Ebɛɛ 11:5 - Bibeli do fee

⁵ Na naanɛ ku dasii, Enɔku kù kú, Ilaaɔ̃ í soo ku wa bi tɛɛ, nɔ inɛ gɔ kù yɔɔ do iju má. Waati iyi í wa si andunya, à ya maa jɛ sɛɛdaɛ iyi kuceɛ í dɔ̃a Ilaaɔ̃ si.

Ebɛɛ 11:5 Iomraidhean Croise

Ilaalu 2, 2:1

Aɔ̃ Lafɛ̃ɛ wa bi ku nɛò Elii lelei Aɔ̃ si fufu dabii. Bɛi í ce wee. Ajɔ nŋu gɔ, Elii do Elizee à nɛ hai Giligali.

Ilaalu 2, 2:11

Si bɛi à fɔ ideu à waa nɛò, ŋɔi sarɛtii ina gɔ do acĩi ina gɔ ŋa à faata wa à na à fɛɛfɛ ŋa. Nɔ Elii í nɛ lelei Aɔ̃ si inɔi fufu dabii.

Iri ku kɔ̃ 89:48

Ye gigi iyi kuwɛɛm kù sɔ̀. Inɛ iyi ì taka fei á kui.

Zeremi 36:26

Nɔ mɔm í na Yerameɛli amaɛu wooda do Seraya amai Aziriɛli do Selemia amai Abudeɛli í ni a mu Baruku woo kɔ tiau wa do walii Zeremi. Amma Aɔ̃ Lafɛ̃ɛ í singa ŋa.

Luku 2:26

Hundei Ilaaɔ̃u í sɔ̃ɔ wo í ni á yɛ inɛ iyi Aɔ̃ Lafɛ̃ɛ í cicau ku bɛi ku ku.

Luku 3:37

do Mɛtusela do Enɔku do Yerɛdi do Mahalaleɛli do Kenaa,

Tɛsalonika 1, 2:4

Amma si bɛi Ilaaɔ̃ í dasi wa naanɛ, í so laabaau jiidaɛ í da nwa si awɔ, bɛɛbɛ mɔi à waa sisi ideu. A kù waa coo si bɛi á dɔ̃a amanɛ ŋa si. À waa cooi bɛi á dɔ̃a Ilaaɔ̃ si, nŋu iyi í mà yaasei idɔ nwa.

Ebɛɛ 11:6

Nɔ wee inɛ gɔ kù wɛɛ iyi kuceɛ á dɔ̃a Ilaaɔ̃ si bii kù jɛ do naanɛ ku dasi. Ntɔi, inɛ iyi wa sɛkɛɛ si Ilaaɔ̃ í nɛ ku dasi naanɛ iyi Ilaaɔ̃ í wɛɛ nɔ inɛ ŋa iyi à waa dɛdɛɛ í ya sã nŋa ribaɛ.

Ebɛɛ 2:9

Do nŋu fei Jesu nŋu iyi à kaye wo, nsɛi à waa yɔɔ do amboe do jirima nla nla na wahala iyi í yɛ í kuò. Ntɔi, didɔ̃i Ilaaɔ̃ í tako í jɔ̀ kù to amaleka ŋa si waati keeke gɔ. Ilaaɔ̃ í ce bɛɛbɛi ku ba ku yɛ wahala ku kuò na irii inɛ fei.

Zãa 1, 3:22

Nɔ mii iyi à tɔɔɛ fei á mu nwai, domi à waa jirima woodaɛ ŋa nɔ à waa ce mii iyi á dɔ̃aa si.

Zudu 1:14

Enɔku mɔ iyi í jɛ tɔku mɛɛjesiai Adamu í ce walii na iri nŋa í ni, Aɔ̃ Lafɛ̃ɛ wee wa naa do amaleka kumáɛ ŋa bututu,