Ebɛɛ 11:3 - Bibeli do fee

³ Na naanɛ ku dasii à mà iyi Ilaaɔ̃i í taka andunya do ideɛ. Bɛɛbɛi í taka mii iyi à waa yɛ hai si mii iyi a kù waa yɛ.

Ebɛɛ 11:3 Iomraidhean Croise

Kusintii Andunya 1:1

Hai sinte Ilaaɔ̃i í taka lele do ilɛ.

Iri ku kɔ̃ 33:6

Aɔ̃ Lafɛ̃ɛ í taka lelei Aɔ̃i do idei gɛlɛɛ. Nɔ do woodaɛi í takaò leleaɔ̃ ŋa mɔ fei.

Iri ku kɔ̃ 33:9

Iyi í fɔ fei í ya cei, bii í ni ngɔgɔ ku ce í ya cei.

Ezai 40:26

I wu iju nŋɛ i cɔ lelei Aɔ̃ ŋa. Yooi í taka mii ŋa iyi à wa lele ŋau bɛ. Yooi í jɔ̀ aŋa fei à fita gbugbãa à waa yɛ ŋa bɛi sooge ŋa. Í ya kpe aŋa fei mbɛ do iri nŋa ŋa. Do yiikoɛ, do gbugbã nla nlaɛ, baa akã nŋa ci ya gaizia.

Zeremi 10:11

Ide iyi aa sɔ̃ ŋa ŋa wee. I sɔ̃ ŋa i ni, iwɛ̃ ŋau bɛ, kù jɛ aŋai à taka lele do ilɛ. Na nŋu, aa ce nfe nŋai mam mam.

Zeremi 10:16

Lafɛ̃ɛi inɛi Zakɔbu ŋa kù yɛ bɛi aŋa, domi nŋui í taka mii fei. Nɔ dimii Izirɛliu nŋui í nɔɔ. Iriɛi í jɛ Aɔ̃ Lafɛ̃ɛi lele do ilɛ.

Laabaau jiida iyi Zãa í kɔ 1:3

Do nŋui Ilaaɔ̃ í taka mii baa yooma fei, nɔ nkãma kù wɛɛ iyi kù jɛ nŋui í takaɛ.

Woo bɛ ŋa 14:15

na mii í ce ì waa ce bɛɛbɛ, iŋɛ kpaasi ŋa. Awa mɔ amanɛi bɛi iŋɛ taka nŋɛ. Laabaau jiidai à naa ku sɔ̃ ŋɛ ku ba i jɔ̀ iwɛ̃ nfe nŋɛ ŋau nɔ i sinda si Ilaaɔ̃, nŋu iyi í jɛ icui kuwɛɛ. Nŋui í ce lele do ilɛ do tenku do mii iyi í wa inɔ nŋa fei.

Woo bɛ ŋa 17:24

Ilaaɔ̃, nŋu iyi í taka andunyau do mii iyi í wa si fei, nŋu iyi í jɛ Lafɛ̃ɛi lele do ilɛ, kaa buba si ile iyi amanɛ ŋa à ma do awɔ nŋa.

Romu 4:17

Kukɔi idei Ilaaɔ̃ wa fɔ í ni, awɔi an ce balai inɛi ilɛ nkpɔ nkpɔ. Nŋui í jɛ bala nwa si wajui Ilaaɔ̃. Ilaaɔ̃i í dasi naanɛ, nŋu iyi í ya jĩ iku ŋa, nɔ do ide ku fɔɛi í taka mii ŋa iyi a kù wɛɛ wo.

Kɔrɛnti 1, 2:7

Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.

Timɔtee 1, 4:5

Ntɔ ntɔ, ijɛ fei í mái bii à waa ceò idei Ilaaɔ̃ icɛ nɔ à waa ce kutɔɔ.

Ebɛɛ 1:2

Amma si waatii ankãanyiu ihɛ̃ awa à gbɔ ide ku fɔi Ilaaɔ̃i hai si gɛlɛi Amaɛ takaɛ. Amaui Ilaaɔ̃ í cica ku jɛ woo jɛ tubui mii fei, nŋu iyi aŋaò à taka andunya.

Ebɛɛ 6:5

nɔ à yɔɔ iyi idei Ilaaɔ̃ í sĩa, nɔ à mà gbugbãi kuwɛɛi ala,

Piɛɛ 2, 3:5

Amma mii akãi inɛ ŋau à gbɛjɛ na kance. Mii iyi à gbɛjɛ wee. Waati iyi Ilaaɔ̃ í taka lele do ilɛ, í taka ŋai do idei gɛlɛɛ. Do ide ku fɔɛi í nyaò ilɛ hai si inɔ inyi nɔ í fɛɛfɛɛ do inyi.

Kuyɛi Zãa 4:11

awɔ Ilaaɔ̃ Lafɛ̃ɛ nwa, awɔi ì to i nɛ amboe do bɛɛrɛ do gbugbã, domi awɔi ì taka mii fei. Si idɔɔbiɛi ì taka ŋa nɔ à wɛɛ.