Ebɛɛ 11:4 - Bibeli do fee

⁴ Na naanɛ ku dasii, Abɛli í cea Ilaaɔ̃ kuwee iyi í nɛ bɛɛrɛ í re ti Kaɛ̃ɛ. Na saabui naanɛ ku dasiɛi Ilaaɔ̃ takaɛ í jɛsi amuaɛ nɔ í kpoo inɛ dee dee. Na naanɛ ku dasiui Abɛli wa ba wa ide ku fɔ hee nsɛi baa do iyi í ku fei.

Ebɛɛ 11:4 Iomraidhean Croise

Kusintii Andunya 4:10

Ŋɔi Aɔ̃ Lafɛ̃ɛ í ni, mii ì ce bɛ. Inunui njɛi ifɔɛ í to wa sim hee ihɛ̃ hai ilɛ wa.

Kusintii Andunya 4:15

Amma Aɔ̃ Lafɛ̃ɛ í sɔ̃ɔ í ni, inɛ iyi í kpaɛ an sãɛ gbese zakai isɛ gbɛɛje. Ŋɔi í cea Kaɛ̃ɛ nyinda ku ba inɛ iyi í yɔɔ fei ku maà ti ku dɛ ku kpaa má.

Kusintii Andunya 4:25

Adamu do aboɛ à tɔtɔɔ má nɔ Ɛfa í bí ama inɛmɔkɔ. Ŋɔi í ni, Ilaaɔ̃ í nyi í muum ama inɛmɔkɔ má í jɛ nsũi Abɛli iyi Kaɛ̃ɛ í kpau. Ŋɔi í jɔ̀ à sɔɔ Sɛti.

Kusintii Andunya 4:8

Amma baa do iyi Ilaaɔ̃ í ni bɛɛbɛ fei, ajɔ nŋu gɔ Kaɛ̃ɛ í sɔ̃ ifɔɛ Abɛli í ni, ka bɔ iko. Ŋɔi à fita à koo. Waati iyi à wa bɛ, ŋɔi Kaɛ̃ɛ í fo í bata ifɔɛu í kpaa.

Ilaalu 1, 18:38

Ŋɔi Aɔ̃ Lafɛ̃ɛ í naaò ina wa hai lele, nɔ í jo iŋau do jĩi ŋau do kuta ŋau do ilɛu nɔ í mɔ inyi iyi í wa inɔ isau.

Zɔɔbu 8:10

Aŋa aa yɔkɔ a kɔɛ nɔ a sɔ̃ɛ mii iyi à mà si lasabu nŋa.

Mɔnda ŋa 15:8

Aɔ̃ Lafɛ̃ɛ í cé kuweei inɛ laalɔ ŋa, amma í ya gba kutɔɔi inɛ dee dee ŋai do inɔ didɔ̃.

Mɔnda ŋa 21:27

Aɔ̃ Lafɛ̃ɛ í cé kuweei inɛ laalɔ, iyi í re mɔm bii lafɛ̃ɛ wa coo do lasabu laalɔ.

Kuwee 9:24

Ŋɔi Aɔ̃ Lafɛ̃ɛ í jɔ̀ ina í dede nɔ í jo kuwee ŋa iyi à ya jo si ina fei sãa sãau do ikpoi iŋai kuwee mmu ŋau fei. Iyi inɛ ŋau fei à yɔɔ, ŋɔi à wasi ku dɔ̃ anu do inɔ didɔ̃, nɔ aŋa fei à sɛɛbata.

Matie 23:35

Na nŋu, ijuukpãi woo kpa inɛ dee dee ŋau fei á jɛ si iri nŋɛ. Abɛlii í jɛ inɛ dee dee sinte iyi ì kpa ŋa. Zakari amai Baraki iyi ì kpa si afei kpasɛ̃i Ilaaɔ̃ do bi kuweeu ŋa, nŋui í jɛ inɛi ankãanyi iyi ì kpa ŋa. Ikui inɛ dee dee ŋau bɛ fei, hai Abɛli hee ku koo si Zakari, iŋɛi aa yɛ ijuukpãɛ ŋa.

Luku 11:51

Iŋɛi aa yɛ ijuukpãi ku kpai Abɛli hee ku koo si Zakari iyi à kpa si afei bi kuweeu do kpasɛ̃i Ilaaɔ̃. Ntɔ ntɔ, ǹ wa n sɔ̃ ŋɛ, ijuukpãi mii ŋau bɛ fei si inɛi nsɛi ŋau ihɛ̃i á baa ku jɛ si.

Titee 1:16

À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.

Ebɛɛ 11:2

Naanɛ ku dasi dimi bɛɛbɛi inɛi tako ŋa à nɛ, ŋɔi í jɔ̀ kuwɛɛ nŋa í sĩaa Ilaaɔ̃ si.

Ebɛɛ 12:1

Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.

Ebɛɛ 12:24

Ì sɛkɛɛ si Jesu do njɛɛ iyi í nikãu ŋa. Jesui í jɛ woo teese kpãa ku ba Ilaaɔ̃ ku dĩ akabuu titɔ̃ do amanɛ ŋa. Njɛɛui wa ba wa ide ku fɔ, nɔ ideɛ í dɔ̃ ku gbɔ í re ti Abɛli.

Ebɛɛ 5:1

Woo wee nla iyi à ya so hai si inɔi amanɛ ŋa fei, à ya sooi ku cea Ilaaɔ̃ icɛ na iri nŋa ku ba ku ya kooa Ilaaɔ̃ amua nŋa ŋa nɔ ku ce kuwee ŋa na irii dulum du ŋa.

Ebɛɛ 9:22

Si idei wooda njɛi í ya jɔ̀ mii nkpɔ ku maaju. Bii njɛ kù nikã Ilaaɔ̃ kaa kpa dulum dii inɛ kãma.

Zudu 1:11

Aa yɛ ijuukpã, domi tuubai Kaɛ̃ɛi à waa too, à dasi ara nŋa kurara ku ba a ba fia bɛi Balamu í ce, nɔ à kɔ̀si Ilaaɔ̃ bɛi Kore í ce nɔ à ce nfei ara nŋa.