa.

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Galati 2:2

Ǹ kooi si na iyi í jɔ̀ Ilaaɔ̃i í ni n koo. Ǹ kpe inɛ ngboi woo dasi naanɛ ŋa ikãi awaò ŋa à tɔtɔɔ nɔ ǹ sisi nŋa yaasei idei laabaau jiidau iyi ǹ ya n cea dimi mmu ŋa waazoɛu wo. Ǹ ce bɛɛbɛi si na iyi í jɔ̀ n kù bi icɛm iyi ǹ ce wo, walakɔ iyi ǹ wa n ce nsɛi ku ce nfe.

Galati 5:7

Ì waa ce kuwɛɛ nŋɛ wo dee dee ŋa. Yooi í ganji ŋɛ í jɔ̀ i kù waa jirima ntɔu má ŋa.

Efɛɛzu 4:25

Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Filipi 1:30

Iŋɛ mɔ ì bam ku jabu ŋa si kujabu iyi ì yɛ ǹ ce ŋa wo nɔ ì waa gbɔ ŋa iyi hee nsɛi ǹ wa n mɔsi.

Filipi 2:16

nɔ i ya maa sɔ̃ ŋa idei kuwɛɛ ŋa. Bii ì waa ce bɛɛbɛ ŋa an tɔɔ fufu na iri nŋɛ si ajɔ iyi Kirisi á nyi wa, si na iyi í jɔ̀ icɛm iyi ǹ ce do kookaai kù jɛ ngbɛ.

Timɔtee 2, 2:4

Sooge iyi í wa ikoi igũ ci ya ce wũai andunya bii wa bi ku ce idɔɔbii inɛ ngboɛ.

Timɔtee 2, 4:7

Ǹ jabu jiida, nɔ ǹ sɛi ǹ bɔ hee kɔɔ, nɔ ǹ wa n leekĩ si naanɛ ku dasi dim dim.

Ebɛɛ 6:15

Si bɛɛbɛi Aburahamu wa temuaò nɔ í ba mii iyi Ilaaɔ̃ í wãa do.

Zaaki 1:3

domi ì mà ŋa, bii Ilaaɔ̃ wa cɔ laakaii naanɛ ku dasi nŋɛ nɔ i kù mɔngɔ ŋa á bí nŋɛ temua.

Piɛɛ 1, 2:1

Na nŋu, i jɔ̀ laalɔ baa yooma fei ŋa, hai ibo ku sɔ, do muafiti, do igu, do irii inɛ ku sɔ.

Piɛɛ 1, 4:2

nɔ waati iyi í gbe si kuwɛɛi andunyaɛ ku jɛ si idɔɔbii Ilaaɔ̃, ku maà ti ku jɛ do kɔdɛɛ nfe nfei ara.

Piɛɛ 1, 5:1

Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.

Piɛɛ 1, 5:12

Ǹ wa n kɔ nŋɛ ide keekeu ihɛ̃ wai do sobii Silasi kpaasi ilu naanɛ nwa. Ǹ bi n mu nŋɛ gbugbã nɔ n nyisi ŋɛ iyi ideu ihɛ̃ iyi ì waa leekĩ si dim dim ŋau, didɔ̃i Ilaaɔ̃i do ntɔ.

Piɛɛ 2, 1:6

nɔ si kumà i kɔ̃ɔsi ara ku mu, nɔ si ara ku mu i kɔ̃ɔsi temua, nɔ si temua i kɔ̃ɔsi bɛɛrɛi Ilaaɔ̃ ku mà,

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.

Kuyɛi Zãa 13:10

Inɛ iyi í nɛ piisɔ̃ɔ ku bɔ, tilasi piisɔ̃ɔi á bɔ. Inɛ mɔ iyi à nɛ a kpa do taakuba, tilasi taakubai á kpaa. Na nŋu, woo dasi naanɛ ŋa à nɛ a temuai nɔ a leekĩ si naanɛ ku dasi nŋa.

Kuyɛi Zãa 22:16

Amu Jesu, amui ǹ bɛ nŋɛ amalekam wa ku sɔ̃ igbɛi inɛm ŋa fei ideu ihɛ̃. Amui ǹ jɛ tɔkui Davidi, nɔ ǹ jɛ angua iyi wa má inya.

Kuyɛi Zãa 3:10

Ǹ ni i temua ŋa, nɔ ì jirima idem nɔu ŋa. Na ŋɔi í jɔ̀ amu mɔ an degbe ŋɛ si waatii wahala iyi wa naa si andunya fei ku na ku cɔ laakaii inɛ ŋa.